HEBREW 2:3 - DAÜLANGPÜ LAIHING (BSI)

³ hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

HEBREW 2:3 Referans Kwoze

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

ROM SHAHSHA APPÜ 2:3

Hanangkü am shennyakthü, ammi hapa keipü dou dükpüthü kü shahphennyüke, shejao ammi-üng hathü dükyaki Kahvangi shahphenpü kübü yangaokhen shei ammi deihnyu je?

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

PHONGSHANTHÜ DOU 4:12

Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”

EZEKIEL 17:15

Shejao Judah ongpai khüei yaong hatü Ijip am touei koyei hatü veshanthü yüei lembü shomteke. Büpai aokpü danghen je? Hapakei dükpü shennyak yangaokhen je? Büpai vangpüshuwpü mangtüktü yangaokhen je?

HEBREW 4:11

Hanangkü jomi keiha ven nedanpü homei üpayao nedo-i hapa nyiushemmei kü shühen shingvaishi jeni kenshah.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

LUK SHAHSHA APPÜ 1:2

chongpangpülei müki eeyei denpüthü hatü hapa shah baongpüthüi jomi mehe eetepa, ha jen kü epükei,

SHAKEI VAMPÜ 7:10

Jomphongi ngeüwong anei lenei eteke: “Yemleipeyü ong uoshing kü uopü jenei Kahvang, hatü Mi Chehalei!”

TITUS 2:11

Mehenangkü peü kü yemleipü koei peipü Kahvang shakei vamteke.

1 TIMOTI 1:15

Hapayü dhao mü yah-aokbenüng hingshangpü shah: Khrista Jisu-ü mangthü yangnüng kahdoknyülei yiü, ha khongkü ngei peü mü nemeipüba.

MATHI 23:33

Amphong biüthü, hatü biüei hapeüthü! Molo aw kü shukhen kübü am mekei yangaokhen?

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

ISAIAH 51:5

Ngelei yemleipü shülangi yopailei koei peikahen, ngelei yemleipü peikünyüke, hatü shahhingi ngelei laki jatthü kü shahhingi vanglem lemhen; Yungkungei nyupü kahmükthüi ngei om veihen, ngelei laki jom yangshuohhen shei monglemei dannyüke.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

HEBREW 4:1

Hanangkü büpalei nyiushemmei touei shühen lahpü shaang thahshi nyupü nangkü am üpaiyao hapa nethah-i nenyuhen shingvaishi jen kenhingshah.

PHONGSHANTHÜ DOU 2:22

Israel am, ngei mehe ephahen bangtuh: Nazareth am Jisu-ü Kahvangi yahpü shennyak hük amphong touei yashanyale, thamapü hatü nyangeihepü homei Kahvangi am kü büpa homei dou dükpü am nyingi nyingei nyüke.

PHONGSHANTHÜ DOU 1:22

Johani baptükpü kübü pangei jen toueipü büpa manganlangpü nyih thahshi nyupü shennyak hük jehen vongbong khih. Mehenangkü hathü khongkü jepü hükü jenphong mü büpa yangei leipü kü denbü vaihen vongbong” shei Peteri eteke.

JOHAN 15:27

Pangpü mebü am ngei mü nyuhamphei vaipü nangkü ammiyao ngei jung denpü shuohtuh.

LUK SHAHSHA APPÜ 24:19

“Mehe douthü?” shei büpai jiji kü phe. Jijinyi-i, “Nazareth am Jisu nang” shei e. “Büpayü thibü hük, shah kü hatü dou kü Kahvang hatü nanglak peü touei wong kohshi nyuhampeih,

MARK 1:14

Shaang Johan yepei khoklatei tuhpheikü Jisui Galilei Kahvangei shahjangmei chongvenei pei,

EZEKIEL 17:18

Büpai vangpüshuwpü mangei lahtükpü yakphongteke. Mehenangkü büpai laophülei laki dükei lahteke shejao hathü doutenthü dükteke, büpa neyangaokhen.

ISAIAH 51:8

Mehenangkü jomphongü ashakviha keiha laongi, hatü dhaüpi hahtükhen; Shejao ngelei daülangshemshepü hatü yemleipü hüdenhalenshi nyukahen.

ISAIAH 20:6

Hapa nyih yungching yungkung kü nyupüthüi, ‘Veituh, Assyria ongpai yangphahen shei jeni monglempü, hatü sheühshih shei nyaiyei heihjahampü nanglakthüyü henüngang pongpü khih! Jenao hajük keyü mekei yemmü nyuaokhen?’ ” shei ehen.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

LUK SHAHSHA APPÜ 1:69

Büpai ham shing yemleipü vaung hük büpalei chongphobü David am phang kübü vamhüteke.

MATHI 4:17

Hahepak kübü Jisui, “Amphong mong leptuh; mehenangkü vangsho ongching yopailei peiteke” shei baonghen chongpang.

ROM SHAHSHA APPÜ 11:14

hapayü ngelei nanglaki mükhühhühen hatü jom hanei dangkao yanghen.

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

HEBREW 1:1

Aivang den meyü Kahvangi jenei bühipathü kü lem longi hatü laolao kü thihivamthü homei ehamteke,

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

JUD SHAHSHA APPÜ 1:17

Shejao bampü küphüthü, jenei Shembüpa Jisu Khristalei phongshanthüi tetei epü deih-ei danghümao;