HEBREW 5:7 - DAÜLANGPÜ LAIHING (BSI)

⁷ Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

HEBREW 5:7 Referans Kwoze

JOHAN 17:1

Jisui hathü shah epheikü büpai vangsho philei ngangei veitü eteke, “Opa, hepak ngoiteke, Anha-i nüng müknyinshekhanghen shingvaishi Anha müknyinshekhanghütuh.

MATHI 27:46

Jem baji yangkü Jisui ngeüwong anei, “Eli, Eli, lama sabachthani” lappai, “Ngelei Kahvang, Ngelei Kahvang, mehekei nüngi ngei tuhphongnya?” shei eteke.

MARK 15:34

Jem baji kü Jisui ngeü longpai lenei, “Eloi, Eloi, lama sabachthani?” lappai, “Ngelei Kahvang, ngelei Kahvang, mehekei nüngi ngei tuhphongnya?” shei e.

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

JOHAN 11:35

Jisui thep.

MATHI 27:50

Nyipabü Jisui ngeüwong anei vaütü ngüshom heyei mongdang shemmdai.

MARK 15:37

Hahepak kü Jisui wong mü ngeü antü ngüshom heeyei mongdang shemmdai.

MENVIH KESHO 22:24

Mehenangkü büpai shanghahpüthü, hatü ponghahpüthü kü ne-ienelemi yaktükei neshiü. Büpai büpalei dhe ngei toueipü nejodai. Shejao ngei büpa kü nyükjü büpai ha danlangpeih.

HEBREW 2:14

Hanangkü hashihthüi iy hatü phai kü hean yahpükei büpai laophü nyingi jom kei hangku nyingnyoi yah. Büpai hapayü büpa dipü homei dipü shak kü wong nyupü Kahshih mahtükhen nangkü dükpeih,

LUK SHAHSHA APPÜ 23:46

Hahepak kü Jisui ngeüwong anei, “Opa, nüngei lak kü ngei ngelei laangha lanei shuohnyeih” shei e. Ha etü büpa ngüshom heeyei mongdang shemm.

MENVIH KESHO 69:1

Ngei yangtuh, Oh Kahvang; mehenangkü ngelei üng thahshi yung lümei aongdaiteke.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

ISAIAH 49:8

Shembüpai hapakei enyüke: Mechem ngelei phahji hepak ngoihenshang ngei ammi phoppü kü janghen, hatü yemleihen nyih kü ngei am kü sheühhen. Ngei amphong yomhen, hatü nanglakthü shingvaishi amü vangpüshuwpü leihühen, Kahdok nyokei leihen, hatü tükei nyupü mükjüp demei hanhen.

LEVI 2:2

hatü ha Aaronei cheha ngongpathü touei yah-ei deituh. Haleipü meipü aanthüng hatü mainga lakpaoh hük hatü ha mü ayingshü kemei yah-ei ngongpai moidülei hapa meivaüm deih-ei danghen shingvaishi kakhen; hapayü Shembüpa kü vong meipü aw kü jakpü moila nyüke.

2 JOHAN 1:7

Peileipüthü longi, üami Jisu Khrista phai kü peipeih shei nyingei nelahnya, hathü kahdoknyülei yaüei daiteke; hapa keipü shennyakü peileipa hatü Khrista khüpü nyüke.

1 JOHAN 4:3

hatü Jisu nelahpü laangha peü Kahvang leipü nevai. Hapayü peikünyüke shei ammi danei nyupü Khrista khüpü laangha nyüke; hatü shaang ha kahdoknyülei nyüke.

GALATIA 4:4

Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.

JOHAN 11:42

Nüngi düngei ngei kü bangnyeih shei ngei nying, shejao ngei hayü hatouei yaongpü khong men kü enyeih, shejüang nüngi ngei shompü khih shei jomi nyinghen” shei e.

ROM SHAHSHA APPÜ 8:3

Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

MENVIH KESHO 88:1

Oh Shembüpa, ngei yemleipü Kahvang, nyakhingai thüngei ngei nüng nyushingei lennyüpeih.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

HEBREW 10:5

Hanangkü mechem Khrista kahdoknyülei yiüpa, büpai eteke: “Jakpü moila hatü moilathü nüngi nenanyih, shejao ngei shing nüngi tempü büm nanyeih;

HEBREW 10:10

Jisu Khristalei büm den shing chem mon moila shuohpü homei jen daüdaipeyü Kahvangi mongpü nyüke.

HEBREW 11:7

Hinglempai Noah-i ne-eejao peikahen vongshüh nang Kahvangi shahvüng shuohpü nangkü hapa shahvüng kü dhüm shuoh-ei jom shem yanghen jahas hük ling; ha homei büpai kahdoknyü nyonghü hatü hinglempai daülangshemshepülei mükjüp leiteke.