HOSEA 12:7 - DAÜLANGPÜ LAIHING (BSI)

⁷ Bhei yupüthüi nejiüpü dok noteinyüke; büpai bhei shakpüthü kü lawlüpnyüke.

HOSEA 12:7 Referans Kwoze

KANDOK 11:1

Dok gühpü kü Shembüpai jiühitnyeih, shejao dok jiüshi dokpü kü büpai mongongnyeih.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

JOHAN 2:16

Büpai athuba yupüthü kü, “Hatoueipü hathü dou yahlangtuh! Opalei shem amphongi bhei leihshing teleitük!” shei e.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ZEKHARIAH 14:21

Jerusalem hatü Judah kübü dükhi-ümthü peü Shembüpa kü daülangshemshepü nyuhen, hatü üami moila shuohnüng peihenshang jomi hathü kü cheühen, hatü hapa nyih kü Jeiyong Shembüpalei shem kü bhei leihpüthü hajük kü nechongkahen.

MIKA 7:2

Kahmük kübü Kahvang shennyak mahdaikem, hatü daülangpü shennyak hükao hangku khongkü aoei neshiü. Shennyak peüi iy-aongmashateihen mon danei nyüke. Peüi banghhikang kü laophülei jeihinaü vüshihnyüke.

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

AMOS 3:9

Ashdod leipü hatü Ijip leipü penyüshathü kü baongeishuoh: “Am nyingi Samaria kahshangthülei thaituh, hatü hapa mongkü bukpüshaanpü longpü hatü halei shüveidoidei nyupü kü veituh.”

AMOS 2:7

Jomi taopathü kübhih kü nyeüei dungtüknyüke, hatü neaoknethang ponghahpüthü lemhaoei yaktüknyüke. Pahiha nyi chemi nyüha hük mü shinyüke; hapai ngelei daülangpü men tentüknyüke.

EZEKIEL 22:29

Hapa kahdok kübü shennyakthüi aeteishenyüke hatü gühnyüke; jomphongi taopathü hatü nehahneyingpüthü kü shüveinyüke hatü yenpa-oupathü kü aeteisheyei nejiüi düknyüke.

EZEKIEL 16:3

hatü Shembüpa Kahvangi Jerusalem kü hapakei enyüke shei etuh. Am ngamshing, am büh am paümpü kahdokü Kanan hih; ampayü Amor am, anyüyü Hit am hih.

ISAIAH 3:5

Shennyakthü hüki hük kü shüveiteihen, hashih-i behe kü dhüm neshuohhen, nyüten patenthüi hamhiman kü dheshing dhenaamhen.

KANDOK 16:11

Dok jiüshangi dokpeyü Shembüpalei, shahhingi bhei leihpeyü büpalei.

1 SAMUEL 12:3

Ngei hammü nyüpeih. Ngei lemhük dangkao pungei dükei nyujema Shembüpa, hatü büpai jepü ongpa touei ngei khüei denpü shuohtuh. Ngei üamei mohoh nevaijü gadu dangkao yahlangphüla? Nevaijü ngei üam kü lueilemei nevaijü ühingei nyüpa? Üpalei lak kübü ngei yawhdou yahpai ngelei mük phüngei nyüpa? Ngei hathü hük dangkao dükei nyujema shemhen” shei e.

MIKA 2:1

Üami küpjan ten lingnya, üami douten dükhen jomei shinshingei küpjan temnya, Onyükei! Mechem vangngainya, jomi ha düknyüke; mehenangkü jomi temtükpü douten dükhen jom kü ngan nyüke.

EZEKIEL 28:5

Bhei leihpü kü nüngei kon longpü homei nüngi nüngei mop dateke, hatü nüngei mongdangi nüngei mop eeyei changmeiyei leidaiteke.

ZEKHARIAH 5:8

Büpai e, “Hapa nyühayü mang lappü hih,” hatü büpai pinnyü mühdow mongei hungei shüshih hatü shaküp küptük.

KAHBHAO 49:18

Ngei nüng yemleipü omdannyeih, Oh Shembüpa.

ISAIAH 56:1

Shembüpai hapakei enyüke: Shahhing noteituh, jiüpü düktuh; Lomi ngelei yemleipü peikahen, hatü ngelei daülangshemshepü shakei vamkahen.

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

JOEL 2:12

“Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.