HOSEA 14:1 - DAÜLANGPÜ LAIHING (BSI)

¹ Oh Israel, Shembüpa, ammei Kahvang touei mong leptuh. Ammei mangi am dopeih!

HOSEA 14:1 Referans Kwoze

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

HOSEA 13:9

Ngei am mahtükhen, Oh Israel; Üpai am kü sheüh-aokhen?

YOUNG LAI 5:16

Hamei shangjing leipü hon athen vüdai, Onyükei, hami mang thahteke.

HOSEA 5:5

Israel am changmeipü jom khüei denpü nyüke; Ephraim ami laophü pungpü kü huluh shuohnyüke; Judah amao jom mü chemi huluh shuohnyüke.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

ISAIAH 19:22

Shembüpai Ijip am kü cham peihüei tok shuohhen; büpai jom kü tok shuohhen hatü meitükhühen. Jomi Shembüpa touei lepei leihen, hatü jomi phoppü büpai danhen hatü jom meihühen.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

EZEKIEL 33:14

Shao, ngei mang shennyak hük kü “Hingmei nüng dihen” shei ejao büpai laophülei mang kübü mong lepei mehe shahhing, hatü jiüpa, ha dükjema;

HOSEA 4:8

Jomi ngelei nanglakthü mang thahhütü shemmei leinyüke, hatü nyeinya mang nyemthah shei deihnyüke.

HOSEA 9:7

Hanghihen nyihthü ngoikünyüke; Dükpü shangshi hanghihen nyihthü yopailei nyüke; Israel ami ha nyingtuh. Mehenangkü ammei mang ahshi-üng longdaipü nangkü; hatü nejiünepaipü ahdaipü nangkü thibüthü kü ngapa, hatü laangha shennyakthü kü yoipa khih shei deihnyüke.

HOSEA 10:12

Am shing daülangshemshepü haituh, bampü betjük vettuh; ammi kahdok ja shotuh; Mehenangkü büpa peiyei am kü daülangpü vang keiphahen shingvaishi Shembüpa yemhen hepak nyüke.

HOSEA 12:8

Ephraim ami changmeiyei, “Oh hamü shemmei, nükhinyiam longi nyüpeih. Hami shahhing ne-epü mophimo dangpeih; üpaiyao ham kü eelahen mang nedangpih” shei enyüke.

2 ONGPATHÜ 8:12

“Ngelei shembü, nüng mehekei thepnya?” shei Hazaeli phe. Büpai jangei, “Mehenangkü nüngi Israel am kü dükhen nemeipü douthü ngei nyingnyüke. Nüngi jomei pe showtükpü chingnyüthü awi haptükhen, jomei nethethü nüngi jükemhen, jomei maanpü hashihthü yah-ei kahdokei shüktü jütükhen, hatü jomei büm nekongpü nyühathülei vom shaakei jükemhen khih” shei e.

EZEKIEL 16:46

Anya bahhenyü-ü Samaria am pinnyülei yiükhathü mü am mü apshaphi lemei nyuhampeih, hatü anaü-ü Sodom am pinnyülei yiükhathü mü am mü pehephi lemei nyuhampeih.

HOSEA 9:13

Chem Ephraim amü shingmei kü sheipü pü keieepeih, shejao shaang Ephraim ami jomei hapeüthü jühen müei daihen.

AMOS 1:13

Shembüpai hapakei enyüke: Ammon amei mang jem nangkü, hatü ali shingvaishi ngei hanghi neyahlangpih; mehenangkü jomei kahmük viong dahen nangkü Gilead amei büm nekongpü nyühathülei vom shaaktükteke.