HEBREW 4:12 - DAÜLANGPÜ LAIHING (BSI)

¹² Kahvangei shah-ü yem hatü dou düknyüke, nah nyi kohpü yanlu mao nahpüba, yembüm hatü laangha, vangbaong hatü vangni baong hanei peiyei shüaokpü; mongdangei deihpü hatü lepü shahphenaokpü nyüke.

HEBREW 4:12 Referans Kwoze

JEREMIAH 23:29

Ngelei shah-ü aw nevaijü yaong khih mü nihtükpü kaoklak neleang je? shei Shembüpai enyüke.

ISAIAH 55:11

Ngelei ju kübü vamei epü shah kong mü nyokei neleikahen, shejao ngei mehe dükhen tem, hapa jiükahen, hatü mehe shingvaishi hapa epa, ha kü aokpü danghen.

EPHESIA 6:17

Yemleipü nyiam athen, hatü Laangha yanlu mepa Kahvang shah nyüpa, ha yahtuh.

MENVIH KESHO 119:130

Nüngei shah shakei vampai vangngai shuohnyeih; lapja-i nyupüthü kü hapai kihikon shuohnyeih.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

ISAIAH 49:2

Büpai ngelei ju yannah keiha lingpeih, büpalei lakmongei ngei jolangpeih; büpai ngei nyülükpü lahhan kei leihüpeih, büpalei lahhan tuw mongei ngei jolangpeih.

SHAKEI VAMPÜ 1:16

Büpalei lakdah philei litha nyet noteke, hatü büpalei ju leipü nah nyi kohpü yanlu vamteke, hatü büpalei dheyü vanghe hebaongwong kei nyuteke.

1 THESALONIKA 2:13

Mechem hami venpü danei ammi Kahvangei shah yahpa, ammi hayü shennyakei shah kei nevai, shejao mepa am vaipüthü kü dou düknya, hingshangpü Kahvangei shah shei ammi ha yahpeih.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

MENVIH KESHO 149:6

Kahvang vihpü ngeüwong jomei üng kübü vamhütuh, hatü jomei lakei nyonghidah kü nah kohpü yan nohütuh;

SHAKEI VAMPÜ 19:15

Büpalei ju leipü jatthü kü baphen nahpü yanlu vamnyüke. Büpai jom shak kü nyiam lenshuoh notü vanglem lemhen. Jeiyong Kahvang mongshihpai hapa nyalingngupai ngümshingei büpai shouptükhen.

EPHESIA 5:13

shejao vangngai-i shakei vamhüpü lemphü eedainyeih,

LUK SHAHSHA APPÜ 8:11

Shahlap lappeyü ha hih: Sheiliyü Kahvang shah.

MENVIH KESHO 139:2

Nüngi ngei uo ngei yaong nyingei nyüke; tailei-üng nüngi ngelei mongdeih nyingei nyüke.

JOHAN 6:51

Ngeiyü vangsho leipü yiüpü yangnyu hahying. Üami hapa hahying hahhen, den kü yemmü nyuhen, hatü kahdoknyü kü ngei shuohpü yangnyu hahyingü ngelei phai’ ” shei eteke.

ISAIAH 11:4

shejao taopathü kü daülangshemshepai, hatü kahdoknyü kü nehahneyingpüthü kü shahhingi shahphenhen. Büpai büpalei ju kübü nyiamlüngi kahdoknyü kü bheihen, hatü büpalei ju kübü ngüi nemeipüthü jütükhen.

MENVIH KESHO 45:3

Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.

SHAKEI VAMPÜ 19:21

Aopüthü kemei koyei kü uopübalei ju leipü vampü yanlui jütük, hatü phaüouthüi jomei phai hahteke.

SHAKEI VAMPÜ 2:16

Mong leptuh, hei nevaijema ngei lomi am touei peiyei ngelei ju kübü yanlui ngei jom khüei hokhen.

HEBREW 13:7

Am kü Kahvangei shah ephopü ammei mübüthü deih-ei dangtuh; jomei yangnyu nyuhichong kübü vampü deih-ei dangtuh hatü jom hinglempü kapituh.

PHONGSHANTHÜ DOU 4:31

Jom phopei tempheikü jom thaipü shing jenteke, hatü jom peü Laangha Daülangpai ma hatü Kahvang shah mong longei e.

PHONGSHANTHÜ DOU 2:37

Mechem nanglakthüi ha danpa, jomei mong kü nyah, hatü jomi Peter hatü lebü phongshanthü kü, “Jeihinaüthü, hami mehe dükhenang?” shei phe.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

SHAKEI VAMPÜ 20:4

Hapheikü ngei ong uoshingthü, hatü halei uopüthü kü shahphenhen wong shuoh-ei ee. Shao ngei Jisu jung denpü shuohpü hatü Kahvangei shah nangkü sho mahpüthülei laanghathü ee. Jomphongü yemha hatü hapalei lajei kü nekhüm, hatü jomei shangba hatü lak kü yemhalei füoshang neshüngpüthü nyuteke. Jom yangei leiyei Khrista mü bong haja hük vanglem lemteke.

1 THESALONIKA 5:23

Chingmei Kahvang, büpai am chemjalak kü daüphahen, hatü jenei Shembüpa Jisu Khrista yiüshingkü ammei laangha, yangnyu hatü yembüm meishi hatü eela neshiüi tuhhen.

2 KORINT 4:2

Hami veübenüng douthü hatü jopü douthü yaktüktih; hami ühingnakai nedüknyih, nevaijü Kahvangei shah shahshem neleihünyih; shejao shahhing ngaiheyei epai ham nyingi peülei mongdeih kü Kahvang touei menvih shuohnyeih.

KANDOK 5:4

shejao dohpülei pinnyü-ü mohoh yiü mao shahpüba, hatü nyonghidah kü nah kohpü yan kei nyüke.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

CHONGVENBÜ 12:11

Kon kohpülei shahthüyü mi yombüi mithü kü atteipü lenshuoh leshi nyüke, hatü thaiyei tuhpü kandok shahthüyü wongshongi appü kojal kei nyüke.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

MENVIH KESHO 110:2

Shembüpai Zion leipü nüngei lenshuoh shomnyüke. Vepathü shak kü vanglem lemtuh.

1 KORINT 1:24

shejao üamphong nyüklang, Jehoda hatü Greek am nyiphen kü Khristayü Kahvangei ngan, hatü Kahvangei kihikon nyüke.

PHONGSHANTHÜ DOU 5:33

Mechem jomi ha danpa, jom mongshih hatü hathü jütükhüei deih.

JOHAN 12:48

Ngei yaktükpü hatü ngelei shah tüktükpü shingvaishi shahphenbü hük nyüke; dohpü nyih ngei epü shah-i büpa nyonghühen.

PHONGSHANTHÜ DOU 7:38

Büpayü jahpanei khong mü jenei bühipathü mü hatü Sinai Kahshangei büpa kü shah eshuohpü vangsho phongshan mü nyu, hatü jen kü shuohhen vanyangyem shah büpai yah.

EPHESIA 5:26

shejüang shah homei yungi paüei daüpai pinnyü daülangi leihen;

HEBREW 6:5

Kahvangei shah meipü kü hatü ngoikahen denhivan nganthü kü jepei veitü,

SHAHPHENBÜTHÜ 3:16

Shaang Ehudi nyonghidah kü nah kohpü yanlu hük feet hük mü bhaoei ling, hatü büpai hapa lakdah philei ashak mongei phümteke.