HEBREW 2:8 - DAÜLANGPÜ LAIHING (BSI)

⁸ hatü lemphü douthü büpalei la phangei tuhteke.” Shaang lemphü douthü büpa phangkü tuhtü Kahvangi mepa-ao büpa phangkü nenyui netuhphong. Shejao shaang payü jeni lemphüli büpa phangkü nyupü ne-eenyu.

HEBREW 2:8 Referans Kwoze

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

1 KORINT 15:27

Mehenangkü Kahvangi douthü peü büpalei la phangei tuhteke. Shejao mechem douthü peü la phangei tuhpeih shei ehenshang, üpai dou peü büpa phang kü tuhnya, ha kü büpa omshi neshiü shei leknyüke.

MENVIH KESHO 8:6

Nüngi lingpü lakdouthü shak kü nüngi büpa vanglem lembü leihü; nüngi lemphü büpalei la phangei tuhphong:

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

SHAKEI VAMPÜ 1:18

hatü yemmü nyupü hük. Ngei diyei nyuteke, hatü veituh, ngei den dok kü den yemmü nyüpeih, hatü ngelei lakei Dipü hatü Yimching sabi nyüpeih.

HEBREW 1:13

Shejao mepa vangsho phongshanthü kü büpai, “Ngei nüngei vepathü nüngei la shoupshing mangleihü thahshi ngelei lakdah philei uotuh” shei epa?

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

HEBREW 2:5

Jeni shaang eteipü ngoikahen kahdoknyü jung Kahvangi vangsho phongshanthü kü lanei neshuohangpih.

JOHAN 3:35

Pa-i Ha kü bampü nangkü lemphüli büpalei lak kü shuohteke.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.