HEBREW 3:7 - DAÜLANGPÜ LAIHING (BSI)

⁷ Hanangkü Laangha Daülangpai hei enyüke: “Shinnyih ammi büpalei ngeü bangjema,

HEBREW 3:7 Referans Kwoze

HEBREW 3:15

Hapakei eyei nyüke: “Shinnyih ammi büpalei ngeü danjema, ammei bühipathüi khüei yaongpükei am mong vaanei tenyu.”

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

SHAKEI VAMPÜ 3:20

Bangtuh, ngei shem shadenei yaongtü khungnyüpeih; ammi ngelei ngeü danei sha aphüjema, ngei ammei mongei shühen hatü ngei am mü hahyinghen, hatü am ngei mü hahyinghen.

HEBREW 4:7

shao büpai nyih hük, “Shinnyih” shei tetei nyüke. Büpai hapayü bong longi pheikü David homei Laihingei hapakei enyüke: “Shinnyih ammi büpalei ngeü bangjema, am mong vaanei tenyu.”

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

MENVIH KESHO 81:13

Oh ngelei nanglakthüi ngelei shah danlangmeyü, Israel ami ngelei lemthü kü kamlangmeyü

HEBREW 3:13

Shejao mangi lueilempü kü ammei mong nevaanhen shingvaishi “Shinnyih” shei nyükpü thahshi nyihjeih am hüki hük mü mongnang thongteituh.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

MENVIH KESHO 81:11

Shejao ngelei nanglaki ngelei ngeü nedan, Israel ami ngelei shah nebang.

JOHAN 10:3

Shaden yombüi büpa kü mi khaok sha apnyüke, hatü mithüi büpalei ngeü dannyüke. Büpai laophülei mithü kü men homei nyüknyeih, hatü müei dainyüke.

JOHAN 5:25

Hingmei mü ngei am kü enyeih, dipüthüi Kahvang Halei ngeü danhen, hatü ha danpüthü yemmü nyuhen hepak ngoikünyüke, hatü hayü shaang khih.

ISAIAH 55:6

Shembüpa dangaokhen mü nyushingkü büpa yemtuh; büpa yopailei nyushingkü büpa kü nyüktuh.

JOHAN 10:16

Hapa mi khaok kü nepaümpü lebü mithü nyüpeih. Ngei jomphong müei leihen hatü hathüi ngelei ngeü banghen. Hanangkü mi khong hük hatü mi yombü hük mon nyuhen.

CHONGVENBÜ 9:10

Nüngei laki dükaokhen mü mehe mehe heühenshang wong kohshi kemei düktuh; mehenangkü nüng vühen mahngchongei dou dükhen nevaijü deihhen, nevaijü nyingpühingpü nevaijü kihikon meheyao neshiü.

2 PETER 1:21

Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

2 SAMUEL 23:2

Shembüpalei laanghai ngei homei enyüpeih, büpalei shah ngelei yeijaangei nyüpeih.

HEBREW 9:8

Hapa homei shongpü dung nyupü thahshi Longi Daülangpü Shingei shühen lem ne-ap shei Laangha Daülangpai hunyüke.

MATHI 22:43

Büpai jomphong kü e, “Shejema mekei etü Davidi Laangha homei büpa kü Shembüpa shei nyükei hapakei epa?

KANDOK 27:1

Ngenyihpü nang deih-ei nüng techangmei; Mehenangkü hepaki mehe koei peikahen ha nüngi nenying.

PHONGSHANTHÜ DOU 28:25

Hanangkü jom hüki hük mü shahju nejiütei, hatü jom leidai shingkü Pauli shao shah hük hapakei e: Isaiah thibü homei ammei bühipa kü Laangha Daülangpai epeyü jiüpü khih,

MARK 12:36

Laangha Daülangpü homei Davidi hapakei e: “Shembüpai ngelei Shembüpa kü, ‘Ngei nüngei vepathü nüngei la phangei mangtuh thahshi nüng ngelei lakdah philei uotuh.’ ”

PHONGSHANTHÜ DOU 1:16

“Jeihinaüthü, Jisu yeppü khong kü mübü vaipü Judas nangkü Laangha Daülangpai David homei tetei nyupü laihingü dhaümteke;

PHONGSHANTHÜ DOU 8:29

Hahepak kü Laanghai Philip kü, “Heih-ei hapa koyei khari kü chemi uotuh” shei e.

HEBREW 10:15

Hapa nang Laangha Daülangpaiyao jen kü denpü shuohnyüke. Shongpü kü büpai enyüke: