HOSEA 14:9 - DAÜLANGPÜ LAIHING (BSI)

⁹ Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”

HOSEA 14:9 Referans Kwoze

KANDOK 10:29

Daülangpüthü shingvaishi Shembüpalei lemü jom loishing, shejao nemeipü dükpüthü shingvaishi mahhen nyüke.

MENVIH KESHO 107:43

Kon kohpüthüi ha nyingei lituh, hatü Shembüpai bampü deih-ei dangtuh.

JOHAN 8:47

Üam Kahvang leipü nyüpa, Kahvangei shahthü bangnyeih. Amphongi hathü nebangpü lappeyü amphongü Kahvang leipü nevai” shei e.

DANIEL 12:10

Longshi shing daütükhen shejao nemeipüthü nemei-i nyuhen. Nemeipüthü üpayao ha nenyingaokhen shejao kon kohpüthüi ha nyingaokhen.

ZEPHANIAH 3:5

Shejao daülangpü Shembüpa jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

JEREMIAH 9:12

Ha nyingaokhen mü üpa kü kon changshi nyüpa? Ha baongei ehen mü üpa kü Shembüpalei ju kübü vamei eshuohpa? Üpaiyao peih-ei nekamteihen mü mehekei hapa kahdokü lavüngtoiyei yakphongpa?

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

JOHAN 18:37

Pilati büpa kü, “Shejema nüngü ong je?” shei phe. Jisui jangei, “Nüngiang ngeiyü ong hük khih shei enyüke. Ha tata kü ngei bühpeih, hatü ha tata kü ngei hapa shahhing denpü shuohhen nangkü ngei kahdoknyülei yiüpeih. Hapa shahhing kü nyupü peüi ngei epü bangnyeih” shei e.

ISAIAH 26:7

Daülangpüthülei lemü lemnyeü meishi, hatü hingshangpüthülei lemü nyülüki nyüke.

MENVIH KESHO 119:128

Nüngei shahkungthü kü jiüshi ngei münyüpeih; shahshem lem peü kü ngei jiühitnyeih.

MENVIH KESHO 119:75

Nüngi shahphenpeyü jiüpü khih shei ngei nyingnyüke, Oh Shembüpa; hatü nüng shahhing epai ngei kü hanghi shuohpeih.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

ROM SHAHSHA APPÜ 7:12

Hanangkü shahkungnyü-ü daülangpü hatü shahkungü daülangpü, hingshangpü hatü meipü nyüke.

JOHAN 15:24

Üpaiyao mangdükpü dou ngei jomphong touei nedüklangmeyü jomi mang nethahhah shepeih. Shejao shaang jomi ha eeteke, hatü ngei hatü Opa henjiphen kü jiühitnyüke.

JOHAN 9:39

“Ngei kahdoknyülei peipeyü ne-eepüthüi eehen, hatü eepüthü mükphünghen nangkü shahphenhen peipeih” shei Jisui e.

LUK SHAHSHA APPÜ 7:23

Üpai ngei kü huluh neshuoh, büpa moihiman” shei e.

LUK SHAHSHA APPÜ 2:34

Hapheikü Simeoni jomphong kü moihimanei chenyü Mary kü, “Hapa naü-ü Israel kü longshi shing dohühen, hatü phukhen nyangeihepü hük vaihen nangkü jepeih,

MATHI 11:19

Shennyak Ha hah-ei yingei pei hatü jomi büpa kü, “Hahnem hatü yiü chokpa, lat thaibüthü hatü mangthülei mongjempa kü veituh!” shei enyüke. Shejao pinnyülei doui kihikonü dahshakhüteke.

EZEKIEL 18:25

Shejao ammi shao, “Shembüpai dükpeyü nejiüang” shei enyüke. Ha bangtuh, Oh Israel phang: Ngelei lemthü nejiüpü je? Ammei lemthü nejiüpü nevaipü je?

ISAIAH 1:28

Shejao khüei yaongpü hatü mangthü chemi mahtükhen, hatü Shembüpa yaktükpüthü mahtükkemhen.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

MENVIH KESHO 84:7

Jomü wong kübü wong dangei dainyüke, Jomi Zionlei kahvangthü khongkü Kahvang eehen.

MENVIH KESHO 84:5

Nüngei wong yahpüthü meshük mongong, üamei mongdangi Zion lemei dainya mongong;

JOB SHAHSHA APPÜ 17:9

Shejao daülangpü jomei lem kü jiüshangi nyuhen, hatü lak daülangi nyupüthü wong koh-ei leihen.

PHONGSHANTHÜ DOU 13:10

“Nüngü kahshihlei ha, jiüpü lemphülei vepa. Nüng keyü lueilem hatü ühing peü maei nyüke. Kangshangpü Shembüpalei lem kaokeinyomei lingpü nedohhen je?

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!

KANDOK 16:21

Kon kohpülei mongdang kü yao-aokpü kon nyüpeih; shahhingü meipai yawh-eiyangei leiaoknyeih.

ISAIAH 17:8

Jomi jomei laki linghahpü moidü kü dhüm neshuohhen, hatü jomi Asherah nyüha kahvang kü hingnelemhen, nevaijü jomei laki lingpü ayingshü jakpü moidü kü neveihen.

JEREMIAH 29:12

Hahepak kü am peiyei ngei kü phophen, hatü ngei am kü janghen.

EZEKIEL 11:18

Am halei nyokei leiyei haleipü lajeithü hatü jiühitbenüng douthü yaktükhen.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

ZEKHARIAH 10:6

Ngei Judah am phang wong kohhühen, hatü Israel am phang yanghen. Ngei jom kü bampü nangkü jom shemei müei leihen; ngei chemao jom neyaktükpükei nyuhen; Mehenangkü ngeiyü Shembüpa, jomei Kahvang, hatü jomi phoppü kü ngei janghen.