HOSEA 11:2 - DAÜLANGPÜ LAIHING (BSI)

² Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

HOSEA 11:2 Referans Kwoze

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

HOSEA 11:7

Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

JOHAN 3:19

Shahphenpü dou-ü ha: Vangngaiyü kahdoknyülei yiü, shejao hangkuthüi vangngai nangjei vangnyak küang bam; mehenangkü jomei douthü-ü mang nyuteke.

LUK SHAHSHA APPÜ 13:34

“Oh Jerusalem, Jerusalem, thibüthü jüpü hatü halei shompüthü kü yaongi shükei jüpü chingnyü! Meshükpa ngei ounyüi ouhathü pinnyülei yang phangei thaiyei tuhpükei ammei hapeüthü thaiyei tuhhen kenpa, shejao ammi ha nemong!

ZEKHARIAH 7:11

Shejao jomi ha kü mong neshuoh; ngaümphei lepdai hatü dhaong neno.

JEREMIAH 35:13

“Jeiyong Shembüpa, Israel Kahvangi hapakei enyüke: Daituh hatü Judah hatü Jerusalem nanglakthü kü hapakei etuh: ‘Amphongi ngei nyuhpü hatü ngei epü nebanghen je?’ shei Shembüpai enyüke.

NEHEMIAH 9:30

Bong longi nüngi jom mü nenteiaokei heihpeih. Nüngei laanghai nüngei thibüthü homei jom kü shahvüng shuoh, shejao jomi ha nebang. Hanangkü nüngi jom lebü jatthülei lak kü shuohtükpeih.

1 ONGPATHÜ 18:19

Hanangkü shaang ngei mü Karmel Kahshangei pongteihen shingvaishi Israel am peü kü nyükkütuh, hatü Jezebelei nükdülei hahyingpü Baal kahvangei thibüthü jom kho ali mü pinyipüan, hatü Asherah nyüha kahvangei thibüthü jom kho ali omshi nyükkei” shei e.

1 ONGPATHÜ 12:33

Lenyang shetpabü nyih anpüngapabü kü büpai mongpükei jehahpü nyih kü büpai lingpü Bethel leipü moidülei moila shuoh. Hanangkü büpai Israel am shingvaishi mo mohen hapakei ling, hatü moidülei moila shuohhen aong.

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

SHAHPHENBÜTHÜ 3:7

Israel ami Shembüpa, jomei Kahvang betüktü mepa Shembüpa touei mang nyu, ha dükei mang thah, hatü Baal hatü Asherah kahvangthü kü khüm.

SHAHPHENBÜTHÜ 2:13

Jomi Shembüpa yakphong, hatü Baal kahvang hatü Astartes kahvang khümei chongphoteke.

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.

HOSEA 4:13

Jomi kahshang shaopülei jakpü moila shuohnyüke, hatü shangtaothü, longkhampü, poplar, hatü terebinth püthü phangkü püdhüm meishi eepü nangkü ayingshü jaknyüke. Hanangkü ammei yiükhathü büm yupü kü hatü lipeüthüi mükbongjuyungei lepdainyüke.

JEREMIAH 44:5

Shejao jomphongi ha nebang nevaijü ha kü mong neshuohpeih; jomi jomei mang kübü mong nelep nevaijü lebü kahvangthü kü ayingshü jakei khümpü nedoh.

HOSEA 4:17

Ephraim amü lajei khümpü kü omdaiteke, büpai mongpükei nyemlüdai.