HOSEA 13:5 - DAÜLANGPÜ LAIHING (BSI)

⁵ Ühivanpü kahdok kü, hatü jahpanei ühyingei jungpeyü ngei hih.

HOSEA 13:5 Referans Kwoze

SHAHKÜP 32:10

Büpai jom jahpanei, lavüngtoipü phaüi nganei longteiyei nyushi dangteke, Büpai jom yangteke, hatü jom kü jungteke, hatü yomteke.

SHAHKÜP 8:15

Büpai am leü kohpü biünyü biütam, yiüjikaungkang nyupü jahpan homei müpeih. Yung neshiüpü kahdokvan kü büpai am shing yaong kübü yung vamhüpeih.

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

NAHUM 1:7

Shembüpayü meiangpeih; büpayü shangpong yakying hepak kü jen loishing nyüke. Büpa kü hinglempüthü kü büpai jungnyüpeih.

MENVIH KESHO 142:3

Mechem ngelei laangha shomeiyingei shahen, nüngi ngelei lem nying. Ngei kampü lem kü jomi ngei kü joshi aethitai haenshi tuhteke.

MENVIH KESHO 63:1

Oh Kahvang, nüngü ngelei Kahvang, ngei nüng yemnyeih. Yung neshiüpü kahvan kü ngelei laanghai nüng young lenyeih; ngelei phai-i nüng ongyangnyeih.

MÜLANGPÜ 2:25

Kahvangi Israel hapeüthü kü vei, hatü bamei deih.

1 KORINT 8:3

shejao üpai Kahvang kü bamnya, Kahvangi büpa nyingnyeih.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

MENVIH KESHO 31:7

Nüngi bampü kü ngei mongongnyeih, mehenangkü nüngi ngei ponghahpü eeteke, hatü ngelei laangha shanghahpü nyingteke.

MENVIH KESHO 1:6

Mehenangkü Shembüpai daülangpüthülei lem kü veishi nyunyeih, shejao nemeipüthülei lemü mahdaihen.

KAHBHAO 31:40

Ngei hapakei ponghah-ei nyupeih: Nyihnüng shaampai, hatü yanüng wohongpai hanghipeih, hatü ngei meishi neshinechongi nyupeih.

HOSEA 5:3

Ngei Ephraim am nyingnyüpeih, hatü Israel am ngei tou kü nejoaokpih; Oh Ephraim, am mükbongjuyung philei lepdaiteke, Israel am sheihdaiteke.”

HOSEA 9:10

Shongei ngei mechem Israel am dangpa, jomü bhih kahdok kübü nyalingngupai kei shepeih; Shejao ngei mechem ambü ampa eepa, amü adhapü kü shongpü betjük eepükei shepeih. Shejao mechem jom Peor Kahshangei peiyei Baal kü khümpa, lomi jomi bampü kahvang kei jiühitshi leidaipeih.