HOSEA 12:14 - DAÜLANGPÜ LAIHING (BSI)

¹⁴ Shejao Ephraim ami Shembüpa shahyaki mongshihhüteke; Hanangkü jomei Shembüpai jom iy-aongmashateipü mang jom shak kü tuhphonghen, hatü jomi büpa kü ne-ienelempü nanglei nyokei danghen.

HOSEA 12:14 Referans Kwoze

EZEKIEL 18:13

Büpai nanglei yemei mih kü hang lushuohnyüke, hatü lop longi bhüei yahnyüke. Hapa keipü shennyak yemmü nyuhen je? Büpa nenyuaokhen! Büpai hathü jiühitpü douthü dükpü nangkü, büpa hingmei dihen, hatü büpalei iy büpalei shangjingei kohen.

DANIEL 11:18

Hapheikü yungnah phi kübü jatthü lemei dhe lepei leihen hatü hathü ching longi hahhen. Shejao veshan mübü hüki büpa nebahnevaipü dohtükhühen; hih, büpa nebahnevaipü büpa kü büpai nyokei shuohhen.

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”

2 SAMUEL 1:16

Davidi büpa kü, “Nüngei iy nüng shak kü nyutuh; nüngi laophülei ju-i, ‘Ngei Shembüpai jepü shennyak jüpeih’ shei denpü shuohteke” shei e.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

SHAHKÜP 28:37

Shembüpai am haitükhen kahmükthü kübü nanglakthüi am ponghahpü eetü haneitophen hatü am kü nyennyangei naamnyi nyiphahen.

EZEKIEL 33:5

Mehenangkü büpai amit ngeü danpheikü nehakapü nangkü mahjema, büpalei iy büpalei shangjing kü kohen. Büpai paoh shahvüng kü hakalangmeyü büpa yangdaihah shepeih.

EZEKIEL 18:10

Nyingshah-i hapa shennyakei hapeü hük, ahshi-üng nemei, mih kü iy-aongmashahüei nyunyüke,

HOSEA 4:2

Jomi lahtü mangtüknyüke, shahshem enyüke, jüteinyüke, gühnyüke, mükbongjuyung düknyüke. Iythüng anpü hük pheikü hük vamnyüke.

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

SHAHKÜP 18:15

Shembüpa, ammei Kahvangi am shingvaishi ammei nanglak khong kübü ngei keipü thibü hük shomphahen. Amphongi büpa kü bangtuh.

SHAHKÜP 18:18

Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.