HOSEA 11:11 - DAÜLANGPÜ LAIHING (BSI)

¹¹ Jomü Ijip leipü outhü keiha, Assyria leipü athubathü kei kheüei thaikemkahen; hatü ngei jom ngamshing kahdokei chingchinghühen shei Shembüpai enyüke.

HOSEA 11:11 Referans Kwoze

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 60:8

Phumtem keiha hatü athubathü jepei leipü keiha leiküpü jahasthüyü meheang?

ZEKHARIAH 10:10

Ngei jom Ijip leipü müei leihen, hatü Assyria leipü thailanghen. Ngei jom Gilead hatü Lebanon kahdokei müei leihen, hatü hapa kahdok kü jom mon maei nyuhen.

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

OBADIAH 1:17

Shejao Zion kahshangei yangpüthü hanei nyuhen, hatü hapayü daülangpüthü vaihen; hatü Jakob am phangi hapa mükjüp kahdok lomlanghen.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

EZEKIEL 37:25

Ngei ngelei chongphobü Jakob kü shuohpü kahdok, chebü chepa am nyuhampü kahdokei jom nyuhen. Jom hatü jomei hühihathü halei den kü nyuhen, hatü ngelei chongphobü David keipü ong hüki jom kü den kü ong vaihen.

EZEKIEL 37:21

hatü Shembüpa Kahvangi hapakei enyüke shei hathü kü etuh: Ngei Israel am jatthü touei yandaipü peü leihen, ngei jomphong peü lemeipü thaihen, hatü jomei kahdokei müei leihen.

JEREMIAH 31:12

Jom peiyei Zion Kahshang shaopülei mongongpai lenhen; Shembüpai hah, yiüja, mainga, mi hatü mohoh chehathü changshi shuohpü nangkü jom mongonghen. Jomphongü yung meishi üpü pemong kei nyuhen, hatü jom hajük kü mongnemanghen.

EZEKIEL 34:27

Kah kü nyupü püthüi betjük jükhühen, hatü kahdoki hahying vamhühen. Mechem ngei jomei nyiamvü phentükhen, hatü jom aa leihüpüthülei lak kübü yanghenshang, jomphong nenyemi hüshemei nyuhen, hatü jomphongi ngeiyü Shembüpa khih shei nyinghen.

EZEKIEL 34:28

Hajük kü lebü jatthüi jom kü aeteisheyei nedükhen, nevaijü meishih nyahmangi jom nehahhen; jomphong nenyemi hüshemei nyuhen, hatü üpaiyao jom nenyemhühen.

ZEKHARIAH 8:7

Jeiyong Shembüpai hapakei enyüke: Ngei ngelei nanglakthü heong heshü kahmükthü peü kübü yanglanghen;

ZEKHARIAH 8:8

hatü Jerusalemei nyuhen shingvaishi ngei jom nyokei leihen. Shahhing hatü daülangshemshepü kü jom ngelei nanglak vaihen, hatü ngei jomei Kahvang vaihen.”