HEBREW 13:5 - DAÜLANGPÜ LAIHING (BSI)

⁵ Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

HEBREW 13:5 Referans Kwoze

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.

ISAIAH 41:17

Mechem taopa hatü ne-angpüthüi yung yemhen, hatü ha nedangi yung lepai jomei üng üdaihenshang, Ngei, Shembüpai jom kü janghen, Ngei, Israel Kahvangi jom netuhphongpih.

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

MENVIH KESHO 37:25

Ngei hashih nyuhampeih, hatü shaang behe leiteke, shejao daülangpü shennyak hük Shembüpai yaktükpü, nevaijü büpalei hühihathü yühahjaiyingei ne-eeangpih.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

MATHI 6:25

Hanangkü ngei enyeih, nüngi mehe hahhen, mehe yinghen nevaijü mehe owhen shei nüngei büm nangkü nüng mongteshang. Hahying mao yangnyu, hatü ashakviha mao büm longpü nevaipü je?

MENVIH KESHO 37:28

Mehenangkü Shembüpai shahhing kü bamnyeih; büpai büpa kü hinglempü shennyak neyakphonghen. Daülangpü am düngei yangei tuhhen, shejao nemeipü amei hapeüthü mahtükhen.

MATHI 6:34

Hanangkü ngenyihpü jung deih-ei mongteshang; mehenangkü ngenyih-ao ngenyihpülei mongshang koei peikahen. Shinnyihpülei mongshang shinnyih shing changshi nyüpeih.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

LUK SHAHSHA APPÜ 3:14

Hahepak kü veshanthü hanei büpa kü, “Hamphongiyao mehe dükhenang?” shei phe. Büpai jangei, “Amphongi üpa leipao lop te-aet nevaijü üpa kao shahshemi tenyonghü– nüngi mehe ang, ha kü mong hüshemei nyutuh” shei e.

EZEKIEL 33:31

Jomphongi nüng touei düngei peiteipükei peinyüke, hatü nüngi epü banghen nüng touei uonyüke, shejao jomi dou leiyei nedüknyu. Jui mon jom vaipü enyüke, shejao jomei mongdangü mop nempai maei nyüke.

MENVIH KESHO 119:36

Nüngei shahkungnyü philei ngelei mong lepei leituh; shejao ngei lomja nanglei danghen lem kü nevai.

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

MENVIH KESHO 10:3

Nemeipüthüi laophülei mongi lümpü kü changmeinyeih, hahnempü shennyaki Shembüpa kü thaüvaütü yakphongnyeih.

MÜLANGPÜ 2:21

Mosai hapa shennyak mü nyuhen mongteke, hatü büpai laophülei yiükha, Zipporah Mosa mü shem yemhü.

EPHESIA 5:3

Shejao iyjeiphailei hatü nedaünelangpü lemphü, nevaijü hahnempü henüng keipü ammi te-etei; mehenangkü daülangpüthü touei ha jiüpü nevai.

1 KORINT 5:11

Shejao shaang ngei am kü nyangpeyü vaipü jeihinaü nevaijü nyahinaü shei men kotü mükbongjuyungei, hahnemei, lajei kü khümei, ten epü hatü gühpüthü mü tejemtei shei epeih. Henüng keipü shennyak mü chemiyao tehah teying.

LUK SHAHSHA APPÜ 8:14

Hüh chi kü vüpeyü hathü, jomi shah dannyüke, shejao jomi jomei lem kü kamshingkü jomphongü yangnyu mongshang, mophimo hatü yangnyu mongongmongle kü kenpai luplangtü betjük liyei neshümnyu.

MARK 7:22

mükbongjuyung, mop nempü, douten dükpü, lueilempü, levaümaühe, mükhühpü, yuteipü, changmeipü hatü nelinehapü vamnyeih.

MÜLANGPÜ 20:17

Nüngi nüngei chingyowlei shem kü vaüei tedeih; nüngi nüngei chingyowpalei nyüha kü vaüei tevei, nevaijü jomei mohoh nevaijü gadu nevaijü nüngei chingyowpalei lemphüli kü vaüei tedeih.

JUD SHAHSHA APPÜ 1:11

Hathüyü Onyükei! Mehenangkü jomi Kainei lem kü kamnyüke; nanglei shingvaishi Balaami pungpü lem kü dainyüke, hatü Korah-i khüei yaongpü mang kü mahnyüke.

1 KORINT 6:10

gühpü, hahnempü, chokpümokpü, yaüeilungpü, hatü peileipüthü– hathü üpayao Kahvang ongching mükjüp nedangpih.

ROM SHAHSHA APPÜ 1:29

Jomphong kü lemphüli mang, ten, hahnempü hatü ten dükpai maei nyüke. Jomphongü mükhühmongyung, jüteishangtei, dehilao, ühingnakai, hatü glüpi maei nyüke. Jomi mihla,

JOSHUA 7:21

Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

KAHBHAO 31:5

hatü jiji kü, “Sheleipükei ampai ngei kü bamei nenonyu shei ngei nyingteke, shejao opalei Kahvang payü ngei mü nyüpeih.

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.

1 SAMUEL 10:7

hathü nyangeihepü vamphei kü mehe dükjü meihen khih shei nüngi veiaok, ha düktuh; mehenangkü Shembüpa nüng mü nyüke,

1 ONGPATHÜ 6:13

Ngei Israel nanglakthü mü nyuhen, hatü ngei jomphong netuhphongpih” shei e.

1 ONGPATHÜ 8:57

Shembüpa jenei Kahvang, jenei bühipa mü nyupü keiha jen mao nyukahen; büpai jen netuhphongpih nevaijü neyakphongpih.

KANDOK 23:4

Nüng nyingi shemmei leihen tekhe; ha kübü shounglanghen mü kon kohtuh.

ISAIAH 42:16

Ngei mükphüngpüthü jomi chemao nekampü lem kü mühen; Ngei jom touei vangnyakü vangngai leitükhen, hatü nemeipü lemthü lemnyeü meishi lingtükhen. Ngei dükhen dou-ü hathü, hatü ngei jom netuhphongpih.

MATHI 6:19

Ammi hapa kahdoknyülei laophü shing mop tejao; melei thep hatü düithungi hahtüknya, hatü gühpai shem mangei shüei gühlangnya.

2 KORINT 4:9

shüveipü ponghah, shejao neyakphong; nemei-i üphah, shejao nejütük;

KAHBHAO 30:31

“Ngei nüng kü mehe shuohhenang?” shei phe. Jakobi, “Ngei kü meheyao teyahpha” shei e. “Shejao nüngi ngei kü hapa dou hük mon dükphüjema ngei nedoh-i nüngei mithü haümei yomei nyukahen” shei e.