HOSEA 14:4 - DAÜLANGPÜ LAIHING (BSI)

⁴ Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

HOSEA 14:4 Referans Kwoze

ISAIAH 57:18

Ngei jomei lemthü eetepih, shejao jom meihühen; Ngei jom mühen hatü mahng theppüthü kü nyiumei shuohhen.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

TITUS 3:4

Shejao mechem Kahvang jen Yemleipübalei phahji yahyang hatü bampü shakei vampa,

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

ROM SHAHSHA APPÜ 3:24

shejao jomphong shaangü Khrista Jisu kü angei leipü homei büpalei phahji thinthoi jom dahshakhüteke.

HOSEA 11:7

Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

JEREMIAH 17:14

Ngei meitükshih Oh Shembüpa, hatü ngei meidaihen; ngei yangshih, hatü ngei yangdaihen; mehenangkü ngei menvih shuohpeyü nüng mon hih.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

BHEI-IE 25:11

“Eleazarlei cheha Phinehas, Aaron ngongpalei chehüi ngei Israel am kü mongshihpü meihütükteke; Ngei deihpü keiha jomphong touei ngelei men kü dhüm shuohhen shingvaishi büpai nyakpükenpü eeteke, hanangkü ngei mongshihpai shei jom nemahtükpeih.

BHEI-IE 25:4

Shembüpai Mosa kü, “Israel amei mübüthü kemei müei deiyei jütükkemtuh hatü Shembüpa tou kü vanghenyü kü yeemeishuoh; shejüang Shembüpai nanglakthü kü mongshihpü dohdaihen” shei e.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

ISAIAH 55:1

Hey, amphong yung lepüthü peü, yung touei peikei; Üami lop ne-ang, peikei, shakei yingtuh! Peikei, lop neshiüi, bhei neshuoh-i yiü hatü amma shakhahtuh.

JEREMIAH 31:20

“Ephraimü ngei bampü ha, ngei monghahpü hapeü nevaipü je? Ngei büpa khüei ejao shaang thahshi ngei büpa deihnyeih. Hanangkü büpa kü ngei mong kü nemei-i deihnyeih. Ngei hingmei büpa küphahji huhen” shei Shembüpai enyüke.

EZEKIEL 33:14

Shao, ngei mang shennyak hük kü “Hingmei nüng dihen” shei ejao büpai laophülei mang kübü mong lepei mehe shahhing, hatü jiüpa, ha dükjema;

EZEKIEL 36:36

Shejüang am shinei tuhpü jatthüi ngei, Shembüpai hapa bentükpü shingthü lingei leiteke, hatü lavüngtoiyei tuhpü shingthü kü sheili neyei sheiteke shei nyinghen. Ngei, Shembüpai ha etepih, hatü ngei ha dükhen.

MENVIH KESHO 10:14

Shejao Oh Kahvang, nüngi shanghah hatü mongshang nyingnyüke, hatü nüngi ha kü sheühhen temei nyüke; Neaoknethangpüthüi nüng kü lanei shuohnyüke; nüngü hashihhathü kü sheühnyeih.

MENVIH KESHO 20:8

Jomü bendaihen hatü dodaihen, shejao jen payü wongshongi yaonghen.

HOSEA 2:19

Nüngü denshing ngelei nyüha vaiyei yahhen; ngei nüng daülangpü kü, shahhing kü, hatü shinshangpü kü ngelei nyüha vailanghen.