HEBREW 9:4 - DAÜLANGPÜ LAIHING (BSI)

⁴ Hapa mongei ayingshü jakhen hon moidü hatü Vangpüshuwpü Pela kü shing peü lemei honi jümtü halei hondük kü manna shihtü, hatü Aaronei lenshuoh kü nien vamei hatü vangpüshuwpü yaongshungthü nyuteke.

HEBREW 9:4 Referans Kwoze

BHEI-IE 17:10

Shembüpai Mosa kü, “Aaronei lenshuoh Vangpüshuwpü Pela touei leiyei tuhphongtuh. Hapayü ngei khüei eelateipü Israel am, jom eelapü dohhühen shingvaishi lihen shahvüng hih, hei nevaijema jom dihen” shei e.

2 SHÜPPÜKENGPÜ 5:10

Hapa mongeiyü Israel am Ijip leipü vamei daishingkü Shembüpai Israel am mü vangeishuwpü lingpü Sinai Kahshangei Mosai tuhphongpü yaongshung nyi mü lenei lebü meheyao neshiü.

LEVI 16:12

büpai Shembüpalei moidü leipü aw bah-ei nyupü ayingshü jakpü shung hatü ayingshü lakpaoh nyi yah-ei Longi Daülangpü Shingei koei peihen.

MÜLANGPÜ 40:3

Hapa mongei Vangpüshuwpü Pela haütuh, hatü nüngi ha kü ashaki haentüktuh.

MÜLANGPÜ 26:33

Ashakshem mongei ashakü bakshang kü shenei tuhtuh, hatü hapa ashak mongei Vangpüshuwpü Pela shüei tuhtuh, hatü hapa ashaki am shingvaishi Daülangpü Shing hatü Nyeinya Daülangpü Shing baong hanphahen.

BHEI-IE 17:5

Ngei jepü shennyakei lenshuoh kü nien vamkahen, hatü Israel ami nüng khüei eelapü ngei dohtükhen” shei e.

MÜLANGPÜ 34:29

Mechem Mosai Sinai Kahshang leipü vangpüshuwpü shahkung yaongshung nyi notü leipa, büpai Shembüpa mü shah eteipü nangkü büpalei dhe müknyinshi nyapeih shei büpai nenying.

SHAKEI VAMPÜ 8:3

Lebü vangsho phongshan hük hon awjakshung notü heih-ei moidü touei yaong. Daülangpüthü peüi phoppü kü üei ong uoshing toueipü hon moidülei moila shuohhen ayingshü longi büpa kü shuoh.

1 ONGPATHÜ 8:21

Mechem Shembüpai jom Ijip leipü müei leipa, hahepak kü Shembüpai jenei bühipathü mü lingpü Vangpüshuwpü Pela tuhhen shing hük lingtepih” shei e.

1 ONGPATHÜ 8:9

Hapa Vangpüshuwpü Pela mongeiyü Israel am Ijip leipü vamei daishingkü Shembüpai jom mü vangpüshuwpü lingpü shahkung yaongshung nyi Mosai Sinai Kahshangei tuhpü ha shihpü mü lenei meheyao neshiü.

1 ONGPATHÜ 7:50

patithü, aw medteipü nyiam, chilimjithü, ayingshü jakteipü shongthü, hon awjakshungthü, Longi Daülangpü Shing kübü shaküp kü shihpü kapja hatü phopshem chingshe lemeipü shaküp kübü kapja kemei honi lingteke.

BHEI-IE 17:8

Nyihphei Mosa ashakshem mongei shüjashingkü Levi jat men kübü Aaronei lenshuoh kü nien neenei ee. Hapa kü nien neenei, bong pungei almond betjükshüm jükei chongjateke.

MÜLANGPÜ 39:35

Vangpüshuwpü Pela mü hapalei kenh hatü shaküp;

MÜLANGPÜ 31:18

Mechem Kahvangi Sinai Kahshangei Mosa mü shah eteiyei tempa, büpai büpa kü Kahvangei lakjaangi shüngei nyangpü Shahkungnyü Yaongshung nyi shuohteke.

MÜLANGPÜ 32:15

Hahepak kü Mosai kahshang leipü Shahkungnyü Yaongshung nyi dangpong phenkü nyangtükpü noei leiteke.

MÜLANGPÜ 37:25

Büpai akacia pü yah-ei vong meipü ayingshü jakhen moidü hük ling. Hapayü ba hi yang hükkei centimeter 45 baong hatü shaopü kü centimeter 90, hatü hapalei vaungü büm hük kübü phaakei ling.

SHAHKÜP 9:9

Shembüpai am mü lingpü vangpüshuwpü shahkungnyü yaongshung yahhen shingvaishi ngei kahshangei aongei meheyao nehahneyingi nyih pinyi ya pinyi halei nyuteke.

SHAHKÜP 9:11

Nyih pinyi ya pinyi dohpü lemei Shembüpai ngei kü vangpüshuwpü nyangpü yaongshung nyi yahphüteke.

SHAKEI VAMPÜ 11:19

Hahepak kü vangsho leipü Kahvangei phopshem apteke, hatü büpa Vangpüshuwpü Pela phopshem mongei ee, hatü halei klang nyeppü, klungpü hatü vangmuk khungpü, pedi vükpü hatü vihpü shüyaong nyuteke.