HEBREW 8:9 - DAÜLANGPÜ LAIHING (BSI)

⁹ hayü ngei Ijip kahdok leipü mülangpü ngelei laki müei daipü nyih chebü chepa mü lingpü vangpüshuwpü kei nevai; Mehenangkü jomi ngelei vangpüshuwpü kü nedoh-i nenyu; Hanangkü ngei jom baong neyemi tuhpeih shei Shembüpai enyüke.

HEBREW 8:9 Referans Kwoze

JEREMIAH 31:32

Ngei Ijip leipü jomei lak kü düktü müei leipü hepak kü chebü chepa mü lingpü vangpüshuwpü keiha hapayü nechongkahen. Ngei jomei baha kei nyujao jomi ngelei vangpüshuwpü mangtükpeih shei Shembüpai enyüke.

GALATIA 4:24

Shaang hapayü büshah kübü nyinghen nyüke: Hapa nyüha nyiyü vangteipü nyi nyüke. Nyüha hük, Hagar-ü Sinai Kahshang leipü aa vaihen hapeüthü bühpü.

MARK 8:23

Büpai büpalei lak kü düktü ching kübü yanei deitü büpalei yien yah-ei mük kü nyio, hatü büpa kü büpalei laki shüngtü, “Nüngi meheyao eenyüla?” shei phe.

PHONGSHANTHÜ DOU 13:11

Shaang Shembüpalei lak nüng khüei nyüke. Nüngei mük kansho hük shing phüngdaihen, hatü nüngi vanghenyü vangngai ne-eehen” shei eteke. Ngangahük kü büpalei mük kü nyaühiphum kei pei, hatü hanei ami büpalei lak kü düktü mühühen bomeipangei dai.

PHONGSHANTHÜ DOU 9:8

Saul kahdok leipü paoei yaong, hatü büpalei mük vamshi nyujao büpai meheyao ne-ee-aok; hanangkü jomphongi büpa kü laki düktü müei Damaskalei an.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.

AMOS 5:22

Ammi ngei kü jakpü moilathü, hatü hahying moila shuohlangmao ngei hathü neyahhen. Ammi ngei kü mongjempü moila shuohhen nitshüpü yem yah-ei peiküjao ngei hathü neyahpih.

EZEKIEL 16:59

Shembüpa Kahvangi hapakei enyüke: “Ammi dükpü shangshi ngei am kü dükhen; ammi lahtükpü kü ne-ienelem hatü vangpüshuwpü mangtükteke.

EZEKIEL 16:8

Shao mechem ngei am peih-ei daipa, ngei am kü veishuohjü amü chühimai yemhen hepak ngoidaitü nyuteke. Ngei am bümkong nyupü kü ngelei bhagthuh-i jümhüpeih, hatü ngei am mü lah-ei vangpüshuwpü lingpeih hatü amü ngei lompü leihüpeih shei Shembüpa Kahvangi enyüke.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

SOLOMONEI KESHO 8:5

Bampünyü kü khaaitü yingmong leipü aongküpü üpaang? Apple pü phangei ngei nüng kü phokpeih, halei anyüi nüng ko, hatü bühpeih.

MENVIH KESHO 105:43

Hanangkü büpai mongongpai büpalei nanglak müei lei, büpai jelangpüthü lokyaki leiteke.

MENVIH KESHO 78:57

shejao lemnyong kü daiyei chebü chepa am kei hingnelem; kaokdaipü lahhan keiha monglem neshiüi leidai.

MENVIH KESHO 77:20

Mosa hi Aaron nyi homei nüngi nanglakthü mi keiha mülangpeih.

JOB SHAHSHA APPÜ 8:20

Hingmei Kahvangi eela neshiüpü yangnyu netuhphongnyih, nevaijü nemeipüthü kü nesheühnyih.

SHAHKÜP 29:25

hatü hapa kü jangpeyü, “Hapayü Shembüpa, jomei chebü chepalei Kahvangi jom Ijip leipü müei daipü hepak kü jom mü vangpüshuwpü mangtükpü nangkü,

SHAHKÜP 29:12

Shinnyih am hatouei Shembüpa, ammei Kahvangi am mü lingpü vangpüshuwpü kü shühen hatü vangeishuwhen shingvaishi,

SHAHKÜP 29:1

Hathüyü Shembüpai Israel am mü Sinai Kahshangei lingpü vangpüshuwpü mü üei Moab kahdokei Shembüpai Israel am mü vangpüshuwpü linghen Mosa kü eshuohpü laphen nyüke.

MÜLANGPÜ 34:10

Hahepak kü Shembüpai, “Ngei am mü vangpüshuwpü hük lingnyüpeih. Kahdok shak kü hatü mepa jat kao chemao mangdükpü yashanyale dou hük ngei nüngei nanglakthü tou kü dükhen, hatü am mü chemi shennyakthü peüi ngei, Shembüpalei dou eehen; mehenangkü ngei am kü nyembenüng dou dükhen.

KAHBHAO 19:16

Büpa jü-üei nyushingkü hapa shennyak nyi-i büpa, chenyüha hatü yiükha nyilei lak kü düktü hapa chingnyü peih-ei müei ngailang; mehenangkü Shembüpai jom kü phahji.

ISAIAH 41:13

Mehenangkü ngei, Shembüpa, ammei Kahvangi ammei lakdahphi kü khaaihen; hatü amphong kü, “Tenyem, ngei am kü sheühphahen” shei epeyü ngei hih.

YOUNG LAI 4:16

Shembüpai-üng jom yantük, büpai jom kü hajük kü neveihen, Ngongpathü kü dhüm nehuhen, mübüthü kü phahji nehuhen.

ISAIAH 51:18

Pinnyüi bühhahpü hapeüthü khongkü pinnyü kü lem mühen hükao neshiü; Pinnyüi haümei laongpü hapeü khongkü pinnyü kü lak kü khaaihen hükao neshiü.

MÜLANGPÜ 32:8

Ngei jom kü dükhen eshuohpü peü yakphongtü lembienei lüdaikemteke; jomi jom shingvaishi mohoh cheha lajei hük lingtü ha kü khümei jakpü moila shuoh-ei, ‘Oh Israel am, hapayü am Ijip kahdok leipü müei daipü ammei kahvang khih’ shei enyüke” shei eteke.

PHONGSHANTHÜ DOU 7:36

Büpai Ijiplei, Hakla Yungchingei hatü jahpanei vangbong pinyi thahshi thamapü hatü nyangeihepü douthü dükei büpai jom müei lüdaipeih.