HOSEA 12:2 - DAÜLANGPÜ LAIHING (BSI)

² Judah am khüei Shembüpalei lakei thaüvaü hük nyüke; Büpai Jakob kü büpalei nyuhichong aimü hanghihühen, hatü büpalei douten aimü nyokei shemhen.

HOSEA 12:2 Referans Kwoze

MIKA 6:2

Shembüpai thaüvaüpü kü bangtuh, Oh kahshangthü; hatü bangtuh am nedohnetenpü kahdoknyü chongnyiamthü. Mehenangkü Shembüpai laophülei nanglak khüei shahphenhen nyüke; Büpai Israel am khüei thaüvaü hük yah-ei peikünyüke.

HOSEA 4:1

Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

ISAIAH 10:6

Kahvang nenyingpü jat hük khüei ngei büpa shomnyeih, ngei mongshihpü nanglak khüei jomei mophimo aetei leihen, hatü chingshong leipü nyaühut kü kei nyeütükhen ngei büpa shomnyeih.

GALATIA 6:7

Am nyingi telutelemhah; üpaiyao Kahvang kü teyaü. Shennyak hüki mehe hai, ha-üng vetnyüpeih.

ROM SHAHSHA APPÜ 2:6

Mehenangkü büpai laophü laophülei dou aimü shuohhen:

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

HOSEA 4:9

Nanglakthü kei-üng ngongpathüao aihük hanghi-i ngei jom hanghihühen, hatü jomei douthü kü ngei nyokei shuohhen.

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

JEREMIAH 25:31

Hapa vüngjang jangei kahdok dohpü ngoishi daihen; mehenangkü Shembüpai jatthü khüei yaonghen; büpai hangkuli peü kü shahphenhen, hatü nemeipüthü yani mahhühen shei Shembüpai enyüke.

ISAIAH 59:18

Jomei dou aimü büpai nyokei shuohhen; büpalei vepathü kü mongshih, hatü hanghi shuohhen, yungkung kahdokei nyupüthü kao hapa hanghi shuohhen.

ISAIAH 24:21

Hapa nyih kü Shembüpai shangeipü vangsho nganthü, hatü kahdoknyü leipü ongthü kü hanghi shuohhen.

ISAIAH 10:12

Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

HOSEA 7:2

Shejao jomei douten kemei ngei deihshi nyüpeih shei jom kü leyei nepeinyu. Jomei mangi jom kü mük neshai-i veinyüpeih.

HOSEA 9:15

Jomei mang dou lemphüli Gilgalei chongpangpeih, halei ngei jom kü jiühitei deihpeih. Jomi mang dou dükpü nangkü ngei jom ngelei shem kübü changtükhen. Ngei hajük kü jom kü nebampih, jomei mübüthü peü ngei khüei yaongteke.

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

2 ONGPATHÜ 17:4

Shejao Assyria ongpai Hosheayü peileipa khih shei yepaok; mehenangkü büpai Ijip ongpa So kü khüambakshih shei phongmokbüthü shom, hatü büpai bong ieyei Assyria ongpa kü shuohhampü bom neshuoh-i doh. Hanangkü Shalmaneser-i büpa yepei khoklatei tuh.

JOB SHAHSHA APPÜ 15:2

Kon kohpü shennyaki angsha shah enyu je? nevaijü laophülei mong kü heong vanglüki maei nyunyu je?

MENVIH KESHO 78:36

Shejao jomi jomei jui büpa yawhteke; jomei yeijaangi büpa kü shahshem eteke.

CHONGVENBÜ 5:15

Shennyak hük hümlungnyülei vom mong leipü lakkong peinyüpeih, hatü büpa peipü keiha lakkong lüdainyeih. Laophüi dükpü kü vampü meheyao koei nedainyih.

ISAIAH 30:6

Negeb leipü yemhimakthü nangkü epü shah: Shangpong yakyingpü kahdok homei, mailang chebi chebaongthü, biünyü biütamthü homei jom kü nanglei neshuohhen nanglakthü touei, jomi gadu kü jomei mophimothü, hatü ut kü jomei hon hi nginthü shetnyüke.

HOSEA 7:1

Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

HOSEA 8:9

Mehenangkü jomü phaüei gadu monha longteipükei Assyrialei aongei nyüke, Ephraimü laophü nyingi maithü kü yutükteke.

HOSEA 8:10

Jomi laophü nyingi jatthü kü yutüklangmao, shaang ngei jom thailanghen. Mechem Assyria ongpai jom kü shüveihen, lomi jom tüngpai hangha yüpteihen.