HOSEA 2:5 - DAÜLANGPÜ LAIHING (BSI)

⁵ Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

HOSEA 2:5 Referans Kwoze

HOSEA 3:1

Shembüpai ngei kü, “Shao chem daituh, hatü pinnyü mih mü bamteiyei mükbongjuyung düklangmao hapa nyüha kü nüngi bamtuh. Israel am lebü kahvangthü lemei lepei hapa kü jeetükpü nyalingngupai aan kü kenlangmao, ngei jom kü bampükei bamtuh” shei e.

HOSEA 2:8

Üpai pinnyü kü hahying, yiü, hatü mainga shuohpa, hatü Baal kahvang khümshing kü noteipü hon hatü ngin shuohpa hapayü ngei khihshei pinnyüi nenying.

ISAIAH 1:21

Mekei hajük monglempü chingnyü büm yupü am kei leidaipa! Chem hepak keyü pinnyü kü shahhingi maei daülangshemshepü nyuhampeih, shejao shaangü shennyak jüpü am leidaiteke.

HOSEA 9:10

Shongei ngei mechem Israel am dangpa, jomü bhih kahdok kübü nyalingngupai kei shepeih; Shejao ngei mechem ambü ampa eepa, amü adhapü kü shongpü betjük eepükei shepeih. Shejao mechem jom Peor Kahshangei peiyei Baal kü khümpa, lomi jomi bampü kahvang kei jiühitshi leidaipeih.

HOSEA 8:9

Mehenangkü jomü phaüei gadu monha longteipükei Assyrialei aongei nyüke, Ephraimü laophü nyingi maithü kü yutükteke.

HOSEA 4:5

Nyakhingai kemei kü am huluh shuohnyüke, hatü am mü chemi thibüthüiyao huluh shuohnyüke. Hanangkü ngei ammei nyü, Israel mahtükhen.

HOSEA 2:2

Ngelei hapeüthü, anyü kü lohtuh; mehenangkü pinnyü ngelei nyüha nevai, hatü ngei pinnyülei baha nevai. Pinnyü kü mükbongjuyung dhe kohpü kübü, hatü büm yupü kübü dohhen loh-eishuoh.

JEREMIAH 11:13

Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

SHAHPHENBÜTHÜ 16:23

Shaang Philistia am ongthüi jomei Dagon kahvang kü moila longpü shuohhen hatü mongongteihen shingvaishi thai. Jomphongi, “Jenei kahvangi jenei vepa Samson jenei lak kü yahphüteke” shei kesho lok.

HOSEA 1:2

Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

JEREMIAH 13:22

‘Henüng dou ngei kü mehekei vamnya?’ shei nüngi nüngei mongei ejema, nüngei mang ahshi longpü nangkü nüngei ashakao shaakshi nüng kü douten dükpeih.

EZEKIEL 16:4

Am bühpü nyih ammei houng nevet, nevaijü am daühen nangkü yungi nepaü, nevaijü hümi nepaü, nevaijü ashaki neshak.

EZEKIEL 16:35

Hanangkü, Oh büm yupüthü, Shembüpalei shah bangtuh:

EZEKIEL 16:39

Ngei jomei lak kü am shuohtükhen hatü jomi ammei dünyüshang hatü ammei khümshing peü mangtükhühen; jomi ammei ashakviha nyiuklanghen, hatü ammei doumeinangmei peü yahlangtü am bümkong tuhphonghen.

AMOS 8:13

Hapa nyih kü themei lameithüi yung lepai shomei yinghen.