HOSEA 14:2 - DAÜLANGPÜ LAIHING (BSI)

² Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

HOSEA 14:2 Referans Kwoze

HEBREW 13:15

Shejema, büpa homei jeni nedoh-i Kahvang kü menvih shuohpü moila, lappai, büpalei men kü lahpü jubenyeijang betjük shuohshah.

JOB SHAHSHA APPÜ 7:21

Mehekei nüngi ngei pungpü, hatü ngelei mang netüknya? Mehenangkü shaangü ngei kahmongei shüdaihen; nüngi ngei yemhen, shejao ngei nechongkahen.

1 JOHAN 3:5

Büpayü mang yah-ei lüdainüng shakei vampeih shei ammi nying, hatü büpa kü mang neshiü.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

LUK SHAHSHA APPÜ 18:13

Shejao lat thaibüi tailei yaongtü, vangsho philei dangkao ngangei nevei-i büpalei jaaba kü daüpei, “Kahvang, ngei keipü mang shennyak kü phahjishih!” shei phop.

JOEL 2:17

Shembüpa chongphopü ngongpathüi phopshem shakung hatü moidü aa kü theptuh. Jomi, “Oh Shembüpa, nüngei nanglakthü yangtuh” sheiehütuh. Nüngi nüngei nanglakthü kü mih jatthüi ne-ienelemhen mü tetuhphong. Lebü shennyakthüi, “Ammei Kahvang melei nyüpa?” shei mehekei ehühen?

2 SAMUEL 24:10

Shejao Davidi veshanthü shangkuk iepheikü büpa longi mongshangei deih, hatü büpai Shembüpa kü, “Ngei dükpü doui nüng touei mang longi thahteke. Shejao shaang, Oh Shembüpa, nüngei chongphobüi thahpü mang tükshih shei phopnyüpeih; mehenangkü ngei ngadou dükpü khih” shei e.

2 SAMUEL 12:13

Hahepak kü Davidi Nathan kü, “Ngei Shembüpa khüei mang thahteke” shei e. Nathani jangei, “Shembüpai nüngei mang yahlangteke. Nüng nedipih.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

HEBREW 10:4

Mehenangkü mohoh hatü yum iy-i mang koei lüdaihen neaokbenüng.

ROM SHAHSHA APPÜ 11:27

Mechem ngei jomei mang yah-ei lüdaihen, hapayü ngei jom mü vangteishuwteipü vaihen.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

LUK SHAHSHA APPÜ 11:13

Amphong shennyakten vaijao laophülei hapeüthü kü thintho meipü shuohhen nyingjema, ammei vangsho leipü Pa-i büpa kü yüpüthü kü meshük nyeinya shuohhenang!

MATHI 7:11

Shejema, am nemeipüthüi dangkao laophülei hapeüthü kü thintho meipü shuohhen nyingjema, vangsholei nyupü ammei Pa-i büpa kü yüpüthü kü meshük meipü doumei shuohhenang!

ZEKHARIAH 3:4

Vangsho phongshani büpa touei yaongpüthü kü, “Büpa leipü ashakten nyiuklangtuh” shei e, hatü büpai Joshua kü, “Veituh, ngei nüngei mang yahlangtepih, hatü ngei nüng kü owja owphahen” shei eteke.

ISAIAH 6:7

Büpai hapa yah-ei ngelei ju kü hongtü, “Veituh, hapai nüngei ju kü hongteke; shaang nüngei mang lüdai, hatü nüngei mang tükteke” shei e.

1 JOHAN 1:7

shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

MENVIH KESHO 50:14

Kahvang kü menvih shuohpü jakpü moila shuohtuh, hatü Jaipüba kü nüngi lahtükpü düktuh.

MENVIH KESHO 51:16

Mehenangkü nüngi jakpü moila kü mongneongnyih, ngei paoh jakpü moila shuohjao nüngi ha kü mongneonghen.

MENVIH KESHO 51:17

Kahvang touei yah-aokhenüng moilayü laangha mangpü; mongdang mangpü hatü mongleipü mongdang, nüngi ha neyaktükpih, Oh Kahvang.

MENVIH KESHO 119:108

Ngei menvihpü moila yahtuh, Oh Shembüpa, hatü nüngei shahkungthü nyuhshih.

HOSEA 6:6

Mehenangkü ngei moila nevai, bampü nanyeih; jakpü moila nevai, shejao Kahvang nyingpü nanyeih.

JONAH 2:9

Shejao ngei nüng kü menvih shuohpü mü ngei jakpü moila shuohhen. Ngei mehe lah, ha ngei dükhen. Yemleipeyü SHEMBÜPAleipü peinyeih.

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

HOSEA 5:5

Israel am changmeipü jom khüei denpü nyüke; Ephraim ami laophü pungpü kü huluh shuohnyüke; Judah amao jom mü chemi huluh shuohnyüke.

HOSEA 12:7

Bhei yupüthüi nejiüpü dok noteinyüke; büpai bhei shakpüthü kü lawlüpnyüke.