HOSEA 11:6 - DAÜLANGPÜ LAIHING (BSI)

⁶ Jomei chingnyüthü kü yan vamhen, hatü jomei küpjanthü dohtükhen.

HOSEA 11:6 Referans Kwoze

HOSEA 13:16

Samaria ami jomei mang kohen; Mehenangkü jomi Kahvang khüteke; jom yani mahkemhen, jomei hapeüthü khih mü shaaktükhen, hatü büm nekongpü nyühathülei vom shaaktükhen.

HOSEA 10:14

Ammei nanglakthü khüei vehok vamkahen, hatü ammei penyüsha bentükhen. Hapayü Shalman ongpai Beth-Arbel vehok kü nyü, hatü hapeüthü ngümei jüpükei nyukahen.

HOSEA 10:6

Hapa lajeiyü Assyria ong kü bom vaishi yah-ei lüdaihen. Ephraim am hai danghen; Israel ami lajei nangkü veüponghen.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

MIKA 5:11

Ngei ammei kahdok kübü chingnyüthü mangtükhen, hatü ammei veyom shing peü bentükhen.

EZEKIEL 20:47

Negeb am kü, Shembüpai hapakei enyüke shei etuh: Ngei am kü aw bahhühen, hatü hapai thüngshingpü pü hatü vandaipü pü peü hahtükhen; hapa bahpü awlom nemetdaihen hatü apsha kübü pehe thahshi hapai shaamhühen.

JEREMIAH 5:17

Jomi ammei hah hatü hahying hahtükhen, jomi ammei hahimoithü jütükhen; jomi ammei yemhimakthü hahtükhen; jomi ammei nyalingngupai, hatü adhajük hahtükhen. Ammi mongnyangpü penyü showtükpü chingnyü jomei yani mangtükhen.

ISAIAH 30:1

“Oh ven nedanpü hapeüthü onyükei,” “Üami ngelei küpjan nevaipü kü küpjan lingei dainya, ngei mongpü nevaipü kü üami mang kü mang üei mih mü uwmeilem lingnya;

ISAIAH 27:10

Penyü showtükpü chingnyü-ü lavüngtoiyei chongkahen, hangku nyushingü yingnyü keiha vüngmaki leidaihen. Halei mohohthüi het hah-ei lemeileyei, haleipü phenha vunglak peü meeklanghen.

ISAIAH 18:5

Sheili sheipü bong pungei, betjük vungjük shümhen hepak, shejao hapa vaümhen shekü, büpai haleipü shiongja vampü daktükhen, hatü phaakei daei daipü pükaothü louhtükhen.

ISAIAH 9:14

Hanangkü Shembüpai Israel amei mei hatü shangjing daktükhen, nyihcha kü palm püthü hatü pingu kemei aütükhen;

MENVIH KESHO 106:43

Hepak longi kü büpai jom yang, shejao jomü temtüktü khüei yaong, hatü jomei mang homei maanei leitükpeih.

MENVIH KESHO 106:39

Hapakei jomei doui jom nedaüi lei, hatü jomi dükpü dou kü mükbongjuyung.

SHAHKÜP 32:25

Chingyangshong kü yannah-i jom hahimoi neshiüi leihühen, awdep shemong kü nyempü hanpai mahühen, nethe nela hatü amma naü, hatü shosho pungdaipü peü mahkemhen.

SHAHKÜP 28:52

Shembüpa, ammei Kahvangi am kü shuohpü kahdok kübü chingnyüthü peü mahhen, hatü ammi mongnyangpü shaopü chingnyü pethü laamdaihen.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

LEVI 26:31

Ngei ammei chingnyü mangtükhen; ammei khümshing lavüngtoiyei tuhphonghen, hatü ammei vong meipü moila ngei neyahhen.

JEREMIAH 50:35

Babylon am khüei yanlu hük, Babylonei nyupüthü khüei pinnyülei lakchongbüthü hatü kon kohpüthü khüei yanlu peikünyüke shei Shembüpai enyüke.

YOUNG LAI 2:9

Pinnyülei pe shaden kahmongei shüdaiteke; jomei nyiam pe khih mü nihdaiteke. Pinnyülei longhiongthü peü wüpküpei daiyei lebü jatthü chi kü nyüke. Hajük kü shahkungnyü nenyuhneven; thibüthüi sheyü SHEMBÜPAleipü manghkhang ne-eehen.

HOSEA 4:16

Israel nanglakthüyü mohoh cheha kei mong vaannyüke; shejema mekei etü Shembüpai mi chehathü kü kei shingkow kü het ühhenang?

HOSEA 4:17

Ephraim amü lajei khümpü kü omdaiteke, büpai mongpükei nyemlüdai.

AMOS 6:8

Jeiyong Shembüpai büpa nyingi vangeishuwteke Jeiyong Shembüpai enyüke: “Ngei Jakob changmeipü nelümnyih, hatü jomei penyüsha kü jiühitnyeih. Ngei hapa chingnyü hatü halei nyupü lemphü vepa kü shuohtükhen.”

LEVI 26:25

Vangpüshuwpü mangtükpü shingvaishi bhüh hahhen ngei vehok koei peikahen, hatü ammei chingnyüthü mongei yanglem yemei thaiyei küpshi nyulangmao ngei am touei nemeiaokbenüng dinten shuohhen, hatü ammei vepathülei lak kü lanei shuohtükhen.