HEBREW 8:8 - DAÜLANGPÜ LAIHING (BSI)

⁸ Shejao Kahvangi laophülei nanglakthü kü pungpü dangei büpai hapakei enyüke: “Hingmei nyihthü peikünyüke, ngei Israel phang, hatü Judah am phang mü vangpüshuwpü ja hük linghen shei Shembüpai enyüke;

HEBREW 8:8 Referans Kwoze

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

HEBREW 9:15

Ha tata kü Kahvangi nyüklangpüthü nedohnetenpü lahtükpü mükjüp danghen shingvaishi Khristayü vangpüshuwpü ja kü lembü leiteke. Shaang shongpü vangpüshuwpü phangkü mang thahpüthü bümei leihühen nangkü ha shemhen büpa diteke.

2 KORINT 3:6

Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

1 KORINT 11:25

Ha aihük mü aan hahpheikü büpai shao yungshong yah-ei e, “Hapa yungshongü ngelei iy kü vangpüshuwpü ja hük. Meshükpa ammi hapa yinghen, hajükpa ngei deih-ei dangei ha yingtuh.”

LUK SHAHSHA APPÜ 22:20

Hapa hahpheikü aihük mü büpai yungshong yah-ei e, “Hapa yungshongü amphong shingvaishi yenpü ngelei iy kü vangteishuwteipü ja hük.

EZEKIEL 37:26

Ngei jom mü chingmeivangmei vangpüshuwpü hük linghen; hapayü nedohnetenpü vangpüshuwpü vaihen; ngei jom kü moihimanhen hatü jom nanglak dahüshehühen, hatü ngelei phopshem düngei jomei kahdokei chonglingei tuhhen.

JEREMIAH 31:38

Ngei shingvaishi hapa chingnyü Hananel Shangdü kübü Shouk Peshaden thahshi linghen.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

MARK 14:24

Büpai jomphong kü, “Hapayü longshi shingvaishi haipü vangteishuwteipü ngelei iy.

JEREMIAH 31:27

Ngei Israel hatü Judah phang kü hangku hatü yemhimak li chemi haihen hepak ngoikünyüke shei Shembüpai enyüke.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 23:7

Nanglakthüi hajük kü Ijip kahdok leipü Israel am müei leipü vanyangyem Kahvang men kü nelahhen,

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

LUK SHAHSHA APPÜ 17:22

Hapheikü büpai nanglomthü kü e, “Amphongi Shennyak Halei nyihthü khongkü hük dangkao eehüei ongyanghen nyih ngoikünyüke, hatü ammi ha ne-eepih.

MATHI 26:28

mehenangkü hapayü longshi shing mang tükpü danghen shingvaishi haipü vangteishuwteipü ngelei iy.

SHAHKÜP 29:14

Shembüpai hapa vangpüshuwpü lingpeyü shinnyih hamü yaongpü amphong mü mon nevai,

HEBREW 7:22

Hapa lahpü nangkü Jisu-ü meipü vangpüshuwpü shuohbü leiteke.

HEBREW 8:6

Shejao shaang Jisu-ü chah-ei meipü chongphopü dousho dangteke; hatü vangpüshuwpü mepa kü büpa lembü lei, hapayü lahpü kü laphentü lingei nyüke.

HEBREW 8:13

Büpai “Vangpüshuwpü Ja” shei etü shongpeyü nenotei-i yaktükpeih, hatü mehe nenotei hatü chang leidainya, hayü lomi mahdaihen.

LUK SHAHSHA APPÜ 5:38

Shejao yiüja yah-ei phaishuw khoung ja kü shihhen vongbong.