HOSEA 3:5 - DAÜLANGPÜ LAIHING (BSI)

⁵ Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

HOSEA 3:5 Referans Kwoze

JEREMIAH 30:9

Shejao jomi Shembüpa, jomei Kahvang hatü ngei jom shing vamhüpü David ongpa jomi chongphohen.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

MIKA 4:1

Dohpü nyih kü hapa vamkahen: Hakei-üng Shembüpalei phopshem kahshangü peü mü shaopü kahshang leihen; Kahshangthü peü khongkü shaoshi linghen, hatü shennyakthü halei bhümei shühen.

EZEKIEL 38:8

Nyih longi angtü shoumpü bongthü kü vehok shingvaishi temei tuhpü kahdok mü hokhen. Haleipü shennyakthüyü bong luangi lavüngtoiyei tuhpü Israel kahshangthü kü jat longi kübü peiyei nyupeih. Jomü jat longi kübü peiyei nyupeih, hatü jom peü shaangü chingmei nyiushemmei kü nyunyüpeih.

EZEKIEL 16:63

Ammi dükpü mang kemei ngei am kü tükhen shejao ammi hathü deih-ei veüpai ju neka-aokhen” shei Shembüpa Kahvangi enyüke.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

ROM SHAHSHA APPÜ 11:25

Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

HOSEA 5:15

Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

HOSEA 5:6

Mechem jomi mi hatü mohohthü müei Shembüpa kü moilahen dainya, jomi büpa nedangnyu; Mehenangkü büpa jom toueipü lüdaiteke.

DANIEL 10:14

Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

EZEKIEL 38:16

ngelei nanglak Israel am khüei kahdok kü phumnyaki jümpükei peihen. Shompülei ngelei kahdok khüei ngei nüng müei peihen, Oh Gog, shejüang mechem ngei nüng homei ngelei daülangshemshepü jomei müki eeshi huhenshang jatthüi ngei nyinghen.

JEREMIAH 33:17

Mehenangkü Shembüpai hapakei enyüke: Israel amei ong uoshing kü uotü ong vaihen shennyak taoei mechemao David nenyuhen,

1 ONGPATHÜ 12:16

Mechem Israel ami jomi epü kü ongpai nebangpü eepa, nanglakthüi ongpa kü lenei hapakei e, “Hami David mü mehe phaihan, hatü Jesselei cheha mü mehe mükjüp nyüpa? Oh Israel am, laophülei shemei leidaikemshah! Oh David, ammei shahishem kü mon shaangü veihahtuh!” Hanangkü Israel am shemei leidaikem.

SHAHKÜP 4:30

Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

BHEI-IE 24:14

Shaang ngei ngelei nanglakthü touei nyokei leidainyeih, shejao Israel ami pheilei ammei nanglakthü kü mehe dükphahen ngei leidai shekü hapa shahvüng ephüshah:

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

JEREMIAH 30:24

Büpai deihpü mangdük thahshi, hatü ha mangjiü thahshi Shembüpalei mongshih nyokei neleidaihen. Shompülei ammi ha nyinghen.”

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

ISAIAH 9:13

Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

ISAIAH 17:7

Hapa nyih nanglakthüi jom Lingbü yemhen, hatü Israel amei Daülangpü Hük kü veihen.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

HOSEA 11:10

Jomphong Shembüpa phei mühen, büpai mailang keiha ngünghen. Mechem büpa ngünghenshang, büpalei hapeüthü heshüphi kübü kheüei peikahen.

ISAIAH 60:5

Ammi ha eetü mongonghen; ammei mong kü mongongpai mahen; Mehenangkü yungching homei mopnyümopha am touei leikahen, jatthülei mophimo am touei leikahen.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.