HEBREW 4:8 - DAÜLANGPÜ LAIHING (BSI)

⁸ Mehenangkü Joshua-i jom kü nyiushemmei shuohphei vailangmeyü Kahvangi pheilei lebü nyih jung ne-ehah shepeih.

HEBREW 4:8 Referans Kwoze

JOSHUA 1:15

Shembüpa, ammei Kahvangi am kü shuohpü kahdok kü am nyiushem meipükei Shembüpai jom kao nyiushemmei mangshuoh thahshi amphongi ammei jeihinaüthü kü sheühtuh. Hapheikü am nyokei leiyei Shembüpa chongphobü Mosai Jordan apshaphi kü am kü shuohpü kahdokei chongkhenei nyutuh.”

JOSHUA 22:4

Shaang, Shembüpa, ammei Kahvangi ammei jeihinaüthü kü büpai lahpükei nyiushemmei shuohteke, sheyü Shembüpalei chongphobü Mosai Jordan yungdangei am kü yahphopü kahdokei nyokei leituh.

SHAHKÜP 12:9

mehenangkü am nyiumeishing hatü Shembüpa, ammei Kahvangi am kü mükjüp shuohpü kahdok mangngoi.

JOSHUA 23:1

Hepak longi daipheikü Shembüpai Israel am kü jom shinei nyupü vepathü peü kübü nyiumei shuoh, hatü hahepak kü Joshuayü longi viüdaitü nyu,

PHONGSHANTHÜ DOU 7:45

Kahvangi jenei bühipathü toueipü jatthü changtüktü kahdok yahshingkü jenei bühipathüi Joshua mü hapa ashakshem koei daipeih. Hapayü David hepak thahshi halei nyuhampeih.

MENVIH KESHO 78:55

Büpai jom toueipü jatthü changtük; hatü büpai jom kü mükjüp vaishi hapa kahdok shuoh, hatü Israel jatthü jomei ashakshemei chingchingeinyuhüteke.

MENVIH KESHO 105:44

Büpai jom kü jatthülei kahdok shuoh, hatü jomi jatthülei mop kemei yah.

SHAHKÜP 25:19

Mechem Shembüpa, ammei Kahvangi am kü mükjüp shuohpü kahdok kü shonei nyupü vepathü kübü yangei nyuhen, vangsho phangkü üpaiyao deih-ei nedanghen shingvaishi ammi Amalek am jütüktuh. Ammi hapa tebetük.

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

HEBREW 1:1

Aivang den meyü Kahvangi jenei bühipathü kü lem longi hatü laolao kü thihivamthü homei ehamteke,

HEBREW 4:9

Halangmeyü Kahvangei nanglakthü shing sabbath thempeyü shaangao nyuhah shepeih.

1 SHÜPPÜKENGPÜ 7:27

Nun hatü Joshua.