HOSEA 11:10 - DAÜLANGPÜ LAIHING (BSI)

¹⁰ Jomphong Shembüpa phei mühen, büpai mailang keiha ngünghen. Mechem büpa ngünghenshang, büpalei hapeüthü heshüphi kübü kheüei peikahen.

HOSEA 11:10 Referans Kwoze

AMOS 1:2

Amos-i e: Shembüpai Zion Kahshang leipü ngüngnyüke, hatü Jerusalem kübü büpalei ngeü annyüke; mi yombüthülei het ühshing phenha kaudaiteke, Karmel kahshang leipü thüng vandaiteke.

JOEL 3:16

Shembüpai Zion Kahshang leipü ngüngnyüke, hatü Jerusalem leipü lennyüke; kahdok vangsho kheünyüke. Shejao Shembüpayü laophülei nanglak loishing, hatü Israel nanglakthü sho joshing vaihen.

ISAIAH 31:4

Shembüpai ngei kü hapakei enyüke: “Mailangi het yemei vaüshingkü, mi yombüthüi chemi vaülangmao, jom vaüpai shei mailang nenyempükei, nevaijü nenyülüppükei, Jeiyong Shembüpai Zion Kahshang, hatü haleipü shangtaothü nangkü hokhen yiükahen.

JEREMIAH 25:30

Hanangkü jom khüei hathü shah teteivanei etuh: Shembüpai vangsho leipü ngünghen; Büpai büpalei daülangpü nyushing leipü vangmuk kei ngeü vamhen, hatü büpalei kahdok khüei büpai ngünghen. Nyalingngupai ngümpüthüi keiha büpai hapa kahdokei nyupüthü peü khüei lenhen.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

ISAIAH 64:2

Pü kü aw bah-ei yungdük laukpükei, nüngei men vepathü kü nyinghühen, hatü nüng touei jatthü kheühühen shingvaishi nüng yiükei!

2 PETER 2:10

anyei vaishi üami laophülei phai iyjeiphailei mang kü mü, hatü Kahvang ngan yaktük hathü shingvaishi nyuhen. Jomphong mahmong longei changmeinyüke, hatü jomi müknyinshekhangpü vangsho shanthü kao yaüeilunghen nenyemnyu.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

PHONGSHANTHÜ DOU 24:25

Pauli shahhing epü, ungeiaeipü hatü ngoikahen shahphenpü nyih nang ejashingkü Felix nyemei pei, hatü, “Shaang shingvaishi hajük vaishah; ngei hepak meipü kü ngei nüng nyüknüng shomphahen hih” shei epeih.

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

ZEKHARIAH 10:12

Shembüpa kü ngei jom wong kohhühen, hatü jom büpalei men kü kamhen shei Shembüpai enyüke.

ZEKHARIAH 8:7

Jeiyong Shembüpai hapakei enyüke: Ngei ngelei nanglakthü heong heshü kahmükthü peü kübü yanglanghen;

HABAKKUK 3:16

Ngei ha danei ngelei mong kheü; hapa ngeü kü ngelei shahvang nenteke. Ngelei vang mongei sheyei shüteke, hatü ngelei lashüh nenteke. Shejao ham kü nemeipü am kü hanghi peipü nyihhihe kü veihen ngei nenteiaokei danshah.

MIKA 4:5

Mehenangkü jatphü jomei kahvang men kü kamhen aok, shejao ham payü hüdenhalenshi Shembüpa, hamei Kahvang men kü kamhen.

AMOS 3:8

Mailang vaüjü üpai nenyemhenang? Shembüpa Kahvangi mechem ehen, üpai netetnevani nyuaokhenang?

AMOS 3:4

Hahying neshiüjü yingnyülei mailang vaünyu hiang? Büpai meheyao neyepjü jepei ngüngnyu hiang?

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

JEREMIAH 7:6

ammi benhapa kü, hashihha kü, vaümnyü kü neshüvei, nevaijü hapa shing kü mang neshiüpü iy neyenhü, hatü am ma yahhen mü lebü kahvangthü kü khümei nedaijema,

JEREMIAH 5:22

Ngei kü nenyemnyu je? shei Shembüpai enyüke. Nüngi ngei touei nekheünyu je? Ngei yungching kü viongü bhih moni kungtü tuhpeih; lenei neheihhen mü denshing viong lingpeih; yungmoki yung lemei heihjao hapai neaoknyu; jom ngüngjao jomi ha peih-ei neheih-aoknyu.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

ISAIAH 49:10

Jom aeiyei leyei nenyuhen, nevaijü bhih kahdok shaampü, hatü vanghenyü nyahpai jom kü nekethen. Büpa üpai jom kü bamnya, büpai jom mühen, hatü yunglok meipü touei mülanghen.

ISAIAH 42:13

Shembüpayü hampa hük kei dainyüke, veshan hük keiha büpai hokhen temnyüke; Büpai lenei thep nyüknyüke; Büpai laophülei vepathü kü laophülei wong hunyüke.

ISAIAH 2:5

Peikei, Oh Jakob shem am, jeni Shembüpalei vangngai kü kamshah.

MENVIH KESHO 119:120

Nüng kü nyempai ngelei büm kheünyüke, hatü ngei nüngei shahphenpü kü nyemnyeih.

MENVIH KESHO 2:11

Nyempai Shembüpa chongphotuh, hatü mongongpai kheütuh.

JOB SHAHSHA APPÜ 37:1

Hapai ngelei mong tuknyüke, hatü hapalei shing leipü phauknyüke.

SHAKEI VAMPÜ 10:3

hatü büpai mailang ngüngpükei ngeü longpai ngüngteke. Mechem büpa ngüngpa, vangmuk nyet khungteke.

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

EZEKIEL 26:16

Hahepak kü yungkungei nyupü ongthüi laophülei ong uoshing kübü shühhen; hatü jomi jomei bhagthuh bhühtükhen hatü hoitükpü ashakviha nyiuktüktü kheüei kahdokei uohen. Ammei lashüh shangba eeyei longi nyempai kheüpü nedohhen.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

JEREMIAH 50:4

Hathü nyih kü hatü hapa hepak kü Israel hatü Judah nanglakthü chemi thepyaki Shembüpa, jomei Kahvang yemhen.

ZEKHARIAH 10:10

Ngei jom Ijip leipü müei leihen, hatü Assyria leipü thailanghen. Ngei jom Gilead hatü Lebanon kahdokei müei leihen, hatü hapa kahdok kü jom mon maei nyuhen.