HOSEA 13:1 - DAÜLANGPÜ LAIHING (BSI)

¹ Ephraim ami mechem shah ehen, lebü Israel jatthüi kheühampeih, Israel ami jom kü ngangei veihampeih; Shejao jomi Baal kü khümei mang thahtü didaipeih.

HOSEA 13:1 Referans Kwoze

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

LUK SHAHSHA APPÜ 14:11

Mehenangkü üami laophü nyingi longpü leinya, maanpü leidaihen, hatü üami laophü nyingi maanpü leinya, longpü leihen.”

KANDOK 18:12

Lomoh mangpong shekü shennyakei mongkü changmeiyei deihnyeih; shejao nenteiaokpüthü kü dhüm shuohnyüpeih.

1 ONGPATHÜ 12:25

Hapheikü Jeroboami phaüshang kahmük Ephraimei Shekhem chingnyü kü penyü showtü halei nyu. Haleipü büpa daiyei Peniel jila agteke.

1 SAMUEL 15:17

Samueli, “Nüngi laophü nyingi dangkao maanpü am shei nyingjao nüng Israel kü shangjing neleihüangpü je? Shembüpai nüng Israel amei ong vaihen jepeih.

SHAHPHENBÜTHÜ 12:1

Ephraim am Zaphonei heih-ei Jephthah kü, “Ammon am khüei hokhen shingvaishi chemi daihen ham kü nenyüki nüng mehekei daipa? Hanangkü hami nüng mongei uohütü nüngei shem awi haptükhen hih” shei e.

SHAHPHENBÜTHÜ 8:1

Hapheikü Ephraim ami Gideon kü, “Midian am mü hoknüng daishingkü mehekei nüngi ham kü nethongpa? Nüngi mehekei ham kü hapakei nonya?” shei jomi longi büpa kü langmaanteke.

JOSHUA 3:7

Shembüpai Joshua kü, “Ngei Mosa mü nyupükei nüng mao nyunyu khih shei nyinghen shingvaishi shinnyih ngei nanglakthüi eeshi nüng shangei longei anshihhen.

BHEI-IE 13:16

Hathüyü Mosai kahmük kü gühshuk shompü shennyakthülei men nyüke. Mosai Nunei cheha Hoshea kü Joshua shei men jeiteke.

BHEI-IE 13:8

Ephraim kü Nunei cheha Hoshea;

BHEI-IE 10:22

Hapheikü Ephraim amei khüamlung phangkü hanpü khong Ammihudei cheha Elishama-i mütü layaong.

KAHBHAO 2:17

shejao nüngi manghimei nyingpü pü leipü tehah; mechem nüngi haleipü hahhen, nüng hingmei ha nyih-üng dihen” shei shahkung shuoh.

2 KORINT 5:14

Khrista bampai jen kü vanglem lemnyüke; mehenangkü peü shing shennyak hük di shei hami nyingteke; hanangkü peü diteke.

ROM SHAHSHA APPÜ 5:12

Hanangkü shennyak hük homei kahdoknyülei mang peipü keiha hatü mang homei dipü peipü keiha, hatü hapakei peüi mang thahpü nangkü peü touei dipü yanei daiteke.

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

JOB SHAHSHA APPÜ 29:21

Ngei shahnying ejashingkü peüi nenmü mong shuoh-ei bang, hatü danei nyuhampeih.

JOB SHAHSHA APPÜ 29:22

Ngei epheikü jom üpaiyao shah ne-eham, hatü ngelei shah jomei mong kü jaohampeih.

HOSEA 2:8

Üpai pinnyü kü hahying, yiü, hatü mainga shuohpa, hatü Baal kahvang khümshing kü noteipü hon hatü ngin shuohpa hapayü ngei khihshei pinnyüi nenying.

HOSEA 8:4

Jomi ngei kü nephe-i ong lingteke; jomi ngei nenyingi long jeteke. Jom nyingi mahhen jomei hon, hatü ngini lajeithü lingteke.

ISAIAH 7:8

Mehenangkü Aram amü jomei chingnyü Damaska mü wong kohpüba nevai, hatü Damaskayü Rezin mü wong kohpüba nevai. Israel am nangkeyü bong pejempünga thahshi jat hük shei ehen mü nevai-i nanglakthü peü haitükkemhen.

HOSEA 2:10

Shaang ngei, pinnyülei maithü tou kü pinnyülei ashak nyiuklanghen, hatü üpaiyao ngelei lak kübü pinnyü neyangaokhen.