HEBREW 13:4 - DAÜLANGPÜ LAIHING (BSI)

⁴ Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

HEBREW 13:4 Referans Kwoze

KAHBHAO 2:24

Hanangkü baha hüki laophülei nyühipa tuhphongtü laophülei nyüha mü mongjemei nyunyeih, hatü jijinyi phai hük leinyeih.

GALATIA 5:19

Shaang phailei douthü ngaiheyei vamteke: iyjeiphailei, nedaünelang, ten dükpü,

GALATIA 5:21

mükhakpü, chokpümokpü, hahngayungpe hatü hakeipü douthü vamteke. Ngei shelei shuohpükei ngei am kü shahvüng shuohnyeih: Üami henüng keipü douthü düknya, Kahvang ongching mükjüp nedangpih.

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

1 KORINT 5:13

Haolei nyupüthü keyü Kahvangi shahphenhen. “Amphong khong kübü nemeipü shennyak changtüktuh.”

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.

1 TIMOTI 3:12

Deacon hükü nyüha hükei baha vaihen khih hatü laophülei hapeüthü hatü shemong kü meishi vanglem lemaokpü vaihen vongbong.

1 TIMOTI 3:4

Büpayü laophülei shemong meishi vanglem lemaokpü, laophülei hapeüthü ven bangei dhüm kohshi tuh-aokpü vaihen vongbong.

1 KORINT 7:38

Hanangkü üpai shem yemnya, büpai meipü düknyüke, shejao üpai shem neyem, büpai meipüba düknyüke.

KAHBHAO 2:21

Hanangkü Shembüpa Kahvangi hapa shennyak mükhet meiyei shihütü büpai büpalei haampat hük yahtü maju phüngtük.

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

TITUS 1:6

Behe hükü eela neshiüpü, nyüha hük mon nyupü, hapeüthü peü vaipü am leihüpü, hatü jomphongü lohmangpü hatü ven nedanpüthü nevaihen vongbong.

1 TIMOTI 5:14

Hanangkü vaümnyü naüeethüyü shem yemei, hapeü angei laophülei shemong lingei nyemnyu shei deihnyüke; shejüang vepathüi jen khüei ten ehen lem nedanghen.

1 TIMOTI 4:3

Jomi mih kü shem neyemhen, hatü hinglempüthü hatü shahhing nyingpüthüi menvih shuoh-ei hahhen shingvaishi Kahvangi lingpü hahying nehahhen enyüke.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

1 KORINT 9:5

Lebü phongshanthü, hatü Shembüpalei chenaüthü hatü Cephas kei vaipü nyüha mühahhen hamphong kü jiüpü neshiüpü je?

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

1 TIMOTI 3:2

Shaang attoi mübü hükü nepaohneshaipü, nyüha hük mü mon shem yemei nyupü, shümei aokpü, laophü nyingi ungei-aeipü, dhüm kohhahhen mü nyupü, yen kü bampü, nyuh-aokpü,

ISAIAH 8:3

Kanja angpheikü ngelei shembünyü büm nekongi lei, hatü yeshang hük büh. Hahepak kü Shembüpai ngei kü, “Büpa kü Maher-shalal-hash-baz shei mentuh.

2 ONGPATHÜ 22:14

Hanangkü Hilkiah ngongpa, Ahikam, Akhbor, Shaphan hatü Asaiah hathüi phopshem leipü ashakviha kü veiteipü Harkaslei cheha Tikvah, Tikvahlei cheha Shallumei chenyüha Huldah thibüla touei pei. Pinnyü-ü Jerusalem shingja philei nyu.

HEBREW 12:16

Üpaiyao Esau kei nük omhük kü laophülei behepa hean yutükpü mükbongjuyung hatü Kahvang nenyingpü shennyak neleihen kentuh.

LEVI 18:20

Nüngei chingyowpalei nyüha mü mükbongjuyung dükei nüng nyingi mang tethah.

SHAHKÜP 22:22

Baha hüki mih-ei nyüha mü mükbongjuyung dükjema, jiji nyiphen jütüktuh. Hapa keiha amphongi Israel kübü mang daütüktuh.

1 KORINT 6:18

Iyjeiphailei tuhtüktuh! Shennyak hüki thahpü mang kemei büm kü hongei neshiü, shejao mükbongjuyungü laophülei büm khüei düknyüpeih.

1 THESALONIKA 4:6

hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.

LEVI 15:18

Nyüha baha nyi jemteipheikü jijinyipheni hangha laktükhen vongbong, hatü jijinyiphen om dhüshi nedaüpü leihen.

JOB SHAHSHA APPÜ 31:12

Mehenangkü hayü dipü awi shamtükhen, hatü ngei angpü kemei hahtükhen mon nyüke.