HOSEA 2:8 - DAÜLANGPÜ LAIHING (BSI)

⁸ Üpai pinnyü kü hahying, yiü, hatü mainga shuohpa, hatü Baal kahvang khümshing kü noteipü hon hatü ngin shuohpa hapayü ngei khihshei pinnyüi nenying.

HOSEA 2:8 Referans Kwoze

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.

HOSEA 13:2

Shaang jomi nyeinya mang thahnyüke; Jomi jom shing nyiam hatü ngin yah-ei jomei sholi kü peipükei jomei laki lajei lingnyüke. Hathü nanglakthüi, “Üami jakpü moila shuohnya, mohoh chehalei ju kü jüptuh” shei enyüke.

HOSEA 8:4

Jomi ngei kü nephe-i ong lingteke; jomi ngei nenyingi long jeteke. Jom nyingi mahhen jomei hon, hatü ngini lajeithü lingteke.

HOSEA 4:11

Jomi mükbongjuyung dükhen nangkü Shembüpa yakphongteke. Yiü hatü yiünaü-i ngelei nanglak kenhingmonghapü gühlangteke.

ROM SHAHSHA APPÜ 1:28

Kahvang nyinghen jomphong den nengoi shei veiaokpü nangkü Kahvangi jomphong nedükbenüng dou dükhen mongdang ten kü lanei shuohtükpeih.

LUK SHAHSHA APPÜ 15:13

Nyih maani angpheikü naü-eepai büpai angpü peü yah-ei tailu kahdokei dai, hatü mechem halei büpai nebahnevai-i lemphü kemtükpa, hapa kahmükei mangpü shaühile hük pei, hatü büpa taoei sha.

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

ISAIAH 46:6

Shennyakthüi laophülei khoung leipü hon aokei ngainyüke; Jomi ngin dok kü doknyüke; Jomi hon shükbülei nang yemei Kahvang shüknyüke, hatü hapa kü aümei khümnyüke.

SHAHPHENBÜTHÜ 9:27

Jomi kahlei shaei jomei kah leipü nyalingngupai vaümei yiü lingtü mo moteke. Hapheikü jomi jomei kahvangthü khümshemei daiyei hahtü yingtü Abimelekh kü yaüeilungei eteke.

HOSEA 10:1

Israel amü banei daipü nyalingngupai kei nyüke. Meshükpa betjük jüknya, hajükpa moidü lingnyüke; Meshükpa angeideiyei leinya, hajükpa jom khümhen yaong shemnyü lingnyüke.

SHAHKÜP 8:18

Shejao hayü Shembüpa, ammei Kahvangi shemmei leihüpeih shei deihtuh, hatü büpai shinnyih thahshi ammei bühipa kü lahtükpü lakshing düknyüpeih.

EZEKIEL 23:41

Jijinyi-i uoshing meipü kü uo hatü ha shekü haüdü hük haütü hapa shangkü ngelei ayingshü hatü mainga haüteke.

DANIEL 3:1

Nebukadnezzar ongpai hon lajei hük shaopü kü feet 90, hatü ba kü feet 9 ling, hatü Babylon kahdok Dura Kahjilei shingnüngei tuh.

HOSEA 13:1

Ephraim ami mechem shah ehen, lebü Israel jatthüi kheühampeih, Israel ami jom kü ngangei veihampeih; Shejao jomi Baal kü khümei mang thahtü didaipeih.

1 SHÜPPÜKENGPÜ 29:16

Oh Shembüpa hamei Kahvang, nüngei daülangpü men kü shem hük vehen shuohpü mopthü peü nüngei lak kübü peipeih hatü hathü kemei nüngei.

JOB SHAHSHA APPÜ 19:8

Ngei peih-ei nedaiaokhen mü Kahvangi ngelei lem bangtükteke; büpai ngelei lem vangnyak kü jotükteke.