HOSEA 14:3 - DAÜLANGPÜ LAIHING (BSI)

³ Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

HOSEA 14:3 Referans Kwoze

MENVIH KESHO 68:5

Hashihhathü kü pa, hatü vaümnyüthü kü khüambakpeyü Kahvang; büpalei daülangpü shingei nyüke.

MENVIH KESHO 10:14

Shejao Oh Kahvang, nüngi shanghah hatü mongshang nyingnyüke, hatü nüngi ha kü sheühhen temei nyüke; Neaoknethangpüthüi nüng kü lanei shuohnyüke; nüngü hashihhathü kü sheühnyeih.

HOSEA 14:8

Oh Ephraim, lajeithü mü ngei mehe linghen? Am kü jangpü hatü jungpeyü ngei hih. Düngei phenlak thüngshingi nyupü awkaongpü leshi ngeiyü nyüpeih; Am hinglempü ngei kübü vamnyüpeih.

HOSEA 5:13

Mechem Ephraim ami büpa tüngpü eepa, hatü Judah-i büpalei makaw eepa, hahepak kü Ephraim ami ongpa longpü kü sheühpü yiüei Assyrialei heihteke, Shejao büpai jom tüngpü, hatü jomei makaw nemeihüaok.

HOSEA 2:17

Ngei pinnyülei ju kübü Baal menthü yaktükhen, hatü jomi hapa men ne-yei nenoteihen.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

ISAIAH 30:16

“Hami koyei kü uotü nyaihen” shei epü nangkü, ami hapakei-üng nyaihen! “Hami longi la shangshi mokpü koyei kü nyaihen hih” shei ammi epü nangkü am kü changpüthüao longi la shangshi nyukahen.

MENVIH KESHO 33:17

Aokpü danghen shei vehok koyei kü monglempeyü angsha, hatü hapalei wongi neyangaokpih.

JOHAN 14:18

Ngei amphong hashihha kei netuhphongpih; ngei nyipabü yiükahen.

HOSEA 12:1

Ephraim ami dhom kübü nyak dhüshi dükpü lemphüli angsha dou, hatü douten düknyüke. Jomi shahshem hatü dehilao nyeinya dahünyüke; Jomi Assyria am mü chingmei lempongnyüke, hatü Ijip am kü olive mainga shomnyüke.

HOSEA 8:9

Mehenangkü jomü phaüei gadu monha longteipükei Assyrialei aongei nyüke, Ephraimü laophü nyingi maithü kü yutükteke.

HOSEA 8:6

Hathüyü Israel leipü nyüke! Lajei lingbüi lingteke; hayü Kahvang nevai. Samaria amei mohoh lajeiyü khih mü nihtükhen.

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

EZEKIEL 37:23

Sheyü jom nyingi jomei lajeithü, hatü jiühitnalaipü douthü nevaijü lebü pungpüshaipü homei mang nethahhen; mehenangkü ngei jomphong vüpü mang kübü yanghen, hatü ngei jom daütükhen. Shejüang jomphongü ngelei nanglak, hatü ngeiyü jomei Kahvang vaihen.’ ”

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

ISAIAH 36:8

“Teü, shaang nüngi ngelei shembü Assyria ongpa touei maanpü leituh. Nüngi hathü koyei kü uohen shennyak dangülashang kü ngei koyei haja nyi yahphahen hih.

ISAIAH 31:3

Ijip amü shennyak, Kahvang nevai; jomei koyeithüyü phai, laangha nevai. Mechem Shembüpai büpalei lak nohenshang, sheühbüao huluh shuohhen, hatü sheühhahpüthüao dohen, hatü jom peü chemi mahhen.

ISAIAH 30:2

Ngei leipü chudeih neyah-i üami Ijiplei yiünya, üami Pharaoh-i yangphahen shei sheühpü yemnya, hatü Ijip amei vangdhüm kü loihen yemnya, onyükei!

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.

ISAIAH 1:29

Ammi mongongteipü longkhampüthü eejü veükahen, ammi lümei khümteipü pemongthü eeshingkü mongmangkahen.

MENVIH KESHO 146:9

Shembüpai yenpathü kü veinyeih; büpai hashihha hatü vaümnyüthü kü khüambaknyeih, shejao nemeipü amei lem büpai lomohhünyeih.

MENVIH KESHO 146:3

Nüngi ongthü kü mongtelem, hangkui nüng neyangaokpih.

2 SHÜPPÜKENGPÜ 16:7

Hahepak kü Hanani thibü-i Judah am Asa ongpa touei peiyei büpa kü, “Mehenangkü nüngi Shembüpa, nüngei Kahvang kü nevai, Aram amei ong kü mongnyangpü nangkü Aram am ongpalei veshanthü nüngei lak kübü yangdaiteke.

SHAHKÜP 17:16

Ongpai büpa shingvaishi koyei longi ne-anghen nevaijü koyei shakhen shingvaishi nanglakthü shao Ijiplei neleishihhen; mehenangkü Shembüpai am kü, “Am ne-yei hapa lem kü nyokei neleihen” shei eteke.

ZEKHARIAH 13:2

Hapa nyih kü, deih-ei danghen shingvaishi kahmük kü nyupü lajeithü men peü katitükhen, hatü kahmük kü nyupü thibüthü hatü nedaüpü laanghathü changtükhen,

JEREMIAH 49:11

Nüngei hashihhathü tuhphongtuh, ngei hathü yemmü tuhhen; hatü ngei nüngei vaümnyüthü ngei kü hinglemhühen.”

HOSEA 4:12

Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

HOSEA 13:2

Shaang jomi nyeinya mang thahnyüke; Jomi jom shing nyiam hatü ngin yah-ei jomei sholi kü peipükei jomei laki lajei lingnyüke. Hathü nanglakthüi, “Üami jakpü moila shuohnya, mohoh chehalei ju kü jüptuh” shei enyüke.

JONAH 2:10

Shembüpai nyah kü ngeükhüam shuoh, hatü Jonah yungphaangei bhaiphongteke.”