HOSEA 13:14 - DAÜLANGPÜ LAIHING (BSI)

¹⁴ Ngei jomphong Sheol nganhiwong kübü yangaokhen je? Ngei jomphong Dipü kübü angei leiaokhen je? Oh Dipü, nüngei cham leü melei nyüpa? Oh mahngchong, nüngi mangtükhen ngan melei nyüpa? Ngei henüng nanglakthü kü hajük kü nephahjipih.

HOSEA 13:14 Referans Kwoze

ISAIAH 25:8

Büpai dipü den shingvaishi lühtükhen. Hahepak kü Shembüpa Kahvangi peüei mük kübümükphi thittükhen, hatü büpai kahdoknyü peü kübü laophülei nanglakthü lomohpü peü yahlanghen shei Shembüpai eteke.

SHAKEI VAMPÜ 21:4

büpai jomei mük kübü mükphi peü thittükhen. Dipü hajük kü nenyuhen; theppü, youngpü hatü tüngpü hajük kü nenyuhen; mehenangkü shongpü douthü peü peihdaiteke.”

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

ISAIAH 26:19

Shejao nüngei nanglakthü didaipü yem leikahen, jomei büm yangei leikahen. Oh mahngchongei shishi nyupüthü, paotuh hatü mongongpai kesho loktuh. Nyieni nepnüng dhom mü kahdoknyü thahümahüpü keiha, Shembüpai shelei didaipüthüao yem leihühen.

MENVIH KESHO 49:15

Shejao Kahvangi ngei Sheol leipü yangphahen, büpai ngei büpa touei yahlanghen.

MENVIH KESHO 30:3

Oh Shembüpa, nüngi ngei Sheol leipü müei ngaipeih, kahshalei shüdaipüthü khong kübü nüngi ngei kü yangnyu shuohpeih.

JOB SHAHSHA APPÜ 33:24

hatü büpai hapa shennyak shinshangei, ‘Kahshalei shüdaihen kübü yangtuh, ngei büpa shing shojeinanglei hük dangtepih’ shei ejema,

ROM SHAHSHA APPÜ 11:29

mehenangkü Kahvangei thintho hatü büpai nyükpü yahlangnüng neaok.

MENVIH KESHO 86:13

Mehenangkü nüngi ngeikü bampü longi nyüke, nüngi ngelei laangha mahngsha chüpü leipü yangpeih.

MENVIH KESHO 16:10

Mehenangkü nüngi ngei Sheolei netuhphong, nevaijü nüngei Daülangpü Hük mahngshalei neshehühen.

1 SAMUEL 15:29

Büpa üpa Israel amei Müknyinshekhang, büpai shahshem ne-enyih, nevaijü büpai mong nejeinyih; mehenangkü büpa mong leihen mü büpayü shennyak nevaipih” shei e.

SHAKEI VAMPÜ 20:13

Yungchingiyao halei dipüthü nyokei shuoh, Dipü hatü Yimchingiyao halei nyupüthü nyokei shuoh, hatü jom peü kü laophüi dükpü aimü shahphenteke.

1 THESALONIKA 4:14

Jisu di hatü yangei lei shei jeni hinglem, hanangkü Kahvangi Jisu homei shiyei nyupüthü büpa mü yangei leikahen.

2 KORINT 5:4

Jeni hapa ashakshem kü nyuyaki jeni thepnyüpeih, hatü hanggovih chettü nyunyeih; mehenangkü jeni ne-owi nenyuhünyu; shejao jenei vangsho leipü nyushing owtü nyuhünyüke, shejüang mehe dibenüng nyu, hayü yangnyuyemi lühtükhen.

ROM SHAHSHA APPÜ 11:15

Jom yaktükpai kahdoknyü mongjemhüpü vaijema, jom yahpeyü dipü kübü yangnyuyem nyuhen.

MALAKI 3:6

Ngeiyü Shembüpa, ngei nejeileinyih. Hanangkü, Oh Jakobei hühihathü, ngei am nemahtükpih.

HOSEA 6:2

Nyih nyi nyih jem pheikü büpai jen büpa mü nyuhen leilanghen.

MENVIH KESHO 71:20

Nüngi ngei shanghah, hatü vongshüh longi ponghüteke, shejao nüngi ngei kü wong shuohhen, hatü nüngi ngei mahngsha leipao yanglanghen.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

PHILIPPI 3:21

Büpai jenei wong nekohpü büm yeiyahüei mepa ngan homei dou peü büpa phangkü shümei tuh-aok, hapa büpalei müknyinshekhang büm kü jen shepei ja leidaihen.

JEREMIAH 15:6

Ami ngei yaktükpeih” shei Shembüpai enyüke. Ammi mang thah-ei mon nyunyüke. Hanangkü ngei am kü lak shihhen hatü mahtükhen; Ngei hajük kü neshinshangpih.

SHAKEI VAMPÜ 6:8

Ngei veishuohjü haipih-i thüngpü koyei hük nyu. Hapa kü uopübalei menü Dipü nyuteke, hatü büpa mü yimching müshi ee; hatü jomphong kü kahdoknyü phaihan ali kü phaihan hük kü yani, münghishaü-i, chamhilemi hatü phaüyemthüi jühen ngan shuoh.

JEREMIAH 20:16

Hapa shennyakü Shembüpai nephahji-i noei yaktükpü ching kei nyuhütuh; Büpai dhom mü vaüpü eepü, hatü haümhah phei kü thep nyükpü danhütuh.

JEREMIAH 31:35

Üpai nyihnüng vangngai shingvaishi vanghe, hatü yanüng vangngai shuohhen nangkü lennyü hatü lithathü kü shahkung shuohnya, yungching yungmok ngeü vamhen mü üpai yungching pheühünya, ha Shembüpai hapakei enyüke: Jeiyong Shembüpayü büpalei men:

EZEKIEL 37:9

Hahepak kü büpai ngei kü e, “Ngü kü teteivanei etuh, shennyak ha: vaungjung ali kübü vanglük peikei hatü yem leihen shingvaishi hathü mahng kü ngü heeyeishuoh shei Shembüpa Kahvangi enyüke.”

JOB SHAHSHA APPÜ 41:22

Büpalei wong üng kü kohshi nyüke; büpa touei peü nyemei nyaidainyeih.

MENVIH KESHO 49:16

Mechem shennyak hük shemmei leihen, hatü büpalei mop dapü eeshingkü nüng tenyem.

HOSEA 7:10

Israel am changmeipai jom khüei denpü nyüke, shejao jomi jomei Shembüpa, Kahvang touei mong nelep, nevaijü büpa yemei nelei.