HEBREW 3:9 - DAÜLANGPÜ LAIHING (BSI)

⁹ Jomi ngei bong pinyi thahshi dükpü douthü eejao halei ammei bühipathüi ngei kü shüvei hatü dokpeih.

HEBREW 3:9 Referans Kwoze

PHONGSHANTHÜ DOU 7:36

Büpai Ijiplei, Hakla Yungchingei hatü jahpanei vangbong pinyi thahshi thamapü hatü nyangeihepü douthü dükei büpai jom müei lüdaipeih.

SHAHKÜP 4:9

Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

JOSHUA 24:7

Mechem jomi Shembüpa kü lenshuohpa, büpai am hatü Ijip am aa kü vangnyak longpü vamhüpeih, hatü yungi leamei leiyei jom lümlangpeih. Ngei Ijip am kü mehe dük, ha ammei müki eeteke. Hapheikü jahpanei am hepak luangi nyupeih.

SHAHKÜP 8:4

Bong pinyi thahshi ammei ashakviha chang neleidai, nevaijü ammei lakhila nepouk.

SHAHKÜP 4:3

Baal Peor kü Shembüpai mehe dükpa amphongei müki lekei eeteke. Büpai Peor amei Baal kahvang kü khümpüthü peü jütük,

MÜLANGPÜ 19:4

‘Ngei Ijip am kü mehe dükshuohpa ha ammi eeteke, hatü alangi cheha yang kü haütü piyei deipükei ngei am hatoumü ngei nyushingei müei leipeih.

PHONGSHANTHÜ DOU 13:8

Shejao hapa phongyombü Elymas-i (hayü Greek shah mü büpalei men nyu) jiji khüei yaong, hatü büpai governor-i hinglemhen kübü leplangnüng khe.

LUK SHAHSHA APPÜ 7:22

Hanangkü büpai phongmokbüthü kü, “Leituh, hatü ammi mehe ee, hatü dan ha Johan kü eyeishuoh: Mükphüngpüthüi eenyüke, lakhopüthü kamnyüke, ngombüthü meidainyüke, aangdaipüthüi dannyüke, didaipüthü yangei leishihnyüke, taopathü kü shahjangmei chongvennyüke.

AMOS 2:10

Ngei am Ijip kahdok leipü müei leipeih; vangbong pinyi jahpanei am müpeih, hatü Amor amei kahdok am kü shuohpeih.

JOSHUA 23:3

Shembüpa, ammei Kahvangi ammei med kü hathü jatthü kü mehe dükshuohpa, ha am nyingi eeteke; hapayü Shembüpa, amei Kahvangi ammei med kü hokpü khih.

SHAHKÜP 29:2

Mosai Israel am peü nyükei jom kü eteke: “Shembüpai Ijiplei Pharaoh ongpa, büpalei lakchongbüthü hatü büpalei kahdok kü mehe dükshuohpa ha peü ammei müki eeteke.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

BHEI-IE 14:33

Ammei hühihathü vangbong pinyi thahshi jahpanei longteihen, amphong khongkü shoumpü shennyak mangdi thahshi amphongü mang lat shangponghen.

MÜLANGPÜ 20:22

Nüngi Israel am kü hapakei eyeishuoh shei Shembüpai Mosa kü eteke: “Ngei vangsho leipü am mü shah epü am nyingi eeteke.

JOSHUA 5:6

Shembüpai epü nebangpü nangkü Ijip leipü vamei daishingkü veshan vaihen yienmeishem peü mangdidaikem thahshi Israel am jahpanei vangbong pinyi hükshing longtei; mehenangkü Shembüpai jomei bühipa kü amma hatü nyahjiü mon yenpü kahdok shuohhen shei lahpü ha ne-eehüpih shei lahteke.

SHAHKÜP 11:7

Shembüpai hathü dou longpü dükpü kemei amphongei müki eekemteke.

MENVIH KESHO 95:9

Ammei ambü ampai ngelei dou eejao jomi ngei kü dokpeih.