HOSEA 11:9 - DAÜLANGPÜ LAIHING (BSI)

⁹ Ngei ahshi mongshihpai ngei ne-yei Ephraim am nemahtükpih; Mehenangkü ngeiyü Kahvang, shennyak nevaipih. Ngeiyü am mü nyupü Daülangpü Kahvang hih. Ngei am touei mongshih-ei nepeiküpeih.

HOSEA 11:9 Referans Kwoze

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

MALAKI 3:6

Ngeiyü Shembüpa, ngei nejeileinyih. Hanangkü, Oh Jakobei hühihathü, ngei am nemahtükpih.

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

2 SAMUEL 20:10

Shejao Joabei lakei yanlu noshi nyupü Amasa-i nenying; Joabi büpalei vom kü baptü leihilang peü kahdokei chinshi hatouei büpa di. Büpai nyipabü nebap. Hapheikü Joab hatü chenaü Abishai-i Bikrilei cheha Sheba changei dai.

ISAIAH 48:9

Mehenangkü ngelei men kü ngei mongshihpü pheinyüpeih, ngelei men vihhen nangkü ngei ha yepei tuhnyüpeih; Hanangkü am nemahtüki tuhnyüpeih.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

1 SAMUEL 26:8

Abishai-i David kü, “Kahvangi shinnyih nüngei lak kü nüngei vepa shuohteke, hanangkü shaang ngei büpa kahdok kü nyeanei chem mon nyipaao nevai, phungi shühshah” shei e.

SHAHKÜP 13:17

Hapakei eelatükpü douthü ammei shemei tetuh; shejüang Shembüpai mongshihpü meidaihen; büpai ammei bühipathü kü lahpü keiha am kü phahji, yahyang shinshang huphahen hatü am nanglak longi dahühen;

MENVIH KESHO 46:5

Kahvangü hapa chingnyü jiamei nyüke, hapa nejenlenhen. Nepnüng dhom mü Kahvangi pinnyü kü sheühhen.

ISAIAH 5:24

Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

ISAIAH 41:14

Tenyem, Oh laonghayakha Jakob, Oh maanpü Israel! Ngei am kü sheühhen shei Shembüpa, ammei Yemleipüba, Daülangpü Israel Kahvangi enyüke.

ISAIAH 41:16

Amphongi hathü shaptükhen, hatü vanglüki hathü maoei deilanghen, hatü yinglükpalei-i hathü haitükkemhen.

JEREMIAH 26:3

Üpai nyingpa, jomi ha bangei jom peü laophülei mang lem kübü mong lephen aokpeih. Shejema jomi dükpü mang nangkü ngei jom shangkü koei peihen shei tempü shanghah kübü ngei mong yeiyahen.

MENVIH KESHO 85:4

Ham müei leituh, Oh ham yemleipü Kahvang, hatü nüngi ham kü mongshihpü yaktükshih.

HOSEA 12:1

Ephraim ami dhom kübü nyak dhüshi dükpü lemphüli angsha dou, hatü douten düknyüke. Jomi shahshem hatü dehilao nyeinya dahünyüke; Jomi Assyria am mü chingmei lempongnyüke, hatü Ijip am kü olive mainga shomnyüke.