HEBREW 4:13 - DAÜLANGPÜ LAIHING (BSI)

¹³ Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

HEBREW 4:13 Referans Kwoze

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

KANDOK 15:3

Shembüpalei müki lemphüli eenyüpeih; ten hi mei lemphü kü veishi nyunyüpeih.

CHONGVENBÜ 12:14

Mehenangkü Kahvangi joshi nyupü dou, meipü hatü nemeipü dou lemphüli shahphen shingei koei peikahen.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

JOB SHAHSHA APPÜ 34:21

Mehenangkü shennyak dailem kü büpalei mük chishi nyüke, hatü büpai jomei lakham peü eenyeih.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

KANDOK 15:11

Dipü hatü mahpeyü Shembüpa touei aptüktü nyüke, mekei shennyak hüki deihpü Kahvang touei joaokhen?

MENVIH KESHO 44:21

hamei mongdang leipü shahjo nyingpü Kahvangi ha nenyinghen je?

JOB SHAHSHA APPÜ 26:6

Sheolü Kahvang touei bümkong kei, hatü Abaddon kü jümpü neshiüi nyüke.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

MENVIH KESHO 7:9

Oh nemeipüthülei douten dohhütuh, shejao daülangpüthü chonglinghütuh, nüngi mongdang hatü sholi doknyeih, Oh daülangpü Kahvang.

2 SHÜPPÜKENGPÜ 6:30

nüngi nüng nyushing vangsho leipü bangtuh, hatü mang tükeishuoh. Laophüi dükpü aimü nüngi jom kü dükeishuoh; mehenangkü nüngi mon hangkulei mongdang nyingnyüpeih.

MENVIH KESHO 90:8

Hami pungpü nüng touei haüshi nyüke, hamei jopü mang nüngei müknyinshekhang vangngai touei ngaiteke.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

JOHAN 21:17

Büpai jempabü büpa kü, “Johanei ha Simeon, nüngi ngei kü bamnyüla?” shei e. “Nüngi ngei kü bamnyüla?” shei büpai büpa kü jempa thahshi eshuohpü nangkü Peter mong yimei deih. Büpai büpa kü, “Shembüpa, nüngi lemphü nyingei nyüke; ngei nüng kü bamnyeih shei nüngi nyingei nyüke” shei e. Jisui büpa kü, “Ngelei mithü haümtuh” shei e.

JOHAN 2:24

Shejao Jisui payü jomphong kü hingnelem; mehenangkü büpai nanglakthüi deihpü peü nyingdai,

JOB SHAHSHA APPÜ 38:17

Dipülei penyüshathü nüng kü huphüphei je? nevaijü nüngi dipü vangdhümei penyüsha eephei je?

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

MENVIH KESHO 139:4

Ngelei ju kü shah vamshekü nüngi ha meishi nyingei nyüke, Oh Shembüpa.

KANDOK 5:21

Mehenangkü shennyak hükei lemthü kü Shembüpai veinyüpeih; hatü büpai lemthü peü dokei veinyüpeih.

JEREMIAH 16:17

Ngelei mük jomei lemthü kü veishi nyüpeih; jom ngei touei joshing neshiü; nevaijü jomei mang ngei touei joshi neshiü.

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”

DANIEL 2:22

Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.

MATHI 6:4

shejüang ammi sheühpeyü joshi nyuhen, hatü ammi joshi dükpü eepü Pa-i am kü laklei shuohhen.

JOHAN 4:16

Jisui pinnyü kü, “Leituh, ambaha nyükei heihkei” shei e.