HEBREW 12:3 - DAÜLANGPÜ LAIHING (BSI)

³ Am nenyiuhen hatü mong nemahhen shingvaishi laophü khüei mangthü leipü ten peü nenaokpüba deih-ei dangtuh.

HEBREW 12:3 Referans Kwoze

GALATIA 6:9

Hanangkü mei dükpü kü jen netengshah; mehenangkü jeni dhaümshi dükjema ha vetshingkü jeni vethen.

2 KORINT 4:16

Hanangkü hami mong nelainyih. Hamei shakdok büm viüei wong nekohjao hamei mongpa laanghayü nyihjeih ja leinyüpeih.

SHAKEI VAMPÜ 2:3

Am munenpü hatü ngelei men kü tok vaipü ngei nyingnyüpeih, hatü am nenyiunenang.

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

HEBREW 3:1

Hanangkü jeihinaü hatü nyahinaüthü, vangsho ami nyükpü kü daülangpü hean yahpüthü, jeni lahpü Jisu, phongshan hatü ngongchong deih-ei dangtuh.

2 KORINT 4:1

Hanangkü hami Kahvang phahji homei hapa dousho dükpü nangkü hami mong nelainyih.

JOHAN 5:16

Hanangkü Jisui hapa keipü douthü Sabbath nyih dükpü nangkü Jehoda ami büpa kü shüveihen chongpang.

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.

HEBREW 12:5

hatü am kü hapeüthü shei epü ammi betükteke: “Ngelei hapeü, Shembüpai ungei-aeipü kü nyüshulük kü tedeih, nevaijü büpai nüng kü lohpü kü mong temah;

LUK SHAHSHA APPÜ 14:1

Chem Jisui Pharisee am mübü hükei shemei Sabbath nyih hahyinghen dai, hatü jomi büpa kü mük shahshi veiyei nyu.

SHAHKÜP 20:3

“Oh Israel am, bangtuh, shinnyih amphongi ammei vepathü mü hokhen layaongnyüke. Amphong mong temaan nevaijü tenyem, tehan nevaijü mong tesho.

2 THESALONIKA 3:13

Jeihinaü nyahinaüthü, amphongi jiüpü dükpü kü teteng.

JOHAN 18:22

Mechem büpai ha epa, büpa yopailei yaongshi nyupü veshan hüki Jisulei dhe kü aptü, “Nüngi ngongchong kü hapakei shah leinyu je?” shei e.

JOHAN 8:52

Jehoda ami büpa kü, “Nüng keyü kahshih nyüke shei shaang hami nyingteke. Abraham didai, hapa keiha thibüthüao didaiteke, shejao nüngi, ‘üpai ngelei shah bangnya, mechemao dipü ne-eepih’ shei enyüke.

ISAIAH 50:4

Jeiyong Shembüpai nyiupünangpüthü kü mehe eshuohhen ha ngei kü nyuhphopeih. Nepjeih büpai ngei thahümahünyeih, nyuhbüi nyuhpü kü banghen ngelei dhaong thahünyeih.

KANDOK 24:10

Baonghok nyih nüng kuidaijema, nüngü mong maanpü shennyak.

JOHAN 8:59

Hanangkü jomi büpa kü shükhen yaong hom, shejao Jisu jodai, hatü phopshem leipü lüdai.

JOHAN 8:13

Phariseethüi büpa kü chengei, “Nüngi nüng jung denpü shuohnyüke; nüngi denpü shuohpeyü nejiü” shei e.

JOHAN 7:12

Büpa nangkü khong longi langmaanteiyei nyu. Hanei ami, “Büpayü shennyak mei hih” shei e, haneiyü, “Nevaipih, büpayü mih luhahnyüke” shei e.

LUK SHAHSHA APPÜ 16:14

Pharisee am lop kü bampüthüi ha peü dan, hatü jomi büpa kü yaüei e.

LUK SHAHSHA APPÜ 15:2

Pharisee hatü shahkung nyuhbüthüi langmaanei, “Hapa shennyaki mangthü yahnyüke hatü jom mü hahyingnyüke” shei e.

LUK SHAHSHA APPÜ 5:21

Hahepak kü shahkung nyuhbüthü hatü Phariseethüi, “Kahvang eelaei epü hayü üpaang? Kahvang mü lenei üpai mang tükei aokhen?” shei phehen pang.

LUK SHAHSHA APPÜ 2:34

Hapheikü Simeoni jomphong kü moihimanei chenyü Mary kü, “Hapa naü-ü Israel kü longshi shing dohühen, hatü phukhen nyangeihepü hük vaihen nangkü jepeih,

MATHI 22:15

Hapheikü Phariseethü daiyei büpai epü shah kü büpa manhühen shingvaishi phaüshah show.

MATHI 21:46

Jomi büpa yephüei deih, shejao khongnyü kü nyem, mehenangkü nanglakthüi büpayü thibü hük shei ieyeilem.

MATHI 21:23

Jisu phopshemei shüei nyuh-ei nyushingkü ngongpathü hatü behethü büpa touei peiyei, “Nüngi mehe wongi hathü dou düknya, hatü nüng kü üpai hapa wong shuohpa?” shei phe.

MATHI 15:2

“Nüngei nanglomthüi bühipai nyuhpü vanglem mehekei mangnya? Mehenangkü jomi nük hahshekü lak nehühnyu” shei e.

MATHI 12:24

Shejao mechem Pharisee ami ha danpa, jomphongi, “Hapayü kahshihthülei vanglem lembü Beelzebulei ngan homei büpai kahshihthü changnyu khih” shei e.

MATHI 11:19

Shennyak Ha hah-ei yingei pei hatü jomi büpa kü, “Hahnem hatü yiü chokpa, lat thaibüthü hatü mangthülei mongjempa kü veituh!” shei enyüke. Shejao pinnyülei doui kihikonü dahshakhüteke.

JOHAN 9:40

Büpa yopailei nyupü Pharisee am hanei ha danei büpa kü, “Mehe? Hamphongü mükphüngpü am je?” shei e.

JOHAN 10:20

Longshi shingi, “Büpa kü kahshih nyüke hatü ngadainyu khih. Mehekei büpai epü bangnya?” shei e.

1 PETER 2:23

Mechem jomi büpa kü yaüeilungei epa, büpai ha kü nekhang; mechem büpa shangpongpa, büpai nyemneshao, shejao shahhing shahphenbü kü büpa lanei shuoh.