HEBREW 6:1 - DAÜLANGPÜ LAIHING (BSI)

¹ Hanangkü jeni Khrista jung lapjai nyuhpüvenpü tuhphongtü behe leipü lemei daishah. Didaipü dou kübü mong lepei Kahvang kü hinglempü,

HEBREW 6:1 Referans Kwoze

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

HEBREW 12:13

Ammei lemthü pha jiüei lingtuh, shejüang lakhopüthü neaoknethangi nenyuhen, shejao meidaihen.

MATHI 21:32

Mehenangkü Johanü am touei daülangpü lem huphahen pei; ammi büpa kü hingnelem, shejao kahdok lat thaipüthü hatü büm yupüthüi büpa kü hinglem; ammi hathü eetao am mong neyeiya hatü büpa kü hingnelem” shei e.

HEBREW 7:11

Shaang Levi ngonglem homei hapa ngonglem phangkü shahkung dangpü nanglakthü shingvaishi changpüshapü dangaokhen vaijema, Aaron ngonglem aimü hük nyudai pheikü shao nedoh-i Melkizedek aimü lebü ngongpa hük vamhen nang eteihen mehe nadang nyüpa?

EPHESIA 4:12

hatü chongphopü dousho kü daülangpüthü temeilemhen, Khristalei büm linghen,

JOHAN 12:44

Hahepak kü Jisui lenei, “Mechem shennyak hük ngei kü hinglemnya, büpai ngei kü mon hinglemnyu nevai, shejao üpai ngei shom büpa kao hinglemnyeih.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

MATHI 3:2

“Mong leptuh; mehenangkü vangsho ongching yopailei nyüke” shei e.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

2 KORINT 7:10

Mehenangkü Kahvang deihshi mongmangpeyü yemleipü touei mühen mong leppü vamhünyeih, hatü mongmangei nenyunyih, shejao kahdoknyü mongmangi dipü vamhünyeih.

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

PHONGSHANTHÜ DOU 20:21

Ngei Jehoda hatü Greek am nyiphen kü Kahvang touei mong lephen hatü Shembüpa Jisu kü hinglemhen ngei denpü shuohteke.

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

JOHAN 14:1

Amphong mongteshang. Kahvang kü hinglemtuh, hatü ngei kao hinglemtuh.

MARK 6:12

Hanangkü jom daiyei peü mong leptuh shei chongven.

MARK 1:1

Hapayü Kahvang Ha Jisu Khristalei shahjangmei chongpangpü nyüke.

MATHI 4:17

Hahepak kübü Jisui, “Amphong mong leptuh; mehenangkü vangsho ongching yopailei peiteke” shei baonghen chongpang.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

JAKOB 1:4

hatü am munenpai hapalei dou changhütuh, shejüang am behe leiyei, changeishaei mepa kao netaohen.

HEBREW 11:6

Hinglempü neshiüi Kahvang mong hahhühenü neaokbenüng; mehenangkü üami büpa touei peihenshang, büpa nyüpeih shei hinglemhen vongbong hatü büpa yempüthü kü laklei shuohnyeih.

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

KOLOSI 1:28

Peü Khrista kü behe leihühen shingvaishi kihikon kempai peü kü shahvüng shuoh-ei, peü kü nyuh-ei hami baongpeyü büpa hih.

EPHESIA 2:5

mechem jen pungpü homei diyei nyupa, Khrista mü chemi yangei leishihpeihphahjipai am yangpeih;

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

EPHESIA 2:1

Ammi pungpü hatü ammei mang homei am diyei nyuteke,

1 KORINT 13:10

shejao mechem changpüshapü peihenshang, nechangneshapü peihdaihen.

PHONGSHANTHÜ DOU 17:30

Peihdaipü hepak kü hapakei nenyingpeyü Kahvangi hei-üng tuhphongpeih, shejao shaang büpai shing peü leipü hangkuthü kü mong lephen shahkung shuohnyüke.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

MATHI 7:25

Vang keiyei yung long, hatü vanglük lük, hatü ha shem kü hung, shejao ha shem nelaam; mehenangkü hapa shemü yaong shangkü veteke.

MATHI 5:48

Vangsho leipü Pa keiha amphong changpüshapü leituh.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

1 TIMOTI 6:19

Hapakei dükpai ngoikahen den shingvaishi wong kohpü chongnyiam keiha jomi laophü shing mop jaohen, shejüang jomi yangnyu mepa hingshangpü yangnyu nyüpa, ha kü shoungaokhen.

LUK SHAHSHA APPÜ 6:48

Büpayü yaong shangkü sha vaüpei chongnyiam lingei shem vepü shennyak hük leshi nyüke. Mechem yung long, shem kü hung, shejao hapa shem nejenhen; mehenangkü hapayü meishi wongei veteke.

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

MATHI 21:29

Büpai, “Ngei neshapih” shei e, shejao pheishi büpa mong yeiya hatü kahlei sha.

1 KORINT 2:6

Shejao hapa den kübü kihikon, nevaijü mahdaihen demtükpü vanglem lembüthülei kihikon nevaijao hami behethü mü kihikon shah enyeih.

KOLOSI 3:14

hatü hathü mei peü shak kü hingshangi mongjempü kü chemi shepei shahüpü bampü owtuh.