HOSEA 10:8 - DAÜLANGPÜ LAIHING (BSI)

⁸ Aven leipü khümshemthü bentükhen hayü Israel amei mang nyüke. Hühhihang longei jomei moidü lümlanghen. Ha nyih jomi kahshangthü kü, “Ham linlangtuh!” shei ehen, hatü shangtaothü kü, “Ham kü vüei shükshih!” shei ehen.

HOSEA 10:8 Referans Kwoze

LUK SHAHSHA APPÜ 23:30

Hahepak kü jomi kahshangthü kü, ‘Ham shangkü laamei chetshih’ hatü shangtaothü kü, ‘Ham küplangtuh’ shei ehen.

SHAKEI VAMPÜ 6:16

hatü jomi kahshang hatü yaongnyüthü kü nyüktü, “Ham kü vüei shükshih, hatü ong uoshing kü uopübalei dhe kübü, hatü Mi Cheha mongshihpü kübü ham jolangtuh.

ISAIAH 2:19

Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongsha hatü kahsha yemei daihen.

HOSEA 9:6

Mahhen kübü jom yangjao, Ijip ami jom thaihühen; Jom Memphislei mahng vühen. Jomei douvang ngin hühhihangi lümlanghen, hatü hühyingi jomei shemthü jümlanghen.

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”

ISAIAH 32:13

hatü ngelei nanglakthülei kahdok kü hühhihang longdaipü shingvaishi shem kü mongongpai maei, hatü chingnyü kü mongmeipai maei nyupü deih-ei theptuh.

SHAKEI VAMPÜ 9:6

Hathü nyih kü shennyakthü dihen yemhen, shejao nedanghen; jom dihüei ongyanghen, shejao dipeyü jom toueipü nyaidaihen.

MIKA 1:13

Üam Lakhishlei nyu, vehok koyeithü kü ve-ow temtü deishihtuh. Zion yiükhathü kü mang panghüpeyü amphong nyuhampeih; mehenangkü Israel amei mangthüyü am kübü vampeih.

MIKA 1:5

Hathü kemei Jakobi mang thahpü nangkü, hatü Israel ami mang dükpü nangkü ha vamkahen. Jakobi mang thahpü kü üpa nyonghühen? Hapayü Samaria am nevaipü je? Judah am lajei kü khümpü kü üpa nyonghühen? Hapayü Jerusalem nevaipü je?

HOSEA 10:5

Samarialei nyupüthüi Beth-Aven leipü mohoh lajei hahtükpü nangkü nyemhen. Haleipü nanglakthü hatü lajei chongphopü ngongpathüi haleipü müknyinshekhang yandaipü eeyei mahng thephen.

HOSEA 10:2

Jomei mongdangü shahshem; jomei mang jomi-üng kohen. Shembüpai jomei moidü bentükhen, hatü yaong shemnyüthü mangtükhen.

HOSEA 5:8

Gibeahlei vehok amit vüngtuh, Ramahlei veshemm kaongtuh. Beth-Avenlei men dhüngtuh, thepju kü heihtuh, Oh Benjamin.

HOSEA 4:15

Oh Israel, nüngi mükbongjuyung düklangmao, Judah amao pungpü teleihü. “Amphong Gilgalei nevaijü Beth-Avenlei aongei tekhüm, nevaijü vanyangyem Shembüpa men kü tevangteshuw.”

HOSEA 4:13

Jomi kahshang shaopülei jakpü moila shuohnyüke, hatü shangtaothü, longkhampü, poplar, hatü terebinth püthü phangkü püdhüm meishi eepü nangkü ayingshü jaknyüke. Hanangkü ammei yiükhathü büm yupü kü hatü lipeüthüi mükbongjuyungei lepdainyüke.

ISAIAH 34:13

Ongshem peü hüh longei lümlanghen, hatü penyüsha kemei hühhihangi jümlanghen. Hapa shingü shuwthü hatü Ostrikh outhülei chephijaan leidaihen.

2 SHÜPPÜKENGPÜ 31:1

Mechem moei kempa, halei thaipü Israel am kemei Judah jilathülei yanei daiyei daülangpü yaong shemnyüthü hatü Asherah nyüha kahvangei lajeithü mangtük. Jomi Judah, Benjamin hatü Ephraim hi Manasseh kü nyupü vaümchong hatü moidü peü bentük. Jomi hathü peü mangtükpheikü Israel ami laophü laophülei ching hatü kahphei shemshing yemei leidaikem.

2 ONGPATHÜ 23:15

Nebatei cheha Jeroboami Bethelei lingpü moidü, mepa homei Israel am mang thahhü, büpai hapayao bentük. Büpai vaümchongthü awi haptük hatü khih mü nihtük hatü Asherah kahvangao aw kü jaktük.

1 ONGPATHÜ 14:16

Jeroboami thahpü büpalei mang hatü Israel am kao hapa mang thahhüpü nangkü Shembüpai Israel am yakphonghen shei e.

1 ONGPATHÜ 13:34

Hapayü Jeroboam am shemei mang, hatü hapai büpalei ongching kahdok shak kübü dohtükpeih.

1 ONGPATHÜ 13:2

Büpai Shembüpalei shah homei moidü khüei lenei, “Oh moidü, moidü! Shembüpai hapakei enyüke: ‘Shennyak hük Josiah shei mentü David am shem kü bühhen. Nüng shak kü büpai shaang hatouei moila shuohpü khümshingthü leipü ngongpathü jüei moila shuohhen; nüng shak kü hangkulei vangtaothü jakhen’ ” shei e.

SHAHKÜP 9:21

Ngei ammei mang dou mohoh chehayao yah-ei aw kü jaktük. Hapheikü ngei ha khih mü mangei bhihla kei ngümtük hatü ha yah-ei daiyei kahshang leipü yenei shapü yungyenei yaktük.

KAHBHAO 3:8

Hahepak kü hapa baha hatü chenyüha nyi-i om kü vanglük lükha dhüngpü hepak kü pemongei Shembüpa Kahvang kamteipü danei jijinyi-i pemong leipü püyingei Shembüpa Kahvang kü joteke.

HOSEA 2:6

Hanangkü ngei pinnyülei lem hühhihangi bangtükhen; hatü pinnyüi lem nedanghen mü pinnyü shonei pe showtükhen.

HOSEA 10:9

Oh Israel, am Gibeahlei nyushi mebü ami mang thahpeih, Gibeahlei mang dükpüthü vehok kü nemah-angpü je?

AMOS 7:9

Isakei hühihathü khümshing mangtükhen, hatü Israel amei daülangpü shingthü bentükhen; Ngei yanlu yah-ei Jeroboam ongpalei ongching khüei yaonghen.”

NAHUM 3:11

Oh Nineveh, ammao nükchok yiümokei leishasha; Am vepa kübü nyaiyei joshing yemhen.

ISAIAH 2:21

Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongshalei shühen, hatü bhaokei kapü yaong aalei shühen.

HOSEA 8:5

Oh Samaria am, ammei mohoh lajei yaktüktuh! Hathü khüei ngei mongshihnyeih. Jom mang neshiüi nyuhen mechemang vamkahenang?

AMOS 1:5

Ngei Damaska penyüsha bentükhen, Aven kahji kü nyupüthü, hatü Beth-Eden kübü vanglem lempüthü changtükhen; hatü Aram shennyakthü Kirlei wüpküpei deishihhen shei Shembüpai enyüke.

AMOS 3:14

Ngei Israel am jomei mang nangkü hanghihüpü nyih ngei Bethel leipü moidü peü mangtükhen, hatü moidü leipü shongnyü douthü mangtükhen, hatü kahdokei dodaihen.