HEBREW 3:5 - DAÜLANGPÜ LAIHING (BSI)

⁵ Shaang Mosayü chongphobü hük keiha Kahvangei shem am peü touei pheilei denpü ehen douthü nang denpü shuohhen mong phenei shuohteke.

HEBREW 3:5 Referans Kwoze

BHEI-IE 12:7

Shejao ngei chongphobü Mosa meyü hapakei nevai; Büpayü ngelei Israel nanglak peü kü veihen ngei shuohpeih.

HEBREW 3:2

Mosaiyao Kahvangei shem am peü kü mong phenei shuohpükei büpai büpa jepüba kü mong phenei shuohteke.

MÜLANGPÜ 14:31

Israel ami Ijip am khüei Shembüpai dükpü dou longpü eeteke. Hanangkü nanglakthüi Shembüpa kü nyem, hatü Shembüpa hatü büpa chongphopü Mosa kü hinglem.

MENVIH KESHO 105:26

Büpai jepü büpalei chongphobü Mosa hi Aaron nyi shom.

PHONGSHANTHÜ DOU 28:23

Jomi büpa mü ponghen nyih itteipheikü jomi büpa paümpü shingei khong longi pei. Dhom kübü om dhüshi büpai hapa jung nih-ei Kahvang ongching jung denpü shuoh, hatü Mosa shahkung hatü thihivam laithü kübü eyei jomphongao Jisu shingvaishi lepei leihen khe.

HEBREW 8:5

Jomi daülangpü shingei khümnyüke, hayü vangsholei nyupü dükhiling lajei nyuh-ei düknyüke. Hanangkü Mosai ashakshem vehen nyushingkü hapakei shahvüng shuohteke, “Kahshangei nüng kü hupü düklem kei linghen kentuh.”

1 TIMOTI 1:12

Ngei wong kohhüpü Khrista Jisu, jenei Shembüpa kü ngei mongongnyeih; mehenangkü büpai ngei hingshangi nyüke shei nyingei ngei büpalei dousho kü jeteke.

JOSHUA 1:2

“Ngelei chongphobü Mosa didaiteke. Israel am kü ngei shuohhen shei epü kahdokei Jordan yung homei daihen nüng hatü nanglakthü peü layaonghen temtuh.

SHAHKÜP 34:5

Hanangkü Shembüpai epükei Shembüpa chongphobü Mosa Moab kahdokei didai.

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

ROM SHAHSHA APPÜ 3:21

Shejao shaang, shahkung mü lenei Kahvang daülangshemshepü shakei vamteke, hatü hayü shahkung hatü thihivamthüi denpü shuohnyüke.

JOHAN 5:39

“Ammi laihing yemnyüke; mehenangkü halei yangnyuyem nyüpeih shei ammi deihnyüke; ha laihingthüi ngei jung denpü shuohnyüke,

LUK SHAHSHA APPÜ 24:44

Hapheikü büpai jomphong kü, “Hathüyü ngei amphong mü nyushi am kü epü shahthü hih– Mosa shahkung, thihivam laithü hatü menvih kesho kü ngei nang nyangei nyupü peü dhaümkahen” shei eteke.

LUK SHAHSHA APPÜ 24:27

Hapheikü Mosa kübü pangei thibüthüi nyangpü laithü kübü büpa jung epü peü nih-eikhoei eteke.

JOSHUA 8:31

hatü hapayü Shembüpa chongphobü Mosa homei Israel am kü epükei nyiam hadir noshi chemao manglokpü yaong kübü lokei moidü ling, hatü jomi halei jakpü moila hatü mongjempü moila shuohteke.

1 KORINT 4:2

Anyei vaishi khei vaibüthüyü monglemaokpü vaihen vongbong.

PHONGSHANTHÜ DOU 7:37

“Kahvangi ngei ngaihüpükei büpai am shingvaishi am nanglak khong kübü thihivam hük vamhühen” shei Israel am kü epü Mosayü hapa hih.

LUK SHAHSHA APPÜ 12:42

Jisui e, “Laophülei shembüi büpalei aathü kü hepak jiüshi jomphong kü hanpü hahying shuohhen dousho hanhen mü hingshangpü hatü kon kohpü kheipa üpa nyüpa?

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 24:45

Shejema hingmeipü hatü kon kohpü chongphobü üpaang? Büpayü shembüi laophülei shem leipü lebü chongphobüthü shak kü hepak jiüshi hahying hanei shuohhen shembü shaei tuhpüba hih.

JOSHUA 8:33

Israel ami benha hatü bühü, jomei mübüthü, lakchongbüthü, hatü shahphenbüthü kemei Shembüpalei Vangpüshuwpü Pela paipü Levi am ngongpathü philei meeshi dangpong kü yaongteke. Shembüpa chongphobü Mosai shelei Israel nanglakthü kü moihiman shuohhen hepak kü epükei, nanglakthü hükeishing Gerizim Kahshang kü dok meeshi hatü hükei shing Ebal Kahshang kü dok meeshi yaongteke.

JOSHUA 1:15

Shembüpa, ammei Kahvangi am kü shuohpü kahdok kü am nyiushem meipükei Shembüpai jom kao nyiushemmei mangshuoh thahshi amphongi ammei jeihinaüthü kü sheühtuh. Hapheikü am nyokei leiyei Shembüpa chongphobü Mosai Jordan apshaphi kü am kü shuohpü kahdokei chongkhenei nyutuh.”

JOSHUA 1:7

Nüng wong kohtuh hatü longi monglongtuh. Ngelei chongphobü Mosai nüng kü shuohpü shahkungthü banghen kentuh; nüng dailem peü kü aokpü danghen shingvaishi ha kübü laknyong lakdah shei teleplük.

SHAHKÜP 3:24

“Oh Jeiyong Shembüpa, nüngi nüngei chongphobü kü laklu wong longpü huhen chongpangteke. Nüngi dükpükei yashanyale dou dükaokhen mü kahdok hatü vangsho kü lebü kahvang neshiü!

NEHEMIAH 9:14

hatü nüngi nüngei daülangpü Sabbath jom kü shuoh, hatü nüngei chongphobü Mosa homei jom kü shahkung hatü vanglem shuoh.

MÜLANGPÜ 40:16

Shembüpai büpa kü epükei Mosai lemphüli dük.

HEBREW 1:1

Aivang den meyü Kahvangi jenei bühipathü kü lem longi hatü laolao kü thihivamthü homei ehamteke,

HEBREW 3:4

Mehenangkü shem peü hanei ami venyeih, shejao lemphü lingpeyü Kahvang hih.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!