HEBREW 3:6 - DAÜLANGPÜ LAIHING (BSI)

⁶ Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

HEBREW 3:6 Referans Kwoze

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

1 KORINT 3:16

Amphongü Kahvangei phopshem, hatü Kahvang Laangha amphong kü nyunyeih shei nenyingnyu je?

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

HEBREW 10:35

Hanangkü am kü nyupü hapa ammei monglem teyakphong; hapai am kü laklei longpü koei peikahen.

HEBREW 6:11

Dohpü thahshi ammi monglempü jiühen shingvaishi am peüi aihük nyakpükenpü huhen hami nanyüpeih.

1 KORINT 6:19

Nevaijü nüngei bümü Kahvang leipü dangpü nüng kü nyupü Laangha Daülangpülei phopshem, hatü nüngei bümü nüng lompü nevai shei nenyingnyu je?

HEBREW 10:23

Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

HEBREW 4:11

Hanangkü jomi keiha ven nedanpü homei üpayao nedo-i hapa nyiushemmei kü shühen shingvaishi jeni kenshah.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

SHAKEI VAMPÜ 3:11

Ngei lomi peikünyeih, hatü ammi ammei lakei mehe nyu ha kü wongshongi shümtuh, shejüang üpaiyao ammei athen neyahlanghen.

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

1 TIMOTI 3:15

Shejao ngei pheidaijema, Kahvangei shemong, mepa vanyangyem Kahvangei attoi kü shahhing shemnyü hatü chongnyiam nyüpa, hapa kü mekei shennyakthüi dükhen ha nyinghen vongbong.

KOLOSI 1:23

Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

1 THESALONIKA 5:16

Düngei mongongtuh;

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

MATHI 24:13

Shejao üpai dohpü thahshi nenhen yemleihen.

SHAKEI VAMPÜ 2:25

Ngei mangyiükei thahshi ammei lakei mehe nyu, ha kü wongshongi shoungtuh.

SHAKEI VAMPÜ 2:18

Thiatira kübü attoi leipü phongshan kü nyangtuh: Hathüyü Kahvang Ha, üpa kü awlom kei mük nyu, hatü layü jintükpü melangnyiam kei nyu, büpalei shahthü:

2 THESALONIKA 2:16

Shaang jenei Shembüpa Jisu Khrista hatü jenei Pa Kahvang, üpai jen kü bam, hatü büpalei phahji homei jen kü nedohnetenpü nyiumei, hatü monglemhen meipü shuohpa,

ROM SHAHSHA APPÜ 5:2

Büpa homei hinglempai jeni hapa phahji dangei ha kü jen shaang nyunyeih, hatü Kahvang müknyinshekhang kü jen hanteihen monglempü kü jen changmeinyeih.

MENVIH KESHO 2:12

Büpa mongshihpai nüng dailemei mahtükmang kü Chehalei la kü jüptuh; mehenangkü büpa mongshih lomi vamkahen. Büpa kü loipüthü peü moihiman.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

GALATIA 6:9

Hanangkü mei dükpü kü jen netengshah; mehenangkü jeni dhaümshi dükjema ha vetshingkü jeni vethen.

ROM SHAHSHA APPÜ 11:22

Shejema Kahvang bampü hatü mongshihpü nyingtuh: dopüthü touei mongshihpü, shejao ammi büpa bampü kü nedoh-i nyujema Kahvang bampü am touei nyüke; hei nevaijema amao bhagtükhen.

MATHI 16:18

Hatü ngei nüng kü enyeih, nüngü Peter, hatü ha yaong shangkü ngei ngelei attoi linghen, hatü yimching peshadeni ha khüei neyaongaokpih.

ROM SHAHSHA APPÜ 12:12

Monglempü kü mongongtuh, shangpongpü munentuh, phoppü kü nyakeikentuh.

GALATIA 6:10

Hanangkü hepak mei dangpü nangkü jeni peü kü doumei dükshah; anyei vaishi vaipü shemongshathü kü.

EPHESIA 3:12

Büpa kü hinglempü homei jen mong longshi hatü monglemshi Kahvang touei peiaoknyeih.

HEBREW 4:16

Hanangkü jen nashingkü yahyang shinshang hatü phahji danghen shingvaishi hapa phahji ong uoshing touei monglongei peishah.

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

HEBREW 7:19

(mehenangkü shahkungnyüi meheyao changpüshapü neleihüang); hatü phihükei meipüba monglem hük vamteke, hapa homei jen Kahvang yopailei peinyüpeih.

HEBREW 10:19

Hanangkü ngelei jeihinaüthü, Jisulei iy homei Longi Daülangpü Shingei shühen jen monglempü nyupü nangkü,

HEBREW 10:21

hatü Kahvangei shem kü jenei ngongpa longpü nyupü nangkü,

HEBREW 11:1

Shaang hinglempeyü jeni monglempü douthü lekpü, ne-eepü douthü mongkü pongpü nyüke.

1 PETER 4:17

Mehenangkü Kahvangei shem am kü shahphenpü chongpanghen hepak ngoiteke; hapayü jen mü pangjema, Kahvangei shahjangmei nebangpüthü dohpü mekei nyuhen?

SHAKEI VAMPÜ 2:26

Üami vehok neünya, hatü dohpü thahshi ngelei dou nedoh-i düknya, ngei opa leipü wong yahpükei ngei jatthü shak kü wong shuohhen.

EZEKIEL 46:10

Mechem jom shühen ongpayao jom mü shühen, hatü jom mü büpayao vamei daihen.