HOSEA 1:10 - DAÜLANGPÜ LAIHING (BSI)

¹⁰ Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

HOSEA 1:10 Referans Kwoze

2 KORINT 6:18

hatü ngei ammei Pa vaihen, hatü amphongü ngelei hapeüthü vaihen shei Jeiyong Shembüpai enyüke.”

JOHAN 1:12

Shejao üami büpa yah, büpalei men kü hinglem, büpai hathü peü kü Kahvang hathü leihen ngan shuohteke.

ISAIAH 43:6

Ngei pehe leipü am kü, “Jom leishihtuh” hatü apshaphi leipü am kü, “Jom shongei tetuh” shei ehen. Ngelei yeshangthü tailu kahdok leipü, hatü ngelei yiükhathü kahdok dohpü leipü,

HOSEA 2:23

Ngei ngelei nanglakthü kahdok kü shingnüngei tuhhen, hatü dahüshehühen; hatü ngei, “Nebamnyih” shei eshuohpüthü küngei bampü huhen. Ngei, “Ngelei nanglak nevai” shei eshuohpüthü kü, “Amphong ngelei nanglakthü” shei nyükhen; hatü jomi, “Nüngü hamei Kahvang” shei ehen.

ISAIAH 66:20

Shembüpa kü moila vaishi jomphongi ammei jeihinaüthü jatthü peülei haidaipü Jerusalemei koyei kü, gadu kü, hatü ut kü, koyei khari kü hatü khari kü Israel ami hahying moila daülangpü shung kü Shembüpalei shemei deipükei müei leikahen,

KAHBHAO 13:16

Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen.

HOSEA 1:9

Shembüpai Hosea kü, “Büpa kü Lo-Ammi shei mentuh; mehenangkü Israel amü ngelei nanglak nevai, hatü ngei jomei Kahvang nevai” shei e.

KAHBHAO 22:17

ngei nüng kü moihimanhen, hatü nüngei lihila vangsho lithathü kei hatü yungching bhihhiphang kei daeisheyei leihühen. Nüngi ngelei shah bangpü nangkü nüngei hühihathüi vepathülei chingnyüthü kaamlanghen,

HEBREW 11:12

Hanangkü shennyak hük dipü lanei nyudaipü kübü vangsho lithathü kei hatü yungching bhihhiphang kei hühihathü bühteke.

KAHBHAO 32:12

Shejao nüngi, ‘Ngei nüng dahüshehühen, hatü nüngei hühihathü ienüng neaoki yungching bhihhiphang keiha leihühen shei epeih’ shei büpai phop.”

JEREMIAH 33:22

Ngei ngelei chongphobü David hatü ngei chongphopü Levi am vangsho lithathü kei hatü yungching bhihhiphang kei ne-ieaoki leihühen.

ISAIAH 48:19

Ammei hühihathü molo bhihhiphang kei; ammei hapeüthü ienüng neaokpü shokuk melaü kei nyuhah shepeih; Jomei men nekatihen nevaijü jom ngei toueipü nemahtükhen vaipeih.”

ROM SHAHSHA APPÜ 8:19

Mehenangkü lingpü douthüi Kahvangei hathü shakei vampü ongyangei dannyüke;

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

ISAIAH 64:8

Shejao Oh Shembüpa, nüngü hamei Pa; hamü haüm kahdok, nüngü dük shükbü; ham peü nüngei laki lingpü nüngei lakdouthü.

ISAIAH 65:1

Ngei kü nephepüthü touei ngei shakei vamei hupeih; Ngei neyempüthüi ngei yemei dang. Ngelei men kü nenyükpü jat kü, “Ngei hammü nyüpeih, ngei hammü nyüpeih” shei epeih.

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

2 SAMUEL 7:24

Hatü nüngi Israel nanglakthü düngei nüng lompü nanglak vaihen shingvaishi lingei tuh, hatü Oh Shembüpa, nüngi jomei Kahvang vaiteke.