HOSEA 10:1 - DAÜLANGPÜ LAIHING (BSI)

¹ Israel amü banei daipü nyalingngupai kei nyüke. Meshükpa betjük jüknya, hajükpa moidü lingnyüke; Meshükpa angeideiyei leinya, hajükpa jom khümhen yaong shemnyü lingnyüke.

HOSEA 10:1 Referans Kwoze

HOSEA 8:11

Ephraim ami mang moila jakhen moidü longi lingjao, hathüyü mang thahshing moidü leidaihen.

HOSEA 12:11

Gilgalei lajeithü khümnyüke; ha kü khümpüthü mahkemhen; Gilgalei jomi mohohbaong yah-ei ha kü jakpü moila shuohnyüke. Hanangkü jomei moidüyü koshoya kü yaong bhaongei tuhpükei mon nyukahen.

PHILIPPI 2:21

Peüi laophü lomja meihen deihpü mon, Jisu Khrista nang deihpü neshiü.

JEREMIAH 2:28

Shejao ammi linghahpü kahvang melei nyüpa? Am shanghahpü hepak kü jomi aokjema peiyei am nyemyangpha; ammei jilathü meshük nyu, hajük ammei kahvangthü nyüke, Oh Judah.

LEVI 26:1

Shembüpai eteke, “Ammi am shingvaishi yaongnaüya nevaijü lajei, nevaijü daülangpü yaongthü nevaijü ammei kahdokei shangpü yaongthü khümhen teling. Ngeiyü Shembüpa, ammei Kahvang.”

1 ONGPATHÜ 14:23

Jomphongi jom shing shangtao, hatü püdhüm vungdhüm peü kü khümshing, daülangpü yaong shemnyüthü, hatü Asherah lajeithü ling.

2 KORINT 5:16

Hanangkü, shaang mü leitü hami üpa kao kahdoknyü phai aimü neveinyih; chem hami Khristayü phai aimü nyingjao hajük kü hapa aimü nenyingnyih.

NAHUM 2:2

Vepathüi mangtüktü lavüngtoiyei tuhphongjao, hatü jomei nyalingngupai kah mangtükjao, Shembüpai Jakob kü keiha, hatü Israel am kü keiha müknyinshekhang nyokei shuohhen.

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

HOSEA 13:2

Shaang jomi nyeinya mang thahnyüke; Jomi jom shing nyiam hatü ngin yah-ei jomei sholi kü peipükei jomei laki lajei lingnyüke. Hathü nanglakthüi, “Üami jakpü moila shuohnya, mohoh chehalei ju kü jüptuh” shei enyüke.

HOSEA 12:8

Ephraim ami changmeiyei, “Oh hamü shemmei, nükhinyiam longi nyüpeih. Hami shahhing ne-epü mophimo dangpeih; üpaiyao ham kü eelahen mang nedangpih” shei enyüke.

HOSEA 8:4

Jomi ngei kü nephe-i ong lingteke; jomi ngei nenyingi long jeteke. Jom nyingi mahhen jomei hon, hatü ngini lajeithü lingteke.

HOSEA 2:8

Üpai pinnyü kü hahying, yiü, hatü mainga shuohpa, hatü Baal kahvang khümshing kü noteipü hon hatü ngin shuohpa hapayü ngei khihshei pinnyüi nenying.

HOSEA 3:4

Hapa keiha Israel ami nyih longi longhiong neshiüi, moila neshuoh-i, hatü daülangpü yaongthü nevaijü yaongnaüya nevaijü lajeithü neshiüi nyuhen.

HOSEA 4:7

Meshükpa ngongpathü nyeinya dahenshang, hajükpa ngei khüei nyeinya mang thahnyüke; Jomi jomei müknyinshekhang veüpong mü jeiteinyüke.

HOSEA 13:15

Büpa jeihinaüthü khongkü longi dalangmao ngei bhih kahdok kübü heong vanglük shomhen, hatü jomei yunglok ütükhen; hatü yungkuk jeptükhen. Büpalei hahpuong hatü thushong douvang peü aetlanghen.

JEREMIAH 11:13

Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

HOSEA 2:10

Shaang ngei, pinnyülei maithü tou kü pinnyülei ashak nyiuklanghen, hatü üpaiyao ngelei lak kübü pinnyü neyangaokhen.