HOSEA 2:9 - DAÜLANGPÜ LAIHING (BSI)

⁹ Hanangkü mechem hah menkahen, ngei hapa hah hatü yiünaü yahlanghen, hatü ngei ngelei phümphah ashak, hatü nyemin ashak büm leipü nyiuklanghen.

HOSEA 2:9 Referans Kwoze

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

MALAKI 1:4

Edom ami, “Hamü ngümei mangtükjao shao lingei leihen” shei ejema, Shembüpa Kahvangi hapakei enyüke: “Jomi linghen aok, shejao ngei ha bentükhen. Jom kü mang kahdok, Shembüpalei mongshih phangkü nyupü nanglakthü shei nyükhen.

HOSEA 2:3

Hei nevaijema ngei pinnyü moi paipü nyih kü kei bümbai tuhphonghen, hatü ngei pinnyü-ü bhih kahdok, hatü shingkong kei leitükhen, hatü pinnyü yunglepai dihühen.

ZEPHANIAH 1:13

Jomei mophimo aetlangkemhen, jomei shemthü bentükhen. Jomi shem vehen, shejao hapa kü jom nenyuaokhen. Jomi nyalingngupai sheihen, shejao ha kübü yiü neyingaokhen.

JOEL 2:14

Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

HOSEA 9:2

Hah hatü olive mainga changshi nedanghen, hatü yiünaü nedanghen.

HOSEA 8:7

Jomi vanglüki keiha ten hainyüke, hatü jomi alüngleple kei ten vetnyüke. Kohpü hah kü betjük nejükhen, hapai hahying nevamhen; Hapa kü jük jüklangmao kung ami lühtükhen.

DANIEL 11:13

Mehenangkü Syria ongpai shongpü mü nyeishi veshanthü thaihen, hatü vangbong shohük pheikü büpai veshanthü longi lahhilaong changshi temtü hokhen daihen.

EZEKIEL 23:26

Jomi ammei ashakviha nyiuklanghen, hatü ammei chühiyük meipü yahlanghen.

EZEKIEL 16:39

Ngei jomei lak kü am shuohtükhen hatü jomi ammei dünyüshang hatü ammei khümshing peü mangtükhühen; jomi ammei ashakviha nyiuklanghen, hatü ammei doumeinangmei peü yahlangtü am bümkong tuhphonghen.

EZEKIEL 16:27

Hanangkü ngei am khüei lak haongpeih hatü ammei kahmük maanei leitükpeih; ammei nemeipü nyingnyoi eeyei veüei deihpü hahnempü vepa Philistia am kü shuohtükpeih.”