HEBREW 12:9 - DAÜLANGPÜ LAIHING (BSI)

⁹ Anyei vaishi jen kü ungei-aeihen jenü hangku nyühipa nyüpeih, hatü jeni jom kü dhüm shuohnyeih. Shejema jeni laanghathülei Pa kü nyeinya dhüm shuoh-ei nenyuhen je?

HEBREW 12:9 Referans Kwoze

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

BHEI-IE 27:16

“Shembüpa Kahvang, hangkulei yangnyu kü Shembüpa Kahvangi, hapa nanglakthü shak kü,

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

JOHAN 3:6

Mehe phai-i büh, hayü phai, hatü mehe Laanghai büh, hayü laangha.

JOB SHAHSHA APPÜ 12:10

Büpalei lakei yemhimak peüei yangnyu yem, hatü hangkulei ngüan ngülei nyüke.

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

ISAIAH 38:16

Shembüpa, hapa keipü dou kü hangku nyunyeih, hatü ngelei laanghai hathü kü yangnyu dangnyüpeih. Oh ngei tüngpü meitükshih, hatü ngei nüng shingvaishi nyushah.

1 PETER 5:6

Hanangkü Kahvangei laklu wong longpü phangkü am maanpü leituh; shejüang hepak jiüpü kü büpai am longei anshihhen.

JAKOB 4:7

Hanangkü am nyingi Kahvang kü lanei shuohtuh. Shepe khangei yaongtuh, hatü büpa am toueipü nyaidaiphahen.

ISAIAH 57:16

Ngei düngei nethaüvaühen nevaijü ngei düngei mongshih-ei nenyuhen, Hei nevaijema ngei lingpü hangkulei laangha mahdaihen, hatü hangkuli ngü kemdaihen.

LEVI 19:3

Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

KANDOK 30:17

Mük, mepai laophülei pa kü naamei veinya, hatü laophülei nyüven lenya, kahjilei nyupü ashathüi büpalei mük luklanghen, hatü alangthüi ha hahtükhen.

SHAHKÜP 27:16

“Nyühipa kü dhüm neshuohpü shennyak kü thaüvaü hettuh”. Hahepak kü nanglak peüi, “Amen!” shei ehen.

CHONGVENBÜ 12:7

kahdoki lingpü büm kahdokei leidai shekü, hatü Kahvangi shuohpü laangha büpa touei manglüdai shekü nüng Lingbü deih-ei dangtuh.

JAKOB 4:10

Shembüpa touei am nyingi maanpü leituh, hatü büpai am longei anshihhen.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

EZEKIEL 22:7

Hapa chingnyü kü nyupü peüi nyühipa kü dhüm neshuohnyu; hapa chingnyülei nyupü benhayahathü leipü aeteishenyüke; hashihha hatü vaümnyüthü nyongtüknyüke.

ROM SHAHSHA APPÜ 9:3

Ngelei iy hatü ngelei phai jeihinaüthülei men kü ngei kü Kahvangei thaüvaü nyemhet, hatü Khrista toueipü nyemkatitük shei deihpeih.

ROM SHAHSHA APPÜ 1:3

laophülei Ha, phai phikü David kübü phaakpü,

PHONGSHANTHÜ DOU 2:30

Büpayü thibü hük vaipü nangkü büpalei ong uoshing kü büpalei hühiha hük uohühen shei Kahvangi büpa kü lahpü büpai nying.

LUK SHAHSHA APPÜ 18:2

“Ching hükei Kahvang nenyempü hatü nanglak kü dhüm nehupü shahphenbü hük nyu.

LUK SHAHSHA APPÜ 18:4

Kanja shing büpai nemong; shejao pheishi büpa nyingi, ‘Ngei Kahvang kü nenyem hatü nanglak kü dhüm neshuohjao,

SHAKEI VAMPÜ 22:6

Hapheikü büpai ngei kü eteke, “Hathü shah-ü hinglemhen hatü shahhing; mehenangkü Shembüpa, thibüthülei laangha Kahvangi mehe lomi vamhen ha laophülei chongphobüthü kü huhen shingvaishi büpalei vangsho phongshanthü shomteke.”

ISAIAH 45:10

Üpai laophülei pa kü, “Nüngi mehe li tuhpa?” nevaijü laophülei nyü kü, “Nüngi mehe bühpa?” shei enya, onyükei!