HOSEA 12:8 - DAÜLANGPÜ LAIHING (BSI)

⁸ Ephraim ami changmeiyei, “Oh hamü shemmei, nükhinyiam longi nyüpeih. Hami shahhing ne-epü mophimo dangpeih; üpaiyao ham kü eelahen mang nedangpih” shei enyüke.

HOSEA 12:8 Referans Kwoze

SHAKEI VAMPÜ 3:17

Mehenangkü ammi, “Ngeiyü shemmei hih, ngei lemphü nyüpeih; meheyao netaonyih” shei enyüke. “Shejao amü lomoh aühaü mong kü nemeipü, taopü, mükphüngpü hatü bümkong kü nyüke shei nenyingnyu.

MENVIH KESHO 62:10

Aetpüshepü kü hingtelem; angsha kü gühhen kü mongtelem; mop nyeinya dashingkü nüngei mong hathü kü tenyang.

1 TIMOTI 6:5

hatü sholi mongdang tendai, shahhing neshiüi düngei dokteikhaungkhei vamnyeih. Kahvang yempeyü mop danghen lem shei jomi deihnyüke.

ZEKHARIAH 11:5

Shakpü ami jom jünyüke, hatü nehanghihünyu. Jomi phai yunyüke hatü enyüke, “Shembüpa men longtuh! Mehenangkü ham shemmei leiteke,” hatü jomei mi yombüthüiyao jom kü nephahji.

KANDOK 30:20

Hapayü mükbongjuyungla hükei lem: Pinnyüi hahtü ju thittüknyüke, hatü “Ngei meheyao mang nedükangpih” shei enyüke.

KANDOK 30:12

Shennyak haneiyü müki eeheni daülangpükei, shejao nedaünelangpü kübü neyanpü nyüke.

MENVIH KESHO 52:7

“Kahvang kü neloipü shennyak, shejao mop kü monglempü, hatü hapa kü loipü shennyak kü veituh!” shei ehen.

MENVIH KESHO 49:6

laophülei mop kü monglempü, hatü laophüi angpü kü changmeipüthü tuhtü ngei mehekei nyemhen?

SHAHKÜP 8:17

Am nyingi, “Hamei wongi ham shemmei leipeih” shei ehen aok.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

LUK SHAHSHA APPÜ 16:15

Hanangkü büpai jomphong kü, “Ammi laophü nyingi mih touei dahshaknyüke, shejao Kahvangi ammei mong nyingnyeih; mehenangkü hangkui mehe douvang shei deih, hayü Kahvang touei jiühitbenüng” shei e.

LUK SHAHSHA APPÜ 16:13

Üpaiyao shembü nyi chongphohen neaok; büpai hük kü jiühithen, hatü hükpa kü bamhen; hük kü lanei chongphohen, hükpa yaktükhen. Nüngi Kahvang hatü mop nyiphen chongnepho-aok.

LUK SHAHSHA APPÜ 12:19

hatü ngei ngelei laangha kü, ‘Laangha, bong longi shingvaishi mop changshi tuh-ei nyüke; nyiumeituh, hahtuh, yingtuh hatü mongongtuh’ ” shei e.

LUK SHAHSHA APPÜ 10:29

Shejao büpai laophü nying dahshakhü, hanangkü büpai Jisu kü, “Ngelei chingyowpa üpaang?” shei phe.

MALAKI 3:13

Ammi ngei khüei shahlong eteke shei Shembüpai enyüke. Shejao, “Hami nüng khüei mekei shahlong epa?” shei ammi enyüke.

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

JEREMIAH 2:23

“Ngei nesheih-angpih hatü Baal kahvang kü nekhümangpih” shei eaokhen je? Kahjilei nüng mekei nyupa veihümao, nüngi mehe dükpa deihhümao. Nüngü shülangi mokpü ut chenyü khih,

JEREMIAH 2:35

“Ngei mang neshiüpih; büpai ngei kü mongneshihnyih” shei nüngi enyüke. “Ngei mang neshiüpih” shei epü nangkü shaang ngei nüng shahphenshingei deihen.

MALAKI 2:17

Am langmaanshapshüpai Shembüpa nyiuhüteke. “Hami mekei Shembüpa nyiuhüpa?” shei ammi enyüke. “Üami mang düknya, Shembüpai ha lümnyüpeih, hatü büpai hathü kü mongongnyeih” shei epai nevaijü “Shahhing Kahvang melei nyüpa?” shei phepai Shembüpa nyiuhüteke.

EZEKIEL 28:5

Bhei leihpü kü nüngei kon longpü homei nüngi nüngei mop dateke, hatü nüngei mongdangi nüngei mop eeyei changmeiyei leidaiteke.

HOSEA 4:8

Jomi ngelei nanglakthü mang thahhütü shemmei leinyüke, hatü nyeinya mang nyemthah shei deihnyüke.

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

KANDOK 11:1

Dok gühpü kü Shembüpai jiühitnyeih, shejao dok jiüshi dokpü kü büpai mongongnyeih.

JEREMIAH 5:27

Ou maei hüpü outuw keiha, jomei shemü gühdoui maei nyüke; hanangkü jomü longpü hatü shemmei leinyüke;

AMOS 8:5

“Hami hah yuhen shingvaishi mechem Lenja Mo peihdaiphahenang? hatü hami wheat hah yuhen mechem Sabbath dohdaiphahenang? Dokyaong gühhen, bhei aonghen, hatü dok gühpai bhei shakpü am kü lueilemhen.