HOSEA 11:8 - DAÜLANGPÜ LAIHING (BSI)

⁸ “Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

HOSEA 11:8 Referans Kwoze

JEREMIAH 31:20

“Ephraimü ngei bampü ha, ngei monghahpü hapeü nevaipü je? Ngei büpa khüei ejao shaang thahshi ngei büpa deihnyeih. Hanangkü büpa kü ngei mong kü nemei-i deihnyeih. Ngei hingmei büpa küphahji huhen” shei Shembüpai enyüke.

MATHI 23:37

Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

HOSEA 6:4

Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

SHAHKÜP 32:36

Shembüpai laophülei nanglak dah shakhühen, Mechem jom wong kemhen, aa nevaijü bümei hükao ne-aoi wong kemdaipü büpai eehenshang, Shembüpai laophülei nanglak kü phahjihen.

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

JUD SHAHSHA APPÜ 1:7

Ha aihük mü Sodom, Gomorrah hatü shinpü chingnyüthüi mükbongjuyung hatü nyongnyongpü kü lanei shuohpeih. Jomü nedohnetenpü molo awi hanghipü lappü nyüpeih.

2 PETER 2:6

hatü Sodom hi Gomorrah chingnyü nyi kübhih leiyei mahtük, hatü Kahvang nenyingpü am kü mehe peinya ha lappü leihüjema;

AMOS 4:11

Ngei Sodom hatü Gomorrah mahtükpükei, ngei am hanei mahtük. Amü awbhaong leipü leppü awjung kei nyuteke, shejao am ngei touei mong nelep shei Shembüpai enyüke.

YOUNG LAI 1:20

Oh Shembüpa, ngei meshük ponghahnya, veituh; Ngelei mongkü tüngnyüke, Ngei nüng khüpü nangkü, chingyangshongei jüteishangtei, shemongei dipü mahpü mon nyüke.

2 ONGPATHÜ 13:23

Shejao Shembüpai jom kü phahjiei deih; mehenangkü büpai Abraham, Isak hatü Jakob mü vangteishuwteipü nangkü jom kü yahyang shinshang hu. Shinnyih thahshi büpai jom nemahtük nevaijü büpa toueipü nechangtük.

2 SAMUEL 24:16

Mechem vangsho phongshani Jerusalemao mangtüknüng shei lak nopa, nanglakthü dipü eeyei Shembüpai mong yeiya hatü nanglakthü hanghihüpü vangsho phongshanthü kü, “Hajük-üng! Amphongei lak leilangtuh” shei e. Shembüpalei phongshanthü ha hepak kü Jebus am Araunahlei hah tenshingei nyu.

SHAHPHENBÜTHÜ 10:16

Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

KAHBHAO 14:8

Hapheikü Sodom ong, Gomorrah ong, Admah ong, Zeboiim ong, hatü Bela (Zoar) ong hathü daiyei Siddim Kahjilei,

SHAKEI VAMPÜ 18:18

hatü pinnyü kü bahpü aw kübü awshit eetü vaüei hapakei ehen: “Hapa longpü chingnyü kei mepa chingnyü nyüpa?”

SHAKEI VAMPÜ 11:8

hatü jomei mahmahngü jomei Shembüpa shophang kü appü chingnyü chingyangshongei shükshi nyuhen. Hapa chingnyülei men lappeyü Sodom nevaijü Ijip nyuhen.

ZEPHANIAH 2:9

Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

AMOS 7:6

Hahepak kü Shembüpa mong leiteke; “Hapa am kü nevamküpih” shei Shembüpa Kahvangi ephüteke.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

YOUNG LAI 3:33

Mehenangkü büpai shuohhüei üpa kao hanghi nevaijü mongshang neshuohnyih.

JEREMIAH 9:7

Hanangkü Jeiyong Shembüpai hapakei enyüke: Ngei shaang jom dokei veihen, ngelei mang nanglakthü kü ngei mehe dükhenang?

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

ISAIAH 63:15

Nüngei daülangpü hatü müknyinshekhangpü nyushing vangsho leipü ham kü veishih. Nüngi nyakpükenpü hatü nüngei wong melei nyüpa? Nüngei phahji yahyang hatü bampü ham toueipü shonglangteke.

MENVIH KESHO 106:45

Jomei men kü büpai büpa vangtükpü deih-ei dangpeih, hatü büpai bampü shangshi bampü hupeih.

1 ONGPATHÜ 3:26

Shejao naü yemmü nyupülei hingshangpü chenyüi naü kü phahjiei deih, hatü ongpa kü, “Ngelei shembü, chingmeilemlingei jütük leimeyü hapa naü yemmü pinnyü kü yah-eishuoh! Naü tejütük!” shei e. Shejao hükpai, “Nüngiyao neyahhen, ngeiyao neyahhen. Nyi vaishi dehshih!” shei e.

ISAIAH 16:11

Harp vüngpü keiha ngei Moab nangkü, hatü Kir-Hareseth nangkü mahng thepnyeih.

JEREMIAH 18:8

ngei shahvüng shuohpü jati mang kübü mong lepjema, ngei temei nyupü shanghah neshuohhen,

JEREMIAH 42:10

Ammi hapa kahdokei nyujema, ngei am linghen hatü nevütükhen; ngei am sheiphonghen shejao nebhitükhen; mehenangkü ngei am kü shuohpü shanghah eeyei ngei mongshangnyeih.

YOUNG LAI 3:32

Büpai jen kü mongshang shuohjao, büpai phahji huphahen; büpa bampü longpü nyüke.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

HOSEA 7:1

Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

SHAHKÜP 29:22

Ngoikahen ammei pheiha deni hatü tailu leipü kung shennyakthüi hapa kahdok kü Shembüpai hapa keipü shangpong yakying hatü lomoh-aühaü shuohpü je shei veihen.

2 SHÜPPÜKENGPÜ 36:15

Shembüpa, chebü chepalei Kahvangi laophülei nanglak hatü büpalei nyushing kü bampü nangkü büpalei shahjang kobüthü homei nedoh-i shah shom,

JEREMIAH 9:6

Shüveipü pheikü shüveipü, lueilempü pheikü lueilempü! Jomi ngei nyinghen nemongnyu shei Shembüpai enyüke.