HEBREW 9:12 - DAÜLANGPÜ LAIHING (BSI)

¹² Büpai halei yum nevaijü mohoh iy homei neshü, shejao büpai laophülei iy homei jen shing nedohnetenpü yemleipü dangei den shing chem mon Longi Daülangpü Shingei shüpeih.

HEBREW 9:12 Referans Kwoze

HEBREW 10:4

Mehenangkü mohoh hatü yum iy-i mang koei lüdaihen neaokbenüng.

HEBREW 9:15

Ha tata kü Kahvangi nyüklangpüthü nedohnetenpü lahtükpü mükjüp danghen shingvaishi Khristayü vangpüshuwpü ja kü lembü leiteke. Shaang shongpü vangpüshuwpü phangkü mang thahpüthü bümei leihühen nangkü ha shemhen büpa diteke.

EPHESIA 1:7

Büpai jen kü shuohpü büpalei phahji mop shangshi büpalei iy homei büpa kü jen angei leipü hatü mang tükpü nyüpeih.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

HEBREW 10:19

Hanangkü ngelei jeihinaüthü, Jisulei iy homei Longi Daülangpü Shingei shühen jen monglempü nyupü nangkü,

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

HEBREW 7:27

Lebü ngongpathü kei nevai; büpai nyihjeih shongpüba kü laophülei mang shing; hapheiküang nanglakthü shing jakpü moila shuohteihen napü neshiü; büpai hapayü laophülei yangnyu shuohpai den shing chem mon shuohtük.

LEVI 9:15

Hapheikü Aaroni nanglakthülei moila yah-ei deiteke. Büpai nanglakthü shing mang moila shuohhen yum yah-ei jü, hatü büpai shongei dükpükei mang moila shuoh.

HEBREW 9:13

Yum hatü mohoh iy, hatü mohoh cheha jakpü awnih yah-ei haijü nedaüpüthü daüdaijema,

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

1 THESALONIKA 1:10

hatü vangsho leipü Cheha Jisu, üpa büpai dipü kübü yangei leishih, hatü ngoikahen mongshih kübü jen yangnya, jomi ha jung enyüke.

ZEKHARIAH 3:9

Ngei Joshua touei haüpü yaong kü veituh. Hapa yaong hük kü dhe nyet nyüke, hatü ngei hapa yaong kü nyanghen shei Jeiyong Shembüpai enyüke, hatü hapa kahdok kübü mang ngei nyihcha hük kü thitei yaktükhen.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

KOLOSI 1:14

Büpa kü jen angei leipü hatü mang tükpü nyüpeih.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

MARK 3:29

shejao üpai Laangha Daülangpü khüei mang thahhen mechemao mang netükhen, shejao büpa nedohnetenpü mangi pungteke.”

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

LEVI 8:2

“Aaron hatü chehathü, owhiai, nyiohen mainga, mang moila shuohhen mohohbaong, mi cheha nyi, hatü daw neshihpü aan mühdow deikei,

HEBREW 9:7

shejao nyipabü dungeiyü ngongchongi bong kü chem mon büpa shing hatü nanglakthüi nenyingi thahpü mang shing shuohpü moilalei iy yah-ei shühamteke.

LEVI 4:3

Thiteiphuei jepü ngongchongi mang thahjema, hatü hapai nanglakthü kü mang koei peijema, büpai thahpü mang shingvaishi Shembüpa kü meheyao kawhikang neshiüpü mohoh baongha yah-ei mang moila shuohtuh.

LEVI 16:15

Hapheikü büpai nanglakthü shingvaishi mang moila shuohhen yum jühen, hatü büpai mohohbaongei iy yah-ei dükpükei Longi Daülangpü Shingei heihhen, hatü shaküp hatü Vangpüshuwpü Pela shadenei haihen.

LUK SHAHSHA APPÜ 1:68

Shembüpa, Israel Kahvang moihimantuh; mehenangkü büpai laophülei nanglak kü phahjiyei veiteke, hatü jom angei leiteke.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

HEBREW 9:19

Mechem Mosai shahkungnyülei nyupükei shahkungthü peü nanglakthü kü ekempa, büpai mohoh hatü yum iy yah-ei yung kü vuk, hatü ha kü iyshüm keipü mimum hatü hyssop pükao dakei ha kü hüngtü laidü hatü nanglakthü kü haiteke.

HEBREW 13:12

Hanangkü Jisuao büpalei iy homei nanglakthü daühühen shingvaishi chingnyü haolei shangpongpeih.