HEBREW 3:12 - DAÜLANGPÜ LAIHING (BSI)

¹² Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

HEBREW 3:12 Referans Kwoze

JEREMIAH 17:5

Shembüpai hapakei enyüke: “Üpai shennyak kü hinglemnya, üpai wong danghen phai kü mongnyangnya, hatü üpai SHEMBÜPAleipü yanei lüdainya, büpayü thaüvaüthemthepü.

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

JEREMIAH 18:12

Shejao jomi nüng kü jangei, “Hayü nadang neshiü. Hami hamei küpjanthü kü kamhen; ham peüi hamei mang mongdang vaanpü lem kü mühen” shei ephahen.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

1 KORINT 10:12

Hanangkü am wong kohshi yaongshi nyüpeih shei deihjema, am nedohen thashimashi nyutuh.

HEBREW 10:38

Shejao ngelei daülangpü nanglak hinglempai nyuhen. Shejao üam ngümpheilei shinei leidai, büpa kü ngei mongneonghen.”

JEREMIAH 11:8

Shejao jomi ha nebang, nevaijü dhaong neshaang, shejao mong vaanei mangi mongpü lem kü peü kampeih. Hanangkü vangpüshuwpülei nyangei nyupü thaüvaü kemei jom touei peihüpeih, shejao jomi ha kao nebang” shei eteke.

HEBREW 12:15

Üpaiyao Kahvang phahji nedangi nenyuhen, hatü shanghah vamhen mü hatü longi nesheihhen mü shahyakpü tünglang nevamhühen yomtuh.

JEREMIAH 16:12

Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

HEBREW 3:10

Hanangkü ngei hapa hühihathü kü mongshihpeih, hatü ‘Jomei mongdang düngei lemnyong kü dainyüke, hatü jomi ngelei lemthü nenying’ shei ngei epeih.

MARK 13:33

Lituh, thaeimaei nyutuh; mehenangkü hepak mechem ngoikahen ammi nenying.

MATHI 24:4

Jisui jomphong kü e, “Amphong üpayao lemnyongei nedaihen lituh.

JEREMIAH 3:17

Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

KANDOK 1:32

Mehenangkü kihikon kü venlepüthü laophü nyingi yemei dinyeih; Laophü kü laophüi monglempü ngapathüi mahpü pongnyüpeih.

MARK 13:9

Am laophü nyingi lishi nyutuh; mehenangkü jomi am yepei shahphen shingei lanei shuohhen; hatü amphong kü Sinagoglei üpphahen, hatü amphong ngei nangkü denpü shuohhen governor hatü ongthü touei yaonghen.

HOSEA 1:2

Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.

1 THESALONIKA 1:9

mehenangkü ammi ham mekei mongongshi yah, ha jom nyingi shah-om shuohteke. Vanyangyem hatü hingshangpü Kahvang chongphohen shingvaishi am mekei lajei kübü mong lepei Kahvang touei leipa,

MENVIH KESHO 18:21

Mehenangkü ngei Shembüpalei lem kü kam; ngelei Kahvang toueipü yanei ngei mang dou nedük.

JOB SHAHSHA APPÜ 22:17

Jomi Kahvang kü, “Ham mon nyuhen hih, Jeiyong Kahvangi ham kü mehe dükphaaokhen?” shei enyüke.

ROM SHAHSHA APPÜ 11:21

Mehenangkü Kahvangi nyingnyoi kaothü dangkao yangei netuhjema, hingnelem pheikü büpai am neyangphapih.

LUK SHAHSHA APPÜ 21:8

Büpai e, “Am lemnyong kü nemühen lituh; mehenangkü longshi shing ngelei men kü, ‘Ngeiyü büpa hih’ hatü ‘Hepak ngoiteke’ shei eshi peikahen. Ammi jom phei tedai.”

MARK 13:23

Shejao am lituh; ngei lemphü am kü etepih.”

MATHI 16:16

Simon Peteri, “Nüngü vanyangyem Kahvang Ha Khrista” shei jangei e.

JOB SHAHSHA APPÜ 21:14

Jomphongi Kahvang kü, “Ham mongpükei nyuhen hih! Hami nüngei lemthü nyinghen napü neshiü,

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

KOLOSI 2:8

Üpaiyao amphong Khrista leipü nevaipü kü yahlak neshiüpü aivang büshah kübü eyei peipü hangkulei kihikon shah hatü kahdoknyü kü vanglem lempü laanghathüi am aa leihüei müei nedaihen lituh.

HEBREW 3:1

Hanangkü jeihinaü hatü nyahinaüthü, vangsho ami nyükpü kü daülangpü hean yahpüthü, jeni lahpü Jisu, phongshan hatü ngongchong deih-ei dangtuh.

HEBREW 3:19

Hanangkü jomi hingnelempü nangkü halei neshüaokpeih shei jeni eenyüke.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

HEBREW 10:31

Vanyangyem Kahvangei lak kü dohenü nyembenüng.

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

EZEKIEL 14:5

Lajeithü kü mong shuohtüktü ngei yakphongpü Israel nanglakthülei mong yepei leihen shingvaishi ngei hapa dükhen.”