HOSEA 12:6 - DAÜLANGPÜ LAIHING (BSI)

⁶ Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

HOSEA 12:6 Referans Kwoze

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

MIKA 7:7

Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

ZEKHARIAH 8:16

Hathü dou ammi dükhen vongbong: Hüki hük mü shahhing eteituh, hatü shahphen shingei chingmei shingvaishi shahhing hatü jiüpü shahphen shuohtuh,

ZEKHARIAH 1:3

Jeiyong Shembüpai hapakei enyüke shei eyeishuoh: “Ngei touei mong lepei leikei, hatü ngei am touei lepkahen” shei Jeiyong Shembüpai enyüke.

ZEPHANIAH 3:8

Shembüpai enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

HABAKKUK 2:3

Mehenangkü ittükpü hepak shingvaishi shao-üng manghkhang hük nyüke; Hapayü dohpütenpü nang enyüke; hatü ha shahshem nevai. Hapayü pheidaijoong dantuh, hapa hingmei jiüshasha, nepheidaipih.

AMOS 5:24

Shejao shahhingpa yungyen kei yenhütuh; Daülangshemshepü mechemao nejeppü yunglok kei yenhütuh.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

HOSEA 10:12

Am shing daülangshemshepü haituh, bampü betjük vettuh; ammi kahdok ja shotuh; Mehenangkü büpa peiyei am kü daülangpü vang keiphahen shingvaishi Shembüpa yemhen hepak nyüke.

HOSEA 4:1

Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

JEREMIAH 22:15

Cedar pü yah-ei shem vepai nüng meipü ong leshi leihünyu je? Ampai hahtü yingtü mehe shahhing hatü mehe jiüpa ha nedükangpü je? Hanangkü büpa mü lemphüli meishi nyuhampeih.

ISAIAH 58:6

Ngei nabenüng shüaeiyunglepeyü hapa hih: Shahhing ne-epü nyiamvü laihen, hatü mih kü shapü vü shehen, Ponghahpüthü bümei leihühen, hatü lungsha kemei laitükhen.

ISAIAH 40:31

Shejao üami Shembüpa kü omdannya, jomi wong ja danghen. Jomi alangthü kei shangei piyei aonghen; jomi mokhen, shejao nenyiuhen, jom kamhen, shejao la nemeihen.

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.

ISAIAH 1:16

Am nyingi paütüktuh, hatü daülangi leituh. Am toueipü ammi dükpü doulemthü yaktükkemtuh, ten dükpü dohdaituh.

KANDOK 21:3

Jakpü moila meyü mehe jiüpü, hatü shahhing nyüpa, ha dükhen-üng Shembüpa touei yahhübenüng nyüke.

KANDOK 1:23

Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.

MENVIH KESHO 123:2

Chongphopathüi laophülei shembülei lak kü veipü keiha, chongpholathüi laophülei shembü lanyülei lak kü veipü keiha, büpai ham kü mangphahji thahshi hamei müki Shembüpa, hamei Kahvang kü veinyeih.

MENVIH KESHO 37:7

Shembüpa touei nenmü nyutuh, hatü nenteipai büpa omdantuh; shennyakthüi laophülei lem kü aokpü dangpü eeyei, hatü nemeipü küpjanthü kü aokpü dangpü eeshingkü nüng mongteshang.

MENVIH KESHO 27:14

Shembüpa omdantuh, wong kohtuh, monglongtuh, Shembüpa omdantuh.

KAHBHAO 49:18

Ngei nüng yemleipü omdannyeih, Oh Shembüpa.

EZEKIEL 18:30

Oh Israel am phang, ammei lemthü aimü ngei ammei shahphenhen shei Shembüpa Kahvangi enyüke. Mong leptuh! Ammei mang kübü nyokei leituh; shejüang mangi am nevüshihhen.

JOEL 2:12

“Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.

MÜLANGPÜ 3:15

Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.

AMOS 4:13

Veituh, üpai kahshangthü shüknya, hatü vanglük lingnya, shennyak kü büpalei mongdeih ngaiyei enya, dhomi vangnyak leitüknya, hatü kahdok shaopüthü kü kamnya, hapayü Jeiyong Shembüpa Kahvang, büpalei men nyüke.