HEBREW 6:6 - DAÜLANGPÜ LAIHING (BSI)

⁶ mang thah-ei vüdainya, jom nyipabü mong lepei leihenü neaokbenüng; mehenangkü jomi nyingshangi Kahvang Ha shao shophang kü aphünyüke, hatü büpa nyonghünyüke.

HEBREW 6:6 Referans Kwoze

2 PETER 2:21

Daülangshemshepü lem nyingtü jom kü shuohpü daülangpü shahkung kü ngaümphei lepphongtü dailei meyü hapa nenyingpü-üng jom shingvaishi meipüba.

HEBREW 10:29

Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?

HEBREW 6:4

Chem üami Kahvangei vangngai kü nyuei vangsho amei thintho kü jepei veitü Laangha Daülangpü kü hean yahtü,

1 JOHAN 5:16

Ammi laophülei jeihinaü hatü nyahinaü dibenüng nevaipü mang thah-ei eejema, ammi phopeishuoh, hatü Kahvangi büpa kü yangnyu shuohhen. Dibenüng nevaipü mang nang ngei enyeih. Dibenüng mang nyüke, hatü henüng nangkü ammi phoptuh shei ngei ne-enyih.

ISAIAH 1:28

Shejao khüei yaongpü hatü mangthü chemi mahtükhen, hatü Shembüpa yaktükpüthü mahtükkemhen.

2 TIMOTI 2:25

laophü kü khüpüthü kü inyainyemi yeanpü shuohaokpü vaihen vongbong. Üpai nying, jom mong lepei shahhing nyingei leihen Kahvangi shuohhen aok,

MENVIH KESHO 51:10

Ngei kü daülangpü mongdang hük lingshih, Oh Kahvang, hatü ngelei mongkü ja, hatü jiüpü laangha hük shihshih.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

MATHI 19:26

Jisui jomphong kü veitü, “Hangku shingvaishi hayü neaokbenüng shejao Kahvang shingvaishi peü aokbenüng” shei e.

LUK SHAHSHA APPÜ 11:48

Hanangkü ammei bühipathüi dükpü douthü kü ammi denpü shuohnyüke, hatü ha jiüpükei yahnyüke; mehenangkü jomi jü, ammi mahngchong lingnyüke

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.

HEBREW 10:26

Jeni shahhing nyingpü yahpheikü nyingshangi mang thah-ei nyujema, henüng mangthü shingvaishi jakpü moila aoei neshiü,