HOSEA 2:20 - DAÜLANGPÜ LAIHING (BSI)

²⁰ Ngei nüng monglempü kü ngelei nyüha vailanghen, hatü nüngi ngeiyü Shembüpa shei nyinghen.

HOSEA 2:20 Referans Kwoze

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

1 JOHAN 4:6

Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

HOSEA 2:19

Nüngü denshing ngelei nyüha vaiyei yahhen; ngei nüng daülangpü kü, shahhing kü, hatü shinshangpü kü ngelei nyüha vailanghen.

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

JOHAN 8:55

Shejao ngei büpa nyingnyeih; ngei büpa nenyingnyih shei ejema ngeiyao am kei shahshem epü am leidaihen. Shejao ngei büpa nyingnyeih hatü büpalei shah bangnyeih.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

EZEKIEL 38:23

Hapa keiha ngelei wong hi ngan, daülangshemshepü huhen, hatü jatthü longi tou kü ngei nyinghühen. Shejüang jomi ngeiyü Shembüpa khih shei nyinghen.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

HOSEA 13:4

Shejao ngeiyü Ijip kahdok leipü am mülangpü Shembüpa, ammei Kahvang. Ngei nevaipheikü lebü Kahvang ammi tetuh, hatü ngei mü lenei lebü yemleipüba neshiü.

HOSEA 6:6

Mehenangkü ngei moila nevai, bampü nanyeih; jakpü moila nevai, shejao Kahvang nyingpü nanyeih.

HEBREW 8:11

Jom hüki hük kü nenyuhteihen, nevaijü hüki hük mü, ‘Shembüpa nyingtuh’ shei ne-eteihen; Mehenangkü jom peü maanpü kübü longpü thahshi ngei nyinghen.

ISAIAH 62:4

Am kü hajük kü, “Yaktükpü am” nevaijü ammei kahdok kü, “Lavüngtoipü” shei nenyükhen; Shejao ngei amphong kü, “Hephzibah” hatü ammei kahdok kü, “Beulah” shei men ja menhen. Mehenangkü Shembüpai am kü mong hahhen, hatü ammei kahdok shem yemhen.

JEREMIAH 32:41

Ngei jom kü doumei dükpü kü mongonghen hatü ngelei mongdang hatü laangha kempai hapa kahdok kü jom hingmei sheiphonghen.”

EZEKIEL 16:8

Shao mechem ngei am peih-ei daipa, ngei am kü veishuohjü amü chühimai yemhen hepak ngoidaitü nyuteke. Ngei am bümkong nyupü kü ngelei bhagthuh-i jümhüpeih, hatü ngei am mü lah-ei vangpüshuwpü lingpeih hatü amü ngei lompü leihüpeih shei Shembüpa Kahvangi enyüke.

KAHBHAO 9:10

hatü nüng mü jahas leipü vamei daipü yemhimak, ouhiyüh hatü yemhamakha mü vangpüshuwpü hük lingnyüpeih.

LEVI 26:5

Nyalingngupai vaümhen hepak thahshi am hah vetpü nedoh-i nyuhen, hatü hah sheipü hepak thahshi nyalingngupai vaümpü nedoh-i nyuhen, hatü ammi hahhüpü hahying lemphüli hahhen; ammei kahdok chingmei nyiushemmei kü nyuhen.

LEVI 26:6

Ngei ammei kahdok kü chingmeivangmei shuohhen hatü am lakbowlayangei nyuhen; üpaiyao am nenyemhühen: Ngei kahdok kübü meishih nyahmang nüngtükhen hatü ammei kahdok kü vehok nevamhühen.

ISAIAH 2:4

Büpai longpü jatthü aa kübü shah phenhen, hatü nanglakthü depülaopü dohhühen. Jomi jomei yanluthü hanshong vaiyei penglanghen, hatü jomei phungthü ajap vaiyei juplanghen. Jat hüki hük khüei nehokhen; hajük kü hokhen netemhen.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

EZEKIEL 16:62

Ngei am mü vangpüshuwpü ja lingei leihen, hatü ngeiyü Shembüpa shei amphongi nyinghen.

EZEKIEL 34:25

Ngei jom mü chingmeivangmei vangpüshuwpü linghen, hatü meishih nyahmang peü changtükhen; shejüang jomphong bhih kahdokei nyuhen hatü hüshemei phaülei shiyeichonghen.

EZEKIEL 34:27

Kah kü nyupü püthüi betjük jükhühen, hatü kahdoki hahying vamhühen. Mechem ngei jomei nyiamvü phentükhen, hatü jom aa leihüpüthülei lak kübü yanghenshang, jomphong nenyemi hüshemei nyuhen, hatü jomphongi ngeiyü Shembüpa khih shei nyinghen.

MIKA 4:3

Büpai nanglak hi nanglak aa kü shahphenhen, hatü bahiyang kübü wong kohpü jatthülei mophicheü dohhühen. Jomei yanlu hanshong vaiyei shüklanghen, hatü jomei phungi thüng japteipü ajap shüklanghen. Jat hi jat khüei yan nenohen, nevaijü jomi hajük kü hokhen ve-ow netemhen.

ZEKHARIAH 9:10

Ngei Ephraim leipü koyei kharithü, hatü Jerusalem leipü vehok koyeithü yahlanghen, hatü vehok phunglang mangtükhen shei Shembüpai enyüke. Büpai jatlithü kü chingmeivangmei baonghen; Büpa vanglem lempü yungching kübü yungching ngoishi, hatü Euphrates yungyen kübü kahdok dohpü ngoishi nyuhen.