HOSEA 2:13 - DAÜLANGPÜ LAIHING (BSI)

¹³ Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

HOSEA 2:13 Referans Kwoze

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

SHAHPHENBÜTHÜ 3:7

Israel ami Shembüpa, jomei Kahvang betüktü mepa Shembüpa touei mang nyu, ha dükei mang thah, hatü Baal hatü Asherah kahvangthü kü khüm.

HOSEA 13:1

Ephraim ami mechem shah ehen, lebü Israel jatthüi kheühampeih, Israel ami jom kü ngangei veihampeih; Shejao jomi Baal kü khümei mang thahtü didaipeih.

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

HOSEA 9:7

Hanghihen nyihthü ngoikünyüke; Dükpü shangshi hanghihen nyihthü yopailei nyüke; Israel ami ha nyingtuh. Mehenangkü ammei mang ahshi-üng longdaipü nangkü; hatü nejiünepaipü ahdaipü nangkü thibüthü kü ngapa, hatü laangha shennyakthü kü yoipa khih shei deihnyüke.

HOSEA 8:14

Israel ami jom Lingbü betüktü ongshemthü veteke; hatü Judah ami jilathü kü pe showteke; Shejao ngei jomei chingnyüthü kü aw shomhen, hatü jomei penyüsha hahtükhen.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

HOSEA 4:13

Jomi kahshang shaopülei jakpü moila shuohnyüke, hatü shangtaothü, longkhampü, poplar, hatü terebinth püthü phangkü püdhüm meishi eepü nangkü ayingshü jaknyüke. Hanangkü ammei yiükhathü büm yupü kü hatü lipeüthüi mükbongjuyungei lepdainyüke.

HOSEA 2:7

Pinnyüi maithü changei daihen, shejao phei nethahhen, hatü jomphong yemhen shejao nedanghen. Hahepak kü pinnyüi ehen, “Ngei ngelei shongpü baha touei nyokei leishah; mehenangkü shaangpü laphen meyü sheleipü-üng meipü khih.”

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

EZEKIEL 23:35

Hanangkü Shembüpa Kahvangi ha enyüke: Nüngi ngei betük hatü nüngei ngaümpheilei yaktükpü nangkü nüng iyjeiphailei hatü büm yuei kamteipü mang nüngi kohen.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

EZEKIEL 16:17

Ngei am kü meipü hon hi ngin ow yah-ei am shing lajei baktü lingpeih, hatü hathü mü büm yupü dou dükpeih;

JEREMIAH 23:2

Hanangkü Shembüpa, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei Shembüpai enyüke.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

JEREMIAH 11:13

Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

JEREMIAH 2:32

Nela hüki laophülei chühiyük, hatü doidaila hüki laophülei owhiai be-aokhen je? Shejao ngelei nanglakthüi nyih longi ieyei neaoki ngei betükteke.

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

MENVIH KESHO 106:21

Ijiplei dou longpü dükpü Kahvang jomei Yemleipüba,

MENVIH KESHO 106:13

Shejao lomi jomi büpalei douthü betük; jomi büpalei shahnying danei nenyu.

MENVIH KESHO 78:11

Büpai mehe dük ha jomi betük, hatü büpai jom kühupü yashanyalepüthü betükteke.

JOB SHAHSHA APPÜ 8:13

Hapa keiha Kahvang betükpüthülei yangnyu nyunyeih, hatü Kahvang nenyingpüthü monglem neshiüi mahnyeih.

2 ONGPATHÜ 21:3

Büpai chepa Hezekiah-i mangtükpü vaümchongthü ne leiyei ling; büpai Baal kahvang kü khümhen moidüthü hatü Asherah lajeithü Israel ongpa Ahabi lingpükei ling. Büpai lithathü peü kü khüm.

2 ONGPATHÜ 10:28

Hanangkü Jehu-i Israel kü Baal kahvang khümpü maoei tükpeih.

2 ONGPATHÜ 1:2

Shaang Israel ongpa Ahaziah büpalei Samaria ongshem adok shangeipü vüei ma yahteke. Hanangkü büpai phongmokbüthü kü, “Daituh, hatü Ekron amei kahvang Baal-Zebub kü ngei mei-üla khih shei phetuh” shei e.

1 SAMUEL 12:9

Shejao jomi Shembüpa, jomei Kahvang betükpü nangkü büpai jom Hazor am Jabin ongpalei veshan mübü Sisera, hatü Philistia, hatü Moab ongpalei lakmong kü lanei shuohtükpeih, hatü jomi ammei bühipa am khüei hokpeih.

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

SHAHKÜP 32:18

Am bühpü paümpü Yaong ammi yakphong, am kü yangnyu shuohpü Kahvang betük.

SHAHKÜP 6:12

aa vaishi nyupü Ijip kahdok leipü am müei leipü Shembüpa nebetükhen kenhingtuh.

MÜLANGPÜ 32:34

Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

EZEKIEL 16:12

hatü shong kü honchü, dhaongchü hatü nethe meipü athen thenhüpeih.

JEREMIAH 7:34

Ngei jomei mongongmonglepü ngeü, Judah chingnyü hatü Jerusalem chingyangshongei yiükyah lashompü ngeühinga kemei dohtükhen; mehenangkü hapa kahdokü lavüngtoiyei leitükhen.

YOUNG LAI 1:4

Zionlei aongpü lemnyüao youngteke; Mehenangkü üpaiyao hapa lemnyü kü mohitap kao nelingleinyu. Pinnyülei penyüsha vüngmaki küpdai, haleipü ngongpathüao youngnyüke; haleipü nelathüao mongshangnyüke, hatü pinnyü-ü shahyakpü mongshang kü nyüke.

YOUNG LAI 5:14

Viüpathü chingnyü penyüsha kübü lüdaiteke, nethethüi kesho nyahhai neloki dohdaiteke.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”