HEBREW 3:1 - DAÜLANGPÜ LAIHING (BSI)

¹ Hanangkü jeihinaü hatü nyahinaüthü, vangsho ami nyükpü kü daülangpü hean yahpüthü, jeni lahpü Jisu, phongshan hatü ngongchong deih-ei dangtuh.

HEBREW 3:1 Referans Kwoze

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

PHILIPPI 3:14

Khrista Jisu kü vangsho lemei Kahvangi nyükpü thintho danghen shingvaishi ngei ha mükhong philei moknyeih.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

HEBREW 2:17

Hanangkü lemphü phikü büpayü laophülei jeihinaü hatü nyahinaüthü kei leihen mü vam, shejüang nanglakthülei mang tükhen shingvaishi jakpü moila leihen büpayü phahji kohpü hatü hingshangpü Kahvang chongphopü dousho kü ngongchong leihen mü vamteke.

HEBREW 10:21

hatü Kahvangei shem kü jenei ngongpa longpü nyupü nangkü,

EPHESIA 4:4

Am nyükpü monglem hük kü nyükpü keiha büm hük hatü Laangha hük,

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

1 KORINT 9:23

Ngei hapalei moihiman hanteihen shingvaishi ngei ha peü shahjangmei men kü düknyeih.

2 TIMOTI 2:7

Ngei mehe enya, ha meishi deih-ei dangtuh; mehenangkü nüng kü Shembüpai dou lemphü kü danaokpü yahphahen.

1 TIMOTI 6:12

Hinglempü vehok meipü hoktuh; vanyangyem kü shoungtuh; hapa shingvaishi nüng nyükpeih, hatü denpü longi omshi nüngi lahpü meipü lingpeih.

ROM SHAHSHA APPÜ 15:8

Bühipathü kü lahpüthü büpai jiühühen nangkü Kahvangei shahhing men kü Khristayü japtükpüthülei chongphobü leipeih shei ngei am kü enyeih,

HEBREW 2:11

Mehenangkü daühüpüba hatü daütükpüthü peüei Pa hük nyüke. Ha tata kü Jisui jomphong peü kü jeihinaü hatü nyahinaüthü shei nyükhen neveünyu.

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

HAGGAI 1:5

Shaang Jeiyong Shembüpai ha enyüke: “Ammei lemthü meishi deih-ei dangtuh.

MENVIH KESHO 110:4

Shembüpai ha lahteke, hatü büpalei mong neyeiyahen, “Nüngü Melkizedek aimü düngei ngongpa vaihen.”

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.

1 TIMOTI 6:2

Aathü, üam vaipü shembüthü nyüpa, jomphong kü dhüm neshuoh-i tenyu; mehenangkü jomphongao jeihinaüthü nyüke. Shejao jomi hathü meipüba kü chongphohütuh; mehenangkü jomei dou kübü nanglei dangpeyü bampü vaipüthü nyüke. Hathü dou jung nüngi jomphong kü nyuh-ei etuh.

2 THESALONIKA 2:14

Hapa nangkü ammi jenei Shembüpa Jisu Khristalei müknyinshekhang yahhen shingvaishi hami venpü shahjangmei homei büpai am nyükpeih.

2 THESALONIKA 1:11

Hapa mongkü tuhtü hami düngei am shingvaishi Kahvangi am kü nyükpü shangshi ieyeilemhen, hatü mei tempü peü hatü hinglempü dou peü büpalei ngani jiühühen shingvaishi hami phopnyeih,

1 THESALONIKA 5:27

Hapa lai jom peü touei ietuh shei Shembüpalei men kü ngei am kü ngeükhüam shuohnyeih.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

KOLOSI 1:22

Büpai shaang büpalei phai büm kü dipü homei mongjemhüteke, hatü hapayü amphong büpa touei daülangi, eela neshiüi hatü thaüvaühen neshiüi nyuhen shingvaishi nyüke.

KOLOSI 1:12

amphong vangngai ongching kü daülangpüthü mü mükjüp hanteihen mü amphong mükjüp yahpü am leihüpü Pa kü menvih shuohtuh.

2 KORINT 1:7

Am shingvaishi hamei monglem nejenlennyih; mehenangkü ammi hamei shangpong kü hanteipükei ammi hamei nyiumeiyao hanteihen shei nyingnyüke.

1 KORINT 1:2

Korintlei nyupü Kahvangei attoi, Jisu Khrista kü daütükpüthü, daülangpüthü vaihen nyükpüthü mü chemi shing peülei jenei Shembüpa Jisu Khrista– jomei hatü jenei Shembüpa men kü nyükpüthü touei,

ROM SHAHSHA APPÜ 15:27

Jomi ha dükhen mongong, hatü jomi hathü kü ha dükhenü hang nyüke; mehenangkü Kung ami Jehoda amei laangha moihimanthü hanteijema, Kung amiyao Jehoda am kü jomei mophimo hanteihen jiüpeih.

ROM SHAHSHA APPÜ 11:17

Shejao olive pükao hanei bhagei yaktüktü nüng, olive nganyü kao dakei hapa olive pü tünglang kübü aongpü hahying hahhen hapteke.

ROM SHAHSHA APPÜ 9:24

Jenphongao büpai nyüklangpüthü, Jehoda am mon nevai, shejao Kung amao omshi jeyei nyüklangpüthü.

JOHAN 20:27

Hahepak kü büpai Thomas kü, “Nüngei lakjaangi hammü yuktuh, hatü ngelei lak kü veituh. Nüngei lak deiyei ngelei haampat kü yuktuh. Nüng tejü-ü shejao hinglemtuh” shei e.

HAGGAI 2:15

Shembüpalei shem chongnyiam yaong hük shangkü hük haüshekü am kü mehe vampa, shinnyih mü leitü meishi deihei dangtuh.

EZEKIEL 18:28

Mehenangkü büpai thahpü mangthü peü deih-ei dangpü nangkü hatü haleipü mong lepei leipü nangkü büpa hingmei yemmü nyuhen; büpa nedihen.

EZEKIEL 12:3

Mehenangkü jomü dokteikhaungkheipü nanglakthü khih. Hanangkü shennyak ha, wüpküpei daihen hanggo temtuh, hatü jomi eeshi nyihnüng nüng wüpküpei dainyu keiha shing hük kübü shing hükei jomi eeshi daituh. Dokteikhaungkheipü jatli vaijao üpai nyingpa, jomi ha nyinghen aokpeih.

ISAIAH 41:20

shejüang nanglakthü peüi hapayü Shembüpalei lak, Israel amei Daülangpü Kahvangi dükpü khih shei eehen, nyinghen, deihhen hatü danhen.

ISAIAH 5:12

Jomei mohitap kü harp hatü lyre vüngei, tambourin hatü liping vüngei nyunyüke, shejao jomi Shembüpalei douthü kü ieyeilemei neshiü nevaijü büpalei lakdouthü kü dhüm shuohpü neshiü.

SHAKEI VAMPÜ 18:20

Pinnyü lomohpü nangkü mongongtuh, Oh vangsho am, daülangpü, phongshan hatü thihivamthü! Mehenangkü Kahvangi am nangkü pinnyü kü shahphenteke.”

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

1 PETER 3:5

Ha aihük mü aivang den kü Kahvang kü monglempü daülangpü nyühathüi laophülei baha phangkü nyupü homei dhemeilaüma ow owpeih.

HEBREW 9:11

Shejao mechem Khristayü peiyei nyupü doumeithülei ngongchong kei peipa, laki nelingpü, lappai, hapa lingpü kahdoknyü kü neompü longpü hatü den ngoipü ashakshem mongei büpa shüteke.

HEBREW 6:20

Halei jenei men kü jen shekü yeihshi Jisu shüteke, hatü Melkizedek aimü büpa den shing ngongchong leiteke.

EPHESIA 3:6

ha lappai, Kung amao aihük mü mükjüp yahpü am, büm hük kü aihük phaihan, hatü shahjangmei homei Khrista Jisu kü lahpü kü hean yahpü am leipeih.

1 KORINT 10:17

Aan hük mon nyupü nangkü jen longi nyujao büm hük mon; mehenangkü jen peüi aan hük kü hean yahnyüpeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

PHONGSHANTHÜ DOU 1:15

Hathü nyih kü vaipü jeihinaüthü touei Peter yaongei, (ha khong kü shennyak kho hük mü kukha hükshing nyu),

2 KORINT 9:13

Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

HEBREW 7:28

Mehenangkü shahkungnyüi wong nekohpüthü ngongchongthü vaihen jepeih, shejao lahteipü shah mepa shahkungnyü pheikü peipa, hapai den kü changpüshapü Ha hük jepeih.

HEBREW 9:15

Ha tata kü Kahvangi nyüklangpüthü nedohnetenpü lahtükpü mükjüp danghen shingvaishi Khristayü vangpüshuwpü ja kü lembü leiteke. Shaang shongpü vangpüshuwpü phangkü mang thahpüthü bümei leihühen nangkü ha shemhen büpa diteke.

HEBREW 10:19

Hanangkü ngelei jeihinaüthü, Jisulei iy homei Longi Daülangpü Shingei shühen jen monglempü nyupü nangkü,

HEBREW 10:23

Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

HEBREW 13:22

Jeihinaü hatü nyahinaüthü, ngelei nangthong shah nenei bangtuh; mehenangkü ngei am kü hapa lai shohloh-i nyangnyeih.